1Jɔ̀ɔŋ 1:7 - WƆŊ FƐ̀Ì EBÒ SÌÀŊ DAYÀA

⁷ Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 1:7 ပူးပေါင်းရင်းမြစ်များ

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 5:4

Fòfoo maŋ ɗɔɔ kpàa bà màŋ maaŋ wa, kpeiŋ kɛ̀ wo màìkà Dayàa kɔ̀ào wa wo kàànè kàànè e wùìyèɛ. Yèè sèè wò kpɛɛyɛ̀ wa tii nyɛ̀nɛŋ, wo nyuùŋ sàaŋ jiɛ̀jiɛ̀ɔ sɛɛ̀ wa e wùìyè bi sùà wɔ, e sàaŋ gbiŋ nɔ̀uŋ wa e kɔɔ sùà è joeye.]

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 5:8

Nyɛ̀iŋ bi nìŋ yaà wa ke nyiwì sùà, kɛɛ nààŋ wo Kanaà naŋ naàŋ nɔ̀ŋ wo kɛ̀ɛ̀nɛiŋ nɔɔ̀ŋ lɛ, nìŋ yaà e gbolòùŋ sùà.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

1Pììlɛ 1:19

È yaà wa maŋ sɛ̀ìŋ nyìngà ɓàà Jisɛ̀ Kulaì maŋ wò naŋ gììyè saàà lɛ, wo yèɔ yaà wa mààŋ wo Ɓaawaa gò kùwìè è tɔ̀mɛ dòmaŋ nyaaŋ gbiŋ wɔ̀.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 1:5

Ke miè gbìaàŋ è naiŋ kòmò wo Jisɛ̀ naŋ wi woò lɛ nàŋ yaà e yèɛ è yààìŋ woo lɛ̀ kɛ̀, wo Dayà yaà e gbolòùŋ, yèè ke nyìwì bà gbiŋ fòuŋ sùà.

1Jɔ̀ɔŋ 5:6

Wo Jisɛ̀ Kulaì nàŋ yaà wo yeɔ̀ naŋ wa hìɛ̀ŋ e wuiyè gùùyeuŋ nɛ̀ yèè maŋ sɛ̀ìŋ e fàauŋ nɛ̀. Wo gò wa nɔŋ hìàŋ è wùìyèɛ tiŋ guùŋ, kɛɛ wò naŋ wa hìɛ̀ŋ e wùìyèɛ yaà maŋ sɛ̀ìŋ maŋ. Yèè wo Jinàaŋ Dayàa wuŋ bi naŋ kìɛ̀ŋ ke mìè seì kɛ̀ tɛɛ̀ yaà e tɔ̀ɔ̀nyaàŋ, esaɓù kɛ̀ wo Jinàaŋ Dayàa wuŋ bi yaà e tɔ̀ɔ̀nyaàŋ.

1Jɔ̀ɔŋ 5:8

Aŋ sèì taai nyàŋ nàŋ yaà wo Jinàaŋ Dayàa, e wùìyèɛ, yèè maŋ sɛ̀ìŋ maŋ, yèè nyiŋ taai naŋ wòò e kèì ɗì guùŋ nɛ.

2Jɔ̀ɔŋ 1:4

E zɔlɔ̀ nàim diè wèè ka yɛ̀mɛ̀ aŋ jɔ̀àiŋ nyàŋ bà nyiŋ kuwa e tɔ̀ɔ̀nyaàaŋ maŋjɛ̀wɛ, màànààŋ wo Dèdaà naŋ wi woò maŋ sàwàuŋ sùà wèè eiŋ nyɛ̀nɛ̀ŋ lɛ.

3Jɔ̀ɔŋ 1:4

E keì bà gbiŋ fèim nyìnìàŋ è zɔlɔ̀ mààŋ sèè mìŋ komo kɛ̀ aŋ jɔ̀àim nyàŋ àŋ dè è tɔ̀ɔ̀nyaàaŋ maŋjɛ̀wɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 12:11

Aŋ wùìya wi nyàŋ naŋ ɓùlò wo Sɛ̀tanàŋ, esàɓù maŋ sɛ̀ìŋ wo Ɓaawaaà, yèè esàɓù ke mìè seìɛ àŋ naŋ kiɛ̀ŋ lɛ. È yaà wa e kèì jii nyiŋ wèè aŋ kìɛ̀ŋ maŋ nyiiŋ nyiŋ màŋ e kìlà aŋ fà wèè e tɔ̀ɔ̀nyaàŋ.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.