1Jɔ̀ɔŋ 1:5 - WƆŊ FƐ̀Ì EBÒ SÌÀŊ DAYÀA

⁵ Ke miè gbìaàŋ è naiŋ kòmò wo Jisɛ̀ naŋ wi woò lɛ nàŋ yaà e yèɛ è yààìŋ woo lɛ̀ kɛ̀, wo Dayà yaà e gbolòùŋ, yèè ke nyìwì bà gbiŋ fòuŋ sùà.

1Jɔ̀ɔŋ 1:5 ပူးပေါင်းရင်းမြစ်များ

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 1:4

Wuŋ nàŋ yaà wa ko tɔ̀ɔ̀tù wɔŋ nyiiŋ gèeɔ̀, yèè wɔŋ nyiiuŋ nɔɔ̀ŋ nàŋ wa kìɛ̀ŋ e gbolòùŋ koɓɛ̀ anyùùŋ nyaŋ gbiŋ.

Jɔ̀ɔŋ 1:9

Tɛɛ̀ nàŋ yaà wa e gbòlòùŋ tɔ̀ɔ̀nyaàaŋ e yèɛ yaà wa hìnìè e ɗuunyaàŋ wèè e mɛ̀ɛ̀ŋ anyùùŋ nyaŋ gbiŋ diɛŋ lɛ̀.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 9:5

Miàŋ nàŋ yaà e gbòlòùŋ anyùùŋ nyaŋ e ɗuunyaàŋ e teengaà mìŋ yaà e ɗuunyaàŋ sùà lɛ.”

1 Kɔliìŋ 11:23

E kàaà mìŋ naŋ gè wo Kanaà Jisɛ̀ Kulaì sìwè lɛ, kàiŋ niŋ kpɛ̀ɛ̀yɛ̀ fèe. Tiŋ nàŋ yaà kɛ̀ wɔŋ dùmɔ̀ɔŋ àŋ nauŋ maàŋ wɔŋ, wò naŋ ɓèmè ke gbɔ̀u,

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.

Maŋ kèì nyɛɛnɛŋ 21:23

Ko jawa gbeeì, esaɓù bà fè wa wèè è gɔɛɛ̀ ɔ̀ɔ̀ wɔ̀ŋ wààa mao dè, fòfoo e jòòwò Dayàa nàŋ mɛɛŋ ko jawaì, e kìlà wo Ɓaawaaà nàŋ yaà e laumpòɛ wèè ko jawa gbeeì.

Maŋ kèì nyɛɛnɛŋ 22:5

E dùùm gbiŋ nào wa nàwèè ɓɛìŋ kùwò, e kìlà aŋ naàŋ ɓɛìŋ nyɛ̀nɛ̀ŋ è wànàŋ è laumpò ɔ̀ɔ̀ è gbòlòùŋ gɔɛɛ̀, esaɓù kɛ̀ wo Kanaà Dayà nàŋ do nàŋ nɔ̀ŋ e gbolòùŋ nyiŋ nɛ̀. Wuŋ yaà wo Ɓaawaaà do nàŋ nɔ̀ŋ aŋ kana wèè julɔfɔ yèè julɔfɔ.