1Jɔ̀ɔŋ 1:10 - WƆŊ FƐ̀Ì EBÒ SÌÀŊ DAYÀA

¹⁰ Sèè eiŋ woò kɛ̀ kòò è nyɛ̀nɛ̀iŋ màŋ kèì jùumù, kɛ̀ èiŋ mììnè wo Dayà nyuùŋ tòa, yèè kɛ̀ ke mièuŋ nɛɛ̀ŋ fè màŋ jii wi maŋ sùà.

1Jɔ̀ɔŋ 1:10 ပူးပေါင်းရင်းမြစ်များ

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

1Jɔ̀ɔŋ 1:8

Sèè eiŋ woò kɛ̀ kòò è nyɛ̀nɛ̀ìŋ màŋ jùumù, è naiŋ zùwò yàwi bi, yèè ngèè e tɔ̀ɔ̀nyaàŋ fè màŋ jii wi màŋ sùà.

1Jɔ̀ɔŋ 2:14

Mìŋ naŋ sìngè ko nɛ̀ɛ̀iŋ niìŋ, nyɛiŋ nààŋ jɔ̀àim nyàŋ, e fèfoo nàŋ nyìmàŋ wo Dèdaà. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ wo Dayà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nìŋ kuwa e gààŋ. E kìlà ke mìè Dayàa yaà maŋ jiiŋ màŋ sùà, yèè nìŋ kuwa e gààŋ wo Nyuùŋ Nyɛ̀nɛ̀ŋ keì naanààaŋ diɛŋ.

1Jɔ̀ɔŋ 2:4

Sèè è naiŋ woò wìàà èiŋ nyìmàŋ wo Dayà, kɛɛ e fèiŋ jɔ̀ɔ̀lɔ̀ màŋ Sàwàuŋ màŋ dìì, kɛ̀ è yààìŋ anyuùŋ tòa e kìlà e fèiŋ anyùùŋ tɔ̀ɔ̀nyaàŋ.

1Jɔ̀ɔŋ 4:4

Nyɛ̀iŋ nààŋ jɔ̀àim nyàŋ, wo Dayà nàŋ kànàìŋ, yèè nàŋ ɓùlà aŋ wɛ̀ijì tòa nyɛɛ̀ŋ. Esaɓù kɛ̀ wo Jìnàŋ Dayàa yààìŋ sùà yèè wò kuwa gaàŋ zimgbe e nìàŋ wo jinàaŋ yàa e ɗuunyaàŋ sùà wɔ.

1Jɔ̀ɔŋ 5:10

Wo nyùnɔ̀ɔ̀ŋ gbiŋ naŋ sìè e hààwe wo Jɔ̀àfèlàà Dayaà sùà wɔ, wò kuwa ke mìè seìɛ ke jiiuŋ nɛɛ̀ŋ sùà. Kɛɛ wo nyùnɔ̀ɔ̀ŋ gbiŋ gò hààwè wò Dayà wɔ wò mììnè Dayà nyuùŋ tòa, e fèfoo wo gò hààwè kè mìè seìɛ wò Dayà naŋ fè è nyaàiŋ dè wò Jɔ̀àfelaauŋ nɔɔ̀ŋ lɛ.

2Jɔ̀ɔŋ 1:2

È mànàìŋ esaɓù kɛ̀ e tɔ̀ɔ̀nyaàŋ yaà naàŋ maŋ jii wi màŋ sùà, yèè è doo nàŋ jeè wèè julɔfɔ.