1 Kɔliìŋ 9:6 - WƆŊ FƐ̀Ì EBÒ SÌÀŊ DAYÀA

⁶ Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

1 Kɔliìŋ 9:6 ပူးပေါင်းရင်းမြစ်များ

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:12

Anyùùŋ nyaŋ naŋ jàà aŋ kèèlà tìyèe nyàŋ maŋ dèè aŋ dayà nyiŋ nyàŋ. Àŋ naŋ kìɛ̀ŋ wo Bànaŋɓà e dèèɛ Ziù, yèè àŋ naŋ kìɛ̀ŋ wo Pɔɔ̀ e dèèɛ Hɛmɛ̀, esaɓù kɛ̀ wuŋ nàŋ yaà wa wo nyuùŋ gbòaà.

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

2 Kɔliìŋ 11:8

E teengaà mìŋ yààìŋ tòòmò e tɛɛiŋ lɛ̀, ke gbòò anyuùŋ hààwe nyàŋ nàŋ paawàìm wa. È yaà mààŋ mìŋ he nyiŋ wa wùà ke gbòò anyuùŋ hààwe joo sìwè, esaɓù kɛ̀ mìŋ he nyiŋ wa gè e nɛɛnɛŋ sìwè wèè kaiŋ kpuumàŋ.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.