1 Kɔliìŋ 9:5 - WƆŊ FƐ̀Ì EBÒ SÌÀŊ DAYÀA

⁵ Miŋ kuwà è tɔ̀ɔ̀nyaàŋ wèè ka fɔ̀ɔ̀nɔ̀ŋ e tɔ̀ɔ̀màŋsèì aŋ keela tàeɗùù bà yaà aŋ wùìyà Kanaà yèè wo Pììlɛ, wèè ka ɓèmè wo wùìya jɔùŋ kùwìè e hààweɔ̀ wo Jisɛ̀ Kulaì sùà è kàaiŋ mɛ̀ diɛŋ?

1 Kɔliìŋ 9:5 ပူးပေါင်းရင်းမြစ်များ

Maafiù 13:55

Wuŋ nàŋ fè wò jɔ̀àfèlàà kapinàa? Wo Mèèle nààŋ fè wò yèyeuŋ nɔɔ̀ŋ, yèè aŋ wùìyauŋ nyàŋ nààŋ fè wò Jìiiŋ, wò Jòòsɛ, wò Saimɔ̀ŋ yèè wò Juɗà?

Maafiù 8:14

Wo Jisɛ̀ naŋ wa kɔ̀ ko jààmè wo Piilɛ̀ ko gboouŋ noo. Yèè wò nao mɛ̀ɛ̀ŋ wo nèmààŋ Piilɛ̀ɔ wò hawa ko gbùmaìŋ, kɛɛ wò yaà wa sììnyɛ̀ŋ e sààŋ e kɔɔbìa.

Luù 6:15

wo Maafiù, wo yèɔ àŋ nyaaŋ wa ɓɛìŋ wo Liivaà wɔ, wo Tàmaŋ, wo Jìiiŋ joo bà, wo jɔ̀àfèlàà Afiɔ̀ɔ, wo Saimɔ̀ŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ,

Luù 8:20

Wo nyùùŋ bà naŋ wòò wo Jisɛ̀ nyààŋ, “Wo yèyeum yaà aŋ wùìyaum nyàŋ kòò àŋ sia ko jɔɔlèi, àŋ manaŋ aum yɛmɛ̀.”

Jɔ̀ɔŋ 1:42

Kpeiŋ wo Anɗù naŋ kɔ̀ɔ̀ wo Saimɔ̀ŋ koɓɛ̀ Jisɛ̀i. Wo Jisɛ̀ nauŋ yɛmɛ̀ yèè wò naŋ woò wààŋ, “Muàŋ nàŋ yaà wo Saimɔ̀ŋ, yèè e dèè dèda mɔɔ̀ŋ nàŋ yaà wo Jɔ̀ɔŋ, kɛɛ àŋ doum naàŋ nàŋ nyààŋ wo Sifɔ̀.” E dèè guùŋ lɛɛ̀ nàŋ yaà ɓɛìŋ wo Pììlɛ, yèè fàsàì tɛɛ̀ nàŋ yaà ke dùò.

Jɔ̀ɔŋ 2:12

Eɓìèmàŋjɛ̀wɛ̀ maŋ keì mɛɛ̀ŋ, wo Jisɛ̀ e hààwè wo nààŋ, aŋ wùìyauŋ nyàŋ, yaà anyùùŋ màŋjɛ̀wɛ̀uŋ nyàŋ naŋ kɔ̀ ko jawa gbeeì àŋ nyaaŋ Kepanàùm. Àŋ nao wa nɔ̀ŋ wèè maŋ ɗɔɔ kpàa bà.

Nyɛ̀nɛ̀ŋ 1:14

Anyuùŋ hààwe nyàŋ e kpùlìà aŋ jɔùŋ nyaŋ yaà wo Mèèle wo nààŋ Jisɛ̀ɔ yèè aŋ wùìyà Kanaà Jisɛ̀ nyaŋ hewa dèènè koɓɛ̀ guùŋ e teenga gbiŋ wèè aŋ zòòlò koɓɛ̀ guùŋ.

Luùm 16:1

Mìŋ kuwa e keì sìàŋ wèè ka wòò wo jaa miɔ̀ŋ Foɓɛ̀, wo yèɔ yaà wo ɓɔìjɔ̀à wèè ke gbòò anyuùŋ hààwe nyàŋ ko Sìŋkulià wɔ.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 7:15

E ɗewe gbiŋ sùà, sèè wo wùìya gò kùwìè è hààweɔ̀ ɔ̀ɔ̀ wo jaa gò kùwìè è hààweɔ̀ ɗewà wèè wo ka, wò ɓɛ̀nɛ̀ŋ kàa. Sèè tii kaaàŋ, wo wùìya kùwìè e hààweɔ̀ ɔ̀ɔ̀ wo jaa kùwìè e hààweɔ̀ wo Jisɛ̀ Kulaì sùà fè keì dìì. Wo Dayà naiŋ nyààŋ wèè naŋ nɔ̀ŋ wɔŋ nyììŋ gè jii fàa sùà.

1 Kɔliìŋ 7:39

Wo jɔ̀ùŋ felaaà wo fè nyaàŋ gè diɛuŋ wèè felaa joo è teengaà wò faiŋ yaà fuɔŋ lɛ̀, kɛɛ sèè wo fà, kɛ̀ wò nɔ̀ŋ nyaàŋ gè diɛuŋ wèè wo ɓèmè wo felaa gbiŋ wo yèɔ yaà wɔŋ nyiiŋ gèeɔ̀ sùà wò manaŋ wɔ̀. Kɛɛ sɔɔ̀ wo faiŋ nɔ̀ŋ wo nyuùŋ hààwe wo kanaà sùà.

1 Kɔliìŋ 7:7

Tɔɔɓaa mìŋ naŋ weè mɔ̀nɔ̀ŋ wèè nyɛ̀iŋ nààŋ gbiŋ naŋ nɔ̀ŋ màànààŋ mìŋ yaà wo kpào lɛ̀, kɛɛ wo nyùùŋ gbiŋ kuwa e kìɛŋ titi e yìwìà wo Dayà sìwè, wo nyùùŋ guùŋ e kìɛŋ lɛɛ̀, wo bàa e kìɛŋ lii.

1 Kɔliìŋ 7:8

Wèè koɓɛ̀ anyuùŋ gò kùwìè jɔùŋ nyaŋ, yèè aŋ jɔ̀ùnèèdàà nyaŋ, mìŋ woà mìàŋ è henàŋ nɔ̀ŋ tɛ̀ɛ̀ wèè naŋ nɔ̀ŋ nyɛ̀iŋ bi kùàŋ màànààŋ mìŋ yaà kpào lɛ̀

Gàla 1:19

Wo keela tàeɗùùɔ nɔŋ mìŋ naŋ wa yɛmɛ̀ wɔ nàŋ yaà wo Jìiiŋ, wo wùìya Kanaà Jisɛ̀ɔ.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

1Time 4:3

Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 5:2

kuwà aŋ jɔùŋ nyuùŋ kàìŋ nyaŋ mààŋ aŋ yèyeum, aŋ jɔùŋ jɔa bɔwɔ nyàŋ, mààŋ aŋ jaaum, ke kpèè siaŋ sùà.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.