1 Kɔliìŋ 9:22 - WƆŊ FƐ̀Ì EBÒ SÌÀŊ DAYÀA

²² Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

1 Kɔliìŋ 9:22 ပူးပေါင်းရင်းမြစ်များ

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 14:2

Anyùùŋ nyaŋ bà nyiŋ naŋ haawè kɛ̀ àŋ ɓɛ̀nɛ̀ŋ jè e nɛ̀ŋ gbiŋ, kɛɛ wo nyùnɔ̀ɔŋ yèɔ e hààweuŋ nɛ̀ gò nyìngàà sùà wɔ, jè nɔŋ manɛ̀ŋ jè ɓù.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

Luùm 15:2

Gòngò wiìŋ wèè e tuwò nyiŋ tɛ̀ɛ̀ wèè e kèì sìàŋ nyiŋ bi lɛ̀, wèè kɛ̀ è naiŋ nyiŋ ɓɛ̀nɛ̀ŋ kpùùmaŋ wèè e nyɛ̀nɛ̀ŋ e hààwe nyiŋ nɛ̀ nyìngà sùà.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

1 Kɔliìŋ 7:16

Diè mùŋ naŋ ɓɛ̀nɛ̀ŋ hààwe kɛ̀ muŋ naàŋ jòèyè wò faniŋ mɔɔ̀ŋ muàŋ jɔùŋ kùwìè è hààweɔ̀, ɔ̀ɔ̀ diè mùŋ do nàŋ nyìmè kɛ̀ mùŋ do nàŋ jòèyè wo jawè mɔɔ̀ŋ, muàŋ felaa kùwìè e hààweɔ̀?

1 Kɔliìŋ 8:13

Wèètii, sèè e nɛ̀ŋje nyɛnɛŋ wo wùìya kùwìè e hààweɔ̀ sɛɛ̀ e jùumù sùà, kɛ̀ julɔfɔ miŋ naàŋ ɓɛìŋ gbìlè yilì, wèè miŋ go nàŋ nyɛ̀nɛ̀ŋ wo nyuùŋ kùwìè e hààweɔ̀ bà sɛ̀ɛ̀ jùumù sùà.

1 Kɔliìŋ 9:19

Jòòpɛɛ miŋ fè keì dìì kòɓɛ̀ gbiŋ, kɛɛ mìŋ naŋ gbìɛ̀ŋ miàŋ bi e keì dìì wèè anyùùŋ nyaŋ gbiŋ, wèè ka hìàŋ anyuùŋ zimgbe e kèì Dayàa sùà.

1 Kɔliìŋ 9:23

Mìŋ nyɛnɛŋ tɛɛ̀ gbiŋ esàɓù ke mìè gbìàŋ Ebò Siaàŋ sùà, wèè ka nɔ̀ŋ wo bà nyiŋ bà e kpùùmaŋ nyiŋ nɛ̀ sùà.

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.