1 Kɔliìŋ 9:17 - WƆŊ FƐ̀Ì EBÒ SÌÀŊ DAYÀA

¹⁷ Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

1 Kɔliìŋ 9:17 ပူးပေါင်းရင်းမြစ်များ

Maafiù 10:41

Wo nyùnɔ̀ɔŋ gbiŋ naŋ jàà wo wɛ̀ijì kùàŋ dìì wɔ, esaɓù kɛ̀ wò nyùùŋ wii wò yaà wo kèèlà Dayà, wò do naŋ yɛ̀mɛ̀ e jìwààjɛ̀wɛ̀ guùŋ nɛ̀ wò wɛ̀ijìɔ dò naŋ yɛmɛ̀ lɛ. Wo nyùnɔ̀ɔŋ gbiŋ jaa wo nyùùŋ tɔ̀ɔ̀nyaàŋ kùàŋ dìì wɔ, esaɓù kɛ̀ wo nyùùŋ wii wò yaà e tɔ̀ɔ̀nyaàŋ, wò do naŋ yɛ̀mɛ̀ e jìwààjɛ̀wɛ̀ guùŋ nɛ wo nyùùŋ tɔ̀ɔ̀nyaàaŋ do nàŋ yɛmɛ̀ lɛ.

Maafiù 24:25

Weètii yɛ̀mɛìŋ nyɛ̀iŋ bi diɛŋ, kàiŋ kpìnìàŋ e keìɛ gbiŋ dììò sùà paŋ ngàà e teenga niŋ nɛ̀ e wa nàwèè haì.

Luù 12:42

Wo Kanaà naŋ fasàì wààŋ, “Ɓòò ngèè nàŋ yaà wo ɓɔ̀ìjɔ̀à tɔ̀ɔ̀nyaàaŋ wo yèɔ kuwa e jiikɛ̀ɛ wɔ̀? Wuŋ nàŋ yaà wo yèɔ wo kààmɔɔŋ nyiŋ nɔɔ̀ŋ do nàŋ sèèlè aŋ ɓɔìjɔ̀à gbànaŋ nyàŋ feìŋ wèè wo kiɛ̀ŋ e nɛ̀ŋje nyiŋ nɛ̀ e teengaà diɛŋ.

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

1 Kɔliìŋ 3:14

Sèè e nɛ̀ɛŋ àŋ naŋ nyìlìè ko tɔ̀ɔ̀tù ke saaàŋ lɛ è folo e hmɔ̀ɔ̀ɛŋ dìì, wo nyuùŋ nyɛ̀lɛɔ̀ do nàŋ yɛ̀mɛ̀ e pààwa.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

1 Kɔliìŋ 9:16

Miŋ kuwà è tɔ̀ɔ̀nyaàŋ bà wèè ka kɛ̀ɛ̀ màŋ nyòngà èsaɓù kɛ̀ mìŋ woà kè mìè gbìàŋ Ebò Siaàŋ, e ɗewe gbiŋ, mìŋ yaà e gààŋ Dayàa dii wèè ka nyɛ̀nɛ̀ŋ e tòmo lɛɛ̀. Yèè è henàŋ nɔ̀ŋ naanààŋ sèè miŋ gò wòò kè mìè gbìàŋ Èbò Siaàŋ!

1 Kɔliìŋ 9:18

Kiìŋ nàŋ yaà e pààwa mɛ̀? Tiŋ nɔŋ nàŋ yaà, e gààaŋ mìŋ kuwa wèè ka wòò ke mìè gbìàŋ Ebò Siaàŋ lɛ, miŋ woò nyiŋ nɔŋ wèè foo, miŋ fè nyiŋ gè è tɔ̀ɔ̀nyaàŋ mɛ̀ gbiŋ kò sùà.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

Gàla 2:7

Àŋ naŋ wa jàà jii kɛ̀ wo Dayà naim wa tùɔ̀ŋ wèè ka dàànè ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù yèè aŋ fè kè kpùà jàa nyàŋ, yèè wò naŋ wa tùɔ̀ŋ wo Pììlɛ wèè wo dàànè ke mìè gbìàŋ Ebò Sìàŋ guùŋ bi koɓɛ̀ aŋ Juùù jàà kpùa nyàŋ.

Kòlo 1:25

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à tòmo wèè anyuùŋ hààweuŋ nyàŋ, yèè wèè woim tùàŋ wèè ka dàànè ebò ke miè gbìauŋ nɛɛ̀ŋ gbiŋ ko nɛ̀ɛ̀iŋ niìŋ,

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

Felemɔ̀ŋ - PHM 1:14

Kɛɛ miŋ naàŋ nyɛ̀nɛ̀ŋ è keì gbiŋ e jèèsùà maŋ nyimèè. Mìŋ manaŋ wèè ke kpèè tùwo siaŋ mɔɛ̀ŋ ke e yìwìà ke jii mɔɛ̀ŋ sùà, kɛɛ ɓɔ̀ è nɔ̀ŋ è kèkèteè wèè maŋ niŋ nyɛ̀nɛ̀ŋ.