1 Kɔliìŋ 9:16 - WƆŊ FƐ̀Ì EBÒ SÌÀŊ DAYÀA

¹⁶ Miŋ kuwà è tɔ̀ɔ̀nyaàŋ bà wèè ka kɛ̀ɛ̀ màŋ nyòngà èsaɓù kɛ̀ mìŋ woà kè mìè gbìàŋ Ebò Siaàŋ, e ɗewe gbiŋ, mìŋ yaà e gààŋ Dayàa dii wèè ka nyɛ̀nɛ̀ŋ e tòmo lɛɛ̀. Yèè è henàŋ nɔ̀ŋ naanààŋ sèè miŋ gò wòò kè mìè gbìàŋ Èbò Siaàŋ!

1 Kɔliìŋ 9:16 ပူးပေါင်းရင်းမြစ်များ

Maafiù 25:16

Wo yèɔ naŋ wa yɛ̀mɛ̀ e pàtaà tààsùùŋ nɔɔnɔɛ̀ŋ wɔ, naŋ kɔ̀ yèè wò naŋ niŋ nyìnìè ebòli, yèè wò naŋ ɓɛìŋ yɛ̀mɛ̀ e tààsùùŋ nɔɔnɔŋ e nɛɛnɛuŋ nɛ̀ diɛŋ.

Luù 9:62

Kɛɛ wo Jisɛ̀ naŋ woò wààŋ, “Wo nyùnɔ̀ɔŋ gbiŋ naŋ naàŋ tɔ̀ɔ̀tù e dììɛ tùmìàŋ wɔŋ go yèè wò yaà nɔŋ yɛ̀ɛ̀mɛ̀ ko jɛ̀wɛ̀ wɔ̀ wo fè wò nyuùŋ kɛnɛ wèè è Kànà Dayàa.”

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”

Luùm 1:14

È yaà e kpàŋ è kɔɔim, koɓɛ̀ anyùùŋ nyaŋ gbiŋ, e kpùlìà anyùùŋ nyaŋ fè àŋ Juùù nyaŋ, anyùùŋ maŋ fuɔŋ joo, anyuùŋ nyìmàŋ keì fèemàŋ nyaŋ yaà anyuùŋ gò nyìmàŋ keì fèemàŋ nyaŋ, anyùùŋ nyaŋ naŋ nyìmè nɛ̀ŋ nyaŋ, yaà anyuùŋ gò nyìmàŋ nɛ̀ŋ nyaŋ.

Luùm 15:17

Nààŋ mìŋ yaà wo bàimbà wo Jisɛ̀ Kulaì sùà lɛ, ke jii naim fɔ̀ wèè e tòmoɛ̀ mìŋ nyɛnɛŋ wèè Dayà lɛ.

Luùm 4:2

Sèè wo Dayà wa weè jàà wo Eɓulɔhɛɛ̀ŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù e tòmoɛ̀ wò naŋ wa nyɛ̀nɛ̀ŋ lɛ, kɛ̀ wò ɓɛ̀nɛ̀ŋ kɛ̀ɛ̀ maŋ nyòngà anyùùŋ fɛɛ̀feìŋ wèè e tòmoɛ̀ wò naŋ nyɛ̀nɛ̀ŋ lɛ. Kɛɛ wò fè ɓɛ̀nɛ̀ŋ kɛ̀ɛ̀ màŋ nyòngà wò Dayà fɛɛ̀feìŋ.

1 Kɔliìŋ 4:15

Sèè weè pɛɛ naŋ kùwìè anyuùŋ yɛ̀mɛ̀ e kiiŋ dììo sùà e sɔ̀ngɔ̀ tààsùùŋ zììyà maŋ nyììŋ gè anyuùŋ hààwe nyàŋ sùà, nìŋ kuwa nɔ̀ŋ wo dèda guùŋ. Maŋ nyiiŋ gèeiŋ màŋ e nɔ̀iŋ aŋ bàiŋbà Jisɛ̀ Kulaì sùà, mìŋ naŋ nɔ̀ŋ wo dèdaiŋ esaɓù kɛ̀ miàŋ naŋ hìɛ̀ŋ ke mìè gbìàŋ Ebò Siaàŋ ko nɛ̀ɛ̀ŋ niìŋ.

1 Kɔliìŋ 9:12

Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.

1 Kɔliìŋ 9:14

E kèì guùŋ bi wo Kanaà naŋ woò kɛ̀, wo nyùnɔ̀ɔŋ woà ke mìè gbìàŋ Ebò Siaàŋ wɔ, wò kuwa wo nyìnìàŋ wɔŋ nyiiŋ gèeɔ̀ nɔɔ̀ŋ e yìwìà ke mìè gbìàŋ Ebò Siaàŋ sùà.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

Kòlo 4:17

Wòoìŋ wo Àchipɔ̀ nààŋ, “Nyɛnɛ̀ŋ niŋ è kpàŋ è kɔɔum muŋ kpɛɛyɛ̀ e tòmoɛ̀ wo Kanaà naum wa kiɛ̀ŋ wèè maŋ nyɛ̀nɛ̀ŋ lɛ.”