1 Kɔliìŋ 9:12 - WƆŊ FƐ̀Ì EBÒ SÌÀŊ DAYÀA

¹² Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.

1 Kɔliìŋ 9:12 ပူးပေါင်းရင်းမြစ်များ

Luù 11:52

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ! Nìŋ bànè e jìiìŋ nɛ hàa, e yèɛ yilà wɔŋ gbèmgbèè ke sààŋ jiikɛ̀ɛɛ̀. Nyɛ̀iŋ bi niŋ fè jɔ̀à, e kìlà nìŋ keewà anyùùŋ nyaŋ yaà kààmè ɗewe wèè aŋ jɔ̀à nyaŋ kùàŋ feìŋ wèè aŋ goonàŋ jɔ̀ nyiŋ pɛɛ.”

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Luùm 15:22

E tòmo mɛ̀ èim kèèwè kùàŋ feìŋ e teenga gbiŋ, miŋ fè hnàŋ kò nɛ̀ɛ̀iŋ niìŋ.

1 Kɔliìŋ 13:7

E mànaŋ fè soò, yèè e hààwe niŋ nɛ̀, e jii tùlia niŋ nɛ̀, yèè e tɔumtɔ̀ùm niŋ nɛ̀ e fè sɔ̀à.

1 Kɔliìŋ 6:7

Sèè wo nyùùŋ guùŋ gbààì wo bàa ko zɛ̀mɛ̀ɛ̀ŋ keì, nyɛ̀iŋ gbiŋ nàŋ go. È henàŋ nɔ̀ŋ tɛ̀ɛ̀ wèè naŋ nyìnìàŋ nyɛ̀iŋ bi e kàaɓì wèè naŋ kà ko zɛ̀mɛ̀ɛ̀ŋ keì.

1 Kɔliìŋ 9:14

E kèì guùŋ bi wo Kanaà naŋ woò kɛ̀, wo nyùnɔ̀ɔŋ woà ke mìè gbìàŋ Ebò Siaàŋ wɔ, wò kuwa wo nyìnìàŋ wɔŋ nyiiŋ gèeɔ̀ nɔɔ̀ŋ e yìwìà ke mìè gbìàŋ Ebò Siaàŋ sùà.

1 Kɔliìŋ 9:15

Kɛɛ kòò mìŋ tòòmò màŋ tɔ̀ɔ̀nyaàŋ mɛɛ̀ŋ bà gbiŋ, yèè miŋ fè sìnga sùà tɛɛ̀ wèè ka naàŋ pɛɛ jàà màŋ kùàŋ wèè ka kɛ̀ɛ̀nɛ̀ŋ màŋ gààŋ mɛɛ̀ŋ wèè miàŋ bi naàŋ. Sɔɔ̀ ka fà jiɛ̀. Wo nyùùŋ gbiŋ naàŋ kìlè è gààŋ màŋ nyongà kɛ̀ɛ mɛ̀ koɓɛ̀ màŋ mìè gbòa foo.

1 Kɔliìŋ 9:16

Miŋ kuwà è tɔ̀ɔ̀nyaàŋ bà wèè ka kɛ̀ɛ̀ màŋ nyòngà èsaɓù kɛ̀ mìŋ woà kè mìè gbìàŋ Ebò Siaàŋ, e ɗewe gbiŋ, mìŋ yaà e gààŋ Dayàa dii wèè ka nyɛ̀nɛ̀ŋ e tòmo lɛɛ̀. Yèè è henàŋ nɔ̀ŋ naanààŋ sèè miŋ gò wòò kè mìè gbìàŋ Èbò Siaàŋ!

1 Kɔliìŋ 9:18

Kiìŋ nàŋ yaà e pààwa mɛ̀? Tiŋ nɔŋ nàŋ yaà, e gààaŋ mìŋ kuwa wèè ka wòò ke mìè gbìàŋ Ebò Siaàŋ lɛ, miŋ woò nyiŋ nɔŋ wèè foo, miŋ fè nyiŋ gè è tɔ̀ɔ̀nyaàŋ mɛ̀ gbiŋ kò sùà.

1 Kɔliìŋ 9:2

Sèè pɛɛ anyùùŋ bà gòim jàà kùàŋ dìì wèè ka nɔ̀ŋ wò keela tàeɗùù, kɛɛ tɔɔɓaa nyɛ̀iŋ naim jàà kùàŋ dìì. Esàɓù maŋ nyiiŋ màŋ e nɔ̀ŋ miŋ bà miŋ bà wo Kanaà Jisɛ̀ sùà, yèè nyɛ̀iŋ bi nìŋ yaà aŋ seì wèè e tòmò keela tàeɗùù mɛ̀ wo Kanaà sùà.

2 Kɔliìŋ 11:12

Mìŋ do nàŋ nɔ̀ŋ ko nyìnìè e nɛ̀ɛŋ mìŋ yaà naàŋ ko nyinie lɛ̀, e wèè kɛ̀ aŋ yè nyaŋ àŋ nyaaŋ aŋ keela tàeɗùù titi nyàŋ lɛ go nàŋ kùwìè è ɗewe wèè aŋ kɛ̀ɛ̀ màŋ nyòngà kɛ̀ àŋ yaà toomo e ɗèwè guùŋ nɛ nɔŋ è yaà toomo lɛ̀.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

2 Kɔliìŋ 6:3

E manàŋ wèè nyùùŋ gbiŋ kùwìè kè jii kpàŋ wèè è tòmo wilɛ̀, wèètii è fɛɛ wèè e keì nyìnga bà go nàŋ dè wò nyùùŋ gbiŋ gòlò dòmaŋ.