1 Kɔliìŋ 9:1 - WƆŊ FƐ̀Ì EBÒ SÌÀŊ DAYÀA

¹ Mìŋ yaà wo nyuùŋ gè nyààŋ diɛŋ. Mìŋ yaà wo keela tàeɗùù. Kà yɛ̀mɛ̀ Jisɛ̀ wo Kana wiɔ̀. Miàŋ naiŋ dè ke dòmaŋ diɛŋ e hààwe sùà koɓɛ̀ Kanaà Jisɛ̀ Kulaì.

1 Kɔliìŋ 9:1 ပူးပေါင်းရင်းမြစ်များ

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 14:14

Kɛɛ nààŋ aŋ keela nyàŋ tèènè mààŋ wo Pɔɔ̀ yaà wo Bànaŋɓà naŋ wa tɛɛ̀ kòmò, àŋ naŋ sɛ̀ɛ̀sɛ̀ɛ̀ maŋ dèè kɔ̀ɔ̀ nyiŋ bi màŋ esaɓù kɛ̀ àŋ gò wa jàà è keì bi kùàŋ dìì, e kìlà àŋ naŋ dùɔ̀ŋ aŋ sɛ̀ɛ̀ e faaàŋ sùà àŋ gè kpàaŋ sɛiiŋ nyààŋ,

Nyɛ̀nɛ̀ŋ 14:4

Kɛɛ anyùùŋ nyaŋ ko Ìkɔniɔ̀ŋ naŋ wa gòònò sùà. Aŋ bà nyiŋ naŋ wa dè aŋ Juùù nyaŋ maŋjɛ̀wɛ, yèè aŋ bà nyiŋ naŋ dè aŋ kèèlà Dayà nyaŋ maŋjɛ̀wɛ.

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Nyɛ̀nɛ̀ŋ 9:3

Nààŋ wo Sɔɔ̀ yaà wa naàŋ hinie wò naŋ gbɛ̀ɛ̀ ko Dàmakɔ̀, e gbolòùŋ mɛ̀ɛŋ gbee nauŋ dè e yìwìà ko àìjɛnɛ̀ŋ euŋ gbàì kɔɔ gbòlòùŋ.

Nyɛ̀nɛ̀ŋ 9:5

Wo Sɔɔ̀ naŋ dawè wààŋ, “Ɓòò nàŋ yààùm, Kanaà?” Yèè ke mìèɛ naŋ woò wààŋ, “Miàŋ nàŋ yaà wo Jisɛ̀, wo yèɔ mùŋ yaà nìmila sùà wɔ.”

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 11:13

Mìŋ yaà naàŋ gbùùyè ko nɛ̀ɛ̀iŋ niìŋ nyɛ̀iŋ nààŋ nyùùŋ nyaŋ fè àŋ Juùù nyaŋ. Mìŋ yaà wo keela tàeɗùù ko nɛ̀ɛ̀iŋ niìŋ. Mìŋ naŋ gè wo Dayà sɛ̀ wèè e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

1 Kɔliìŋ 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè wo nɔ̀ŋ wo keela tàeɗùù wèè Jisɛ̀ Kulaì wɔ, yèè wo wùìya wiɔ̀ Sòtinè

1 Kɔliìŋ 10:29

Tiŋ nàŋ yaà, kɛ̀ e fè è gòngò muàŋ bi, e gòngò nyùnɔ̀ɔŋ bàa le. Kpeiŋ kɛ̀ wo nyùuŋ bà dawè wààŋ, “Wèè kiìŋ e nyaàŋ gè diɛŋ mɛ̀ wèè ka nyɛ̀nɛ̀ŋ keì bà kuwìà ko dìa esàɓù e gòngò nyùuŋ bà sùà?

1 Kɔliìŋ 10:30

Sèè mìŋ gè wo Dayà ke sɛ̀ wèè e nɛ̀ŋje mɛ̀, wèè kiìŋ wo nyùuŋ bà woàìm maŋ mìè ɓɛ̀ɛ̀pɔ̀ɔ wèè e nɛ̀ŋjeɛ̀ mìŋ naŋ gè Dayà ke sɛ̀ weè niŋ lɛ̀?”

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

1 Kɔliìŋ 3:6

Miàŋ naŋ nyùɔ̀ŋ ke kuù kòmàaŋ, wo Àpolò naŋ gɔ̀àà ke kuù wùìyèɛ maŋ màì, kɛɛ wo Dayà naŋ nyɛ̀nɛ̀ŋ ke kuù kòmàaŋ naŋ wùìyè.

1 Kɔliìŋ 9:19

Jòòpɛɛ miŋ fè keì dìì kòɓɛ̀ gbiŋ, kɛɛ mìŋ naŋ gbìɛ̀ŋ miàŋ bi e keì dìì wèè anyùùŋ nyaŋ gbiŋ, wèè ka hìàŋ anyuùŋ zimgbe e kèì Dayàa sùà.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

2 Kɔliìŋ 11:5

Mìŋ naŋ gongò kɛ̀ mìŋ yaà nɔŋ wo keela tàeɗùù siaàŋ bà guùŋ mààŋ àŋ keela gbànàŋ nyàŋ àŋ nyaaŋ aŋ keela tàeɗùù titi nyàŋ lɛ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Gàla 1:1

E yìwìà miàim Pɔɔ̀ sìwè, nàŋ yaà sìngìè wɔŋ fɛi wɛɛ̀ŋ. Wo Dayà naim nyààŋ wèè ka nɔ̀ŋ wo keela tàeɗùù wèè Jisɛ̀ Kulaì, yèè e nyàaŋ mɛ gò e yìwìà nyùùŋ kpùuŋ ɔ̀ɔ̀ è gààŋ nyuùŋkpùuŋ sùà, kɛɛ è naŋ yìwìè wo Jisɛ̀ Kulaì yaà wo Dèdaà Dayà wo yèɔ naùŋ gè e fàaà dìì wɔ.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

1Tɛsè 2:6

E gòiŋ fɛ̀ɛ̀ wèè eiŋ yɛ̀mɛ̀ è jòòwo wo nyùùŋ gbiŋ sìwè, e pɛɛ nɔ̀ŋ nyɛ̀iŋ bi ɔ̀ɔ̀ anyùùŋ bà,

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.