1 Kɔliìŋ 8:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ yɛ̀mɛìŋ nyɛ̀iŋ bi diɛŋ, è gààŋ lɛɛ̀ ɓɔ̀ è nɔ̀ŋ esaɓù wèè wò nyùnɔ̀ɔŋ yèɔ naŋ yɔkpɔ̀ è hààweuŋ nɛ̀ sùà wɔ wo sɛ̀ɛ̀ maŋ jùumù sùà, esaɓù kɛ̀ nìŋ yaà nyaàŋ gè diɛiŋ wèè naŋ jè è nɛ̀ŋje gbiŋ lɛ̀.

1 Kɔliìŋ 8:9 ပူးပေါင်းရင်းမြစ်များ

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

1 Kɔliìŋ 10:24

Nyɛ̀iŋ nyɛɛ̀ŋ wo bà gbiŋ ɓɔ̀ wò ka è kèè jiiuŋ màŋjɛ̀wɛ, sɔɔ̀ e kèè jìì dàwiuŋ nɔɔ̀ŋ.

1 Kɔliìŋ 10:28

Kɛɛ sèè wo nyùuŋ bà woum woò wààŋ, “E nɛ̀ŋje lɛɛ̀ è yaà e nɛ̀ŋjè saàà,” kɛ̀ ɓɔ̀ùm jè è nɛ̀ŋje bi esàɓù nyùnɔ̀ɔŋ naum yɛi woò wɔ sùà, yèè wèè e gòngo sùà.

1 Kɔliìŋ 10:29

Tiŋ nàŋ yaà, kɛ̀ e fè è gòngò muàŋ bi, e gòngò nyùnɔ̀ɔŋ bàa le. Kpeiŋ kɛ̀ wo nyùuŋ bà dawè wààŋ, “Wèè kiìŋ e nyaàŋ gè diɛŋ mɛ̀ wèè ka nyɛ̀nɛ̀ŋ keì bà kuwìà ko dìa esàɓù e gòngò nyùuŋ bà sùà?

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

1 Kɔliìŋ 8:10

Sèè wo nyùnɔ̀ɔŋ e gòngouŋ nɛ̀ naŋ yɔkpɔ̀ e keì lɛɛ̀ sùà wɔ, woum yɛmɛ̀ muàum yèɔ mùŋ kuwa e jììkɛ̀ɛ̀ keì lɛɛ̀ wɔ, mùŋ yaà jììyè e nɛ̀ŋjè saaà ko saaŋ dayà jooì, tɛɛ̀ douŋ nàŋ nyììnè jii wo jè e nɛ̀ŋjè sààà dayà joo.

1 Kɔliìŋ 8:12

Sèè mùŋ nɛɛmùŋ wo wùìya kùwìè e gòngo yɔ̀kpɔ mɔɔ̀ŋ, màuŋ ɓèèmè e jùumù diɛŋ, yèè màŋ ɓèmè e jùumù wo Jisɛ̀ Kulaì diɛŋ.

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

2 Kɔliìŋ 11:21

E sàngè yààìm nyinie wèè ka woò mìàŋ è naiŋ yɔkpɔ̀ wèè eiŋ nyɛ̀nɛ̀ŋ maŋ keì mààŋ mɛɛ̀ŋ! Sèè àŋ ɓɛ̀nɛ̀ŋ kɛ̀ɛ̀ maŋ nyòngà, miàŋ pɛɛ kà ɓɛnɛ̀ŋ, kɛɛ è yaà e zùwo wèè wo nyùùŋ woiŋ nyɛ̀nɛ̀ŋ.

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

2 Kɔliìŋ 6:3

E manàŋ wèè nyùùŋ gbiŋ kùwìè kè jii kpàŋ wèè è tòmo wilɛ̀, wèètii è fɛɛ wèè e keì nyìnga bà go nàŋ dè wò nyùùŋ gbiŋ gòlò dòmaŋ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.