1 Kɔliìŋ 8:4 - WƆŊ FƐ̀Ì EBÒ SÌÀŊ DAYÀA

⁴ Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

1 Kɔliìŋ 8:4 ပူးပေါင်းရင်းမြစ်များ

Nyɛ̀nɛ̀ŋ 14:15

“Wèè kiɛ̀ŋ nìŋ yaà tɛɛ̀ nyinie? È yààìŋ anyuùŋ kpùuŋ mààŋ nyɛ̀iŋ bi. È yààìŋ kià wèè eiŋ dàànè Ebò Siaàŋ, wèè naŋ gè manɛ̀ŋ foofòò mɛɛ̀ŋ kùàŋ sùà naŋ kìlà koɓɛ̀ wo Dàyà nyiiŋ gèeɔ̀, wuŋ naŋ bànè ko àìjɛnɛ̀ŋ, e dììɛ e ɗuunyaàŋ yaà wɔŋ juwoɔ̀, e hààwè manɛ̀ŋ maŋ gbiŋ yaà miìŋ ko sùà maŋ.

Nyɛ̀nɛ̀ŋ 15:20

Kɛɛ sìngà wiìŋ nyiŋ wɔŋ fɛi e woò nyiŋ kɛ̀ ɓɔ̀ àŋ jè è nɛ̀ŋ gbiŋ e yèɛ fè zɛ̀nɛŋ niŋ lɛ̀ e fèfoo kɛ̀ àŋ naŋ niŋ gììyè saaà koɓɛ̀ wò dayà joo, e kìlà aŋ gbaaì e kèè e hmɔŋtu nyɛ̀nɛŋ, yèè ɓɔ̀ àŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, yèè ɓɔ̀ àŋ gbìlà màŋ sɛ̀ìŋ.

Nyɛ̀nɛ̀ŋ 19:26

Yèè nàŋ niŋ naàŋ yɛmɛ̀ yèè nàŋ niŋ kòmàŋ nyɛ̀iŋ bi tɛ̀ɛ̀ e nyaàiŋ dè e yèɛ wo felaa wɛɛ̀, wo Pɔɔ̀ yaà woo koɓɛ̀ anyuùŋ zimgbe lɛ̀. Yèè wo fè nɔŋ wòò è keì lɛɛ̀ kò Ɛfesɔ̀ kuŋ guùŋ, kɛɛ ebɛ̀ŋ maŋ tàta màŋ gbiŋ sùà ko Eesìà. Wò naŋ nyɛ̀nɛ̀ŋ anyùùŋ nyaŋ aŋ nyìmàŋ kɛ̀ aŋ dayà nyaŋ anyuùŋ kpùuŋ baanàŋ le sìwè nyaŋ aŋ fè àŋ dayà kɛnɛ.

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

1 Kɔliìŋ 8:10

Sèè wo nyùnɔ̀ɔŋ e gòngouŋ nɛ̀ naŋ yɔkpɔ̀ e keì lɛɛ̀ sùà wɔ, woum yɛmɛ̀ muàum yèɔ mùŋ kuwa e jììkɛ̀ɛ̀ keì lɛɛ̀ wɔ, mùŋ yaà jììyè e nɛ̀ŋjè saaà ko saaŋ dayà jooì, tɛɛ̀ douŋ nàŋ nyììnè jii wo jè e nɛ̀ŋjè sààà dayà joo.

1 Kɔliìŋ 8:11

Kpeiŋ kɛ̀ wo wùìya yɔ̀kpɔum wɛɛ̀, wo yèɔ Jisɛ̀ Kulaì naŋ fɔ̀ weèuŋ wɔ̀, wò fà esaɓù e jiikɛ̀ɛum mɔ̀ɛ̀ sùà,

Gàla 4:8

E teenga gɔu sùà niŋ nyimààŋ wa wo Dayà, nìŋ yaà wa aŋ ɗo wèè aŋ yè nyaŋ fè àŋ dayà kɛnɛ nyàŋ.

Ɛfesɔ̀ 4:6

Wo Dayà yaà nɔŋ wò guùŋ yèè wo Dèdaà wèè nyuùŋkpùuŋ gbiŋ, wo yèɔ yaà wo Kana wèè nyuùŋkpùuŋ gbiŋ wɔ̀, wò toomàŋ aŋ gbiŋ sùà, yèè wò yaà aŋ gbiŋ sùà.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 2:5

Wo Dayà yaà nɔŋ wo guùŋ, yèè wo nyùùŋ guùŋ nɔŋ nàŋ sia e fèèmàŋ wo Dayà yaà anyuùŋ kpùuŋ, wo nyùùŋ bi nàŋ yaà wo Jisɛ̀ Kulaì,

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.