1 Kɔliìŋ 8:1 - WƆŊ FƐ̀Ì EBÒ SÌÀŊ DAYÀA

¹ Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

1 Kɔliìŋ 8:1 ပူးပေါင်းရင်းမြစ်များ

Nyɛ̀nɛ̀ŋ 15:10

Kpeiŋ, wèè kiɛ̀ŋ nìŋ manaŋ naŋ nyɛ̀nɛ̀ŋ wo Dayà wo tuù esàɓù wɔŋ nɛ̀ŋfoo mùŋgaà nìŋ yaà jàà sùà anyuùŋ hààwe nyɛɛ̀ŋ ɗì lɛ, wɔŋ yèɔ aŋ nèwàènèwe wi nyàŋ ɔ̀ɔ̀ yàwi bi fèiŋ ɓɛ̀nɛ̀ŋ kòa wɔ̀ŋ, esaɓù kɛ̀ e kuwàìŋ è gààaŋ wèè eiŋ wuŋ koà?

Nyɛ̀nɛ̀ŋ 15:29

kɛ̀ ɓɔ̀ nìŋ jè mànɛ̀ŋ jè saaà gbiŋ è yèɛ àŋ naŋ gììyè saaà koɓɛ̀ àŋ dayà joo lɛ̀, yèè ɓɔ̀ nìŋ gbìlà màŋ sɛ̀ìŋ. Ɓɔ̀ nìŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà nìŋ kuwa naŋ gbààì e kèè e hmɔŋtu nyɛ̀nɛŋ. Sèè nìŋ kuwo maŋ sàwà mɛɛ̀ŋ, kɛ̀ nàŋ nyɛ̀nɛ̀ŋ tɛ̀ɛ̀. È naiŋ tùɔ̀ŋ e zùùmo siaŋ, enììsìàiŋ.”

Nyɛ̀nɛ̀ŋ 21:25

Kɛɛ sèè è nɔ̀ŋ wèè anyùùŋ nyaŋ fè àŋ Juùù aŋ yè nyaŋ naŋ kìlè anyuùŋ hààwe nyàŋ, è nyiŋ tùàŋ wɔŋ fɛi e nyaàiŋ dè e kiti wilɛ̀. È naŋ nyiŋ woò kɛ̀ ɓɔ̀ àŋ jè mànɛ̀ŋ jè saaà maŋ yè maŋ àŋ naŋ gììyè saaà koɓɛ̀ aŋ dayà joo lɛ̀, ɔ̀ɔ̀ ɓɔ̀ àŋ gbìlà maŋ sɛ̀ìŋ ɔ̀ɔ̀ wò yìlì wo yèɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà aŋ gbaaì e kèè e hmɔŋtu nyɛ̀nɛŋ,.”

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Luùm 14:10

Wèè kiìŋ muàum yèɔ jè nɔŋ manɛ̀ŋ jè ɓù wɔ gbaì anyuùŋ hààwe dàwium nyàŋ? E kìlà, wèè kiìŋ muàum yèɔ jè e nɛ̀ŋje gbiŋ wɔ̀, niingà wo yèɔ fè niŋ jè wɔ fɛ̀ɛ̀? Ke ɗɔ̀ɔ̀ gbàiɛ̀ kòò kè yaà hinie yèè wo Dayà do nàŋ jɛ̀ì ke kpùà kanauŋ nɛɛ̀ŋ diɛŋ wèè wo gbàì yàwi nààŋ gbiŋ.

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Luùm 14:19

Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà.

Luùm 14:22

E hààweɛ̀ mùŋ kuwa e nyaàiŋ dè manɛ̀ŋ mɛɛ̀ŋ lɛ, kùwiè niŋ ke gbùnu sùà e fèèmàŋ Dayà yèè muàŋ bi. E zɔlɔ̀ do nàŋ nɔ̀ŋ anyùùŋ nyaŋ gò gbàì nyiŋ bi e kìlà aŋ jèè nyiŋ bi è keì nyaŋ sèè àŋ nyɛnɛŋ maŋ nɔnɔŋ tùaŋ yèè àŋ yɛmɛ̀ kɛ̀ e nɛ̀ɛŋ àŋ naŋ nyɛ̀nɛ̀ŋ lɛ è yaà tɛ̀ɛ̀.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 15:14

Wùìyaim nyàŋ, mìŋ kuwa ke jii tùlia kɛ̀ nìŋ kuwa maŋ kpèè siaŋ zimgbe, yèè nìŋ kuwa e jiikɛ̀ɛɛ̀ gbiŋ, e kìlà nàŋ ɓɛ̀nɛ̀ŋ kàà aŋ dàwiiŋ nyàŋ.

1 Kɔliìŋ 1:5

Esàɓù e nɔ̀iŋ aŋ bàiŋbà wo Jisɛ̀ Kulaì sùà, nìŋ naŋ nɔ̀ŋ anyuùŋ bàne manɛ̀ŋ maŋ gbiŋ sùà, e kpùlìà maŋ mìè gbòa yaà e jiikɛ̀ɛɛ̀ gbiŋ.

1 Kɔliìŋ 10:15

Mìŋ yààìŋ gbùùyè e kɔɔ mààŋ anyuùŋ kɛ̀ɛ̀jii. Hàaìŋ kiti nyɛ̀iŋ bi wèè nɛ̀ɛŋ mìŋ naŋ woò lɛ.

1 Kɔliìŋ 10:28

Kɛɛ sèè wo nyùuŋ bà woum woò wààŋ, “E nɛ̀ŋje lɛɛ̀ è yaà e nɛ̀ŋjè saàà,” kɛ̀ ɓɔ̀ùm jè è nɛ̀ŋje bi esàɓù nyùnɔ̀ɔŋ naum yɛi woò wɔ sùà, yèè wèè e gòngo sùà.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

1 Kɔliìŋ 4:10

Esàɓù Jisɛ̀ Kulaì sùà, è yààìŋ anyuùŋ zùwo, kɛɛ nìŋ gongà kɛ̀ nìŋ naŋ kɛ̀ɛ̀jii nààŋ nìŋ yaà aŋ bàiŋbà Jisɛ̀ Kulaì sùà lɛ. È naiŋ yɔkpɔ̀, kɛɛ nìŋ gongà kɛ̀ nìŋ yaà e gààŋ. Àŋ naŋ wi kɔ̀ɔ̀yɛ̀ fɛ̀ɛ̀ sùà, kɛɛ nìŋ gongà kɛ̀ àŋ kiɛ̀ìŋ e ɓɛ̀ɛ̀jàa.

1 Kɔliìŋ 4:18

Nyɛ̀iŋ nààŋ bà nyiŋ nìŋ yaà gòngo sùà kɛ̀, miŋ naàŋ ɓɛìŋ hìɛ̀ŋ jààme kò nɛ̀ɛ̀ŋ niìŋ, weètii nìŋ yaà gbùùyè maŋ nyòngà.

1 Kɔliìŋ 4:6

Nyɛ̀iŋ nààŋ wùìyaim nyàŋ, esaɓùiŋ nɛ̀ sùà kà kààìŋ maŋ keì mɛɛ̀ŋ gbiŋ sùà yàwi Àpolò, è yaà tòòmo sùà yàwi bi wèè eiŋ nɔ̀ŋ e tɔ̀ɔ̀màŋseì, wèè naŋ gbèè e fàsàìɛ yaà e wòo lɛɛ̀ sùà lɛ, “Dèeìŋ maŋ sàwà kɛnɛ màŋ maŋjɛ̀wɛ.” Nyɛ̀iŋ nyɛɛ̀ŋ bà gbiŋ, ɓɔ̀ mùŋ kuwìè è ɓɛ̀ɛ̀jàa wèè wo nyùùŋ guùŋ, maŋ kɔ̀ɔ̀yɛ̀ wò bàa fɛ̀ɛ̀ sùà.

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

1 Kɔliìŋ 8:2

Anyùùŋ nyaŋ gongà kɛ̀ àŋ naŋ nyìmè e nɛ̀ŋ nyaŋ, aŋ nyimààŋ è nɛ̀ɛŋ gbiŋ àŋ henàŋ nyìmè lɛ.

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

1 Kɔliìŋ 8:7

Kɛɛ anyùùŋ nyaŋ gbiŋ nààŋ nyimààŋ è tɔɔɓaa lɛɛ̀. Aŋ dayà joo nyɛɛ̀ŋ àŋ naàŋ ɓɔlɛ̀ɛ̀ anyùùŋ nyaŋ bà nyiŋ è jèèsùà e teenga lɛɛ̀ pɛɛ sèè àŋ gbile e hòònɛ̀ŋ nɛ̀ŋje mààŋ tii, àŋ gongà nɔŋ kpɛ kɛ̀ è yaà e nɛ̀ŋjè dayà joo. E gòngo nyiŋ nɛ̀ naŋ yɔkpɔ̀, yèè è mɔɔnɛ̀ŋ nyiìŋ.

Ɛfesɔ̀ 4:16

E yìwìà e gaàuŋ nɛ̀ dìì, manɛ̀ŋ è kɔ̀ɔ̀ ke kpùnaàŋ gbiŋ màŋ naŋ ɓɛ̀ɛ̀nɛ̀ŋ koɓɛ̀ guùŋ. Yèè maŋ sunosuno màŋ wo Jisɛ̀ Kulaì naŋ fè ke kpùnaàŋ sùà maŋ, naŋ jàànè ke kpùnaàŋ gbiŋ koɓɛ̀ guùŋ. Wèètii sèè e nɛ̀ŋ è kɔ̀ɔ̀ ke kpùnaàŋ bà gbiŋ nyɛnɛŋ e tòmo nyiŋ nɛ̀ nààŋ è kanaŋ lɛ̀, ke kpùnaàŋ gbiŋ kè dɛɛ̀ ke nyɛ̀nɛ̀ŋ kiŋ bi ke nyìngà sùà esàɓù e mànaŋ.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.

Maŋ kèì nyɛɛnɛŋ 2:20

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Niŋ gò gììyà wò Jɛ̀sebɛ̀ɛ̀ màŋhɛɛ. Wò naŋ ɓèmè wuŋ bi wèè wo nɔ̀ŋ wo kèèlà Dayà. E nɛ̀ɛŋ wò kaà lɛ è nyɛ̀nɛ̀ŋ aŋ ɓɔìjɔ̀àim nyàŋ àŋ yèwà ke dòmaŋ miɛ̀ŋ diɛŋ yèè àŋ kùùnò nyɛ̀nɛ̀ŋ maŋ yɛɛ̀ naanààŋ yèè e tèèngà guùŋ bi àŋ yaà jììyè manɛ̀ŋ jè saaà maŋ àŋ naŋ wa gììyè saaà maŋ koɓɛ̀ aŋ dayà joo nyàŋ.