1 Kɔliìŋ 7:35 - WƆŊ FƐ̀Ì EBÒ SÌÀŊ DAYÀA

³⁵ Mìŋ yaà tɛɛ̀ wòo sùà esaɓù kɛ̀ mìŋ manaŋ kaiŋ kpuumàŋ. Miŋ fè fɛ̀ɛ sùà wèè kaiŋ hàà kè sàwà sìwè. Kɛɛ mìŋ manaŋ wèè naŋ nyɛ̀nɛ̀ŋ e yèɛ yaà e tɔ̀ɔ̀nyaàŋ, yèè wèè naŋ mànàŋ wo Kanaà e nìàŋ e nɛ̀ŋ gbiŋ.

1 Kɔliìŋ 7:35 ပူးပေါင်းရင်းမြစ်များ

Maafiù 19:12

Esaɓùɛ aŋ felaa nyàŋ bà nyiŋ aŋ fè ɓèmè aŋ jɔùŋ lɛ è naŋ gàŋ. Aŋ bà nyiŋ àŋ naŋ nyiŋ wa kòmò wèè kɛ̀ ɓɔ̀ àŋ ɓemè àŋ jɔùŋ. Aŋ bà nyiŋ zà è yaà esàɓù e yèɛ wo nyuùŋkpùuŋ dàwi nyiŋ nɔɔ̀ŋ naŋ nyiŋ nyɛ̀nɛ̀ŋ lɛ. Aŋ bà nyiŋ zà aŋ fè ɓèmè àŋ jɔùŋ esaɓù kɛ̀ àŋ manaŋ aŋ nɔ̀ŋ e Kànà àìjɛnɛ̀ɛŋ dìì. Tɔ̀ wo nyùnɔ̀ɔŋ do nàŋ jàà e kàa lɛɛ̀ kùàŋ dìì wɔ wo jàà niŋ kùàŋ dìì.”

Maafiù 22:15

Aŋ Fɛlosiì nyaŋ naŋ gbònò koɓɛ̀ guùŋ yèè àŋ naŋ ɗewè wèè aŋ nyɛ̀nɛ̀ŋ wo Jisɛ̀ wo woò e keì naanààŋ.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luù 8:14

Manɛ̀ŋ koei màŋ naŋ sɔ̀ɔ̀ maŋ dɛ̀ɛ̀ maŋ dɛiŋ màŋ sùà maŋ, nàŋ yaà anyùùŋ nyaŋ komo ke mìè gbìàŋ Dayàa nyàŋ. Kɛɛ àŋ sɛɛ̀ jii wèè manɛ̀ŋ maŋ e ɗuunyaàŋ, yèè àŋ kamàŋ ɗewe wèè aŋ banè, e kìlà aŋ jìkà manɛ̀ŋ maŋ kiɛ̀ŋ nyiìŋ nyɛɛnkɛŋ wɔŋ nyiiŋ gèe wɛɛ̀ŋ sùà, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà.

1 Kɔliìŋ 7:2

Kɛɛ wèè esàɓù e kèì nàànààŋ e hmɔŋtu nyɛ̀nɛɛ̀ŋ, wo felaa gbiŋ kuwìè wo jàwè e wùmauŋ, yèè wo jɔùŋ gbiŋ kuwìè wo fàìŋ nèè wùmauŋ.

1 Kɔliìŋ 7:28

Kɛɛ sèè mùŋ ɓemàŋ wo jɔùŋ, kòò mùŋ nyɛ̀nɛ̀ŋ è kèì jùumù. Sèè wo jɔ̀ùŋ jɔ̀à bɛ̀ɛ̀ wo ɓèmè felaa, kòò wò ɓèmè è jùumù. Kɛɛ anyùùŋ nyaŋ naŋ ɓèmè jɔùŋ nyaŋ, yèè anyùùŋ nyaŋ do nàŋ ɓèmè felaa nyàŋ àŋ kuwa maŋ keì zimgbe, yèè mìŋ manaŋ kaiŋ kìlìà kùàŋ feìŋ weè miŋ.

1 Kɔliìŋ 7:36

Sèè weè mùŋ naŋ dìkìè wo jɔ̀ùŋ jɔ̀à bɛ̀ɛ̀ hàì jɔùŋ jèì kpɔ̀nɔ̀ŋ, yèè mùŋ manaùŋ zimgbe e gòngo mɔ̀ɛ̀ gbiŋ yaà kɛ̀ sɔɔ̀ nɔŋ naŋ jɛi. Kɛ̀ manàuŋ niŋ jɛi e fè jùumù.

Ɛfesɔ̀ 5:3

Nààŋ nìŋ yaà anyùùŋ nyaŋ wo Dayà kanaŋ nyàŋ, e fè tɔ̀ɔ̀nyaàŋ wèè è kèè màŋ kpèè hmɔŋtu nyɛ̀nɛŋ, yàà màŋ kpèè kùwà ninaŋ, yèè e wùànàŋ nɛ̀ŋ keekèè nyɛ̀nɛŋ e gbɛ̀ɛ̀ ànyùùŋ nɛɛmaŋ kɔɔ tòloò pɛɛ.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

1Time 1:10

e kpùlìà anyùùŋ maŋ kpèè naanààŋ nyaŋ, anyuùŋ nyɛ̀nɛ̀ŋ hmɔ̀ŋtù fɛɛ̀ nìngè nyaŋ, anyuùŋ ɓèmè anyùùŋ e ɗo dìì, aŋ yè nyaŋ tɔɔ e kìlà àŋ fè maŋ mìè seì tòa nyàŋ, ɔ̀ɔ̀ aŋ yè nyaŋ kaà e keì gò kɛ̀ɛ̀nɛ̀ŋ jiikɛ̀ɛ è hààweɛ̀ sùà nyaŋ.

Taitɔ̀ 2:3

Wòò aŋ jɔùŋ nyuùŋ kàìŋ nyaŋ nyiiŋ pɛɛ, aŋ nɔ̀ŋ mààŋ anyùùŋ nyaŋ manaŋ Kanaà àŋ nɔ̀ŋ lɛ, yèè ɓɔ̀ àŋ fiefìè ànyùùŋ. Ɓɔ̀ àŋ nɔ̀ŋ àŋ ɗo kòɓɛ̀ màŋ tala muaŋ, yèè aŋ kaà e yèɛ yaà tɛ̀ɛ̀ lɛ,