1 Kɔliìŋ 7:30 - WƆŊ FƐ̀Ì EBÒ SÌÀŊ DAYÀA

³⁰ Aŋ yè nyaŋ yaà gulie nyàŋ, aŋ nɔ̀ŋ mààŋ koɓɛ̀i ke nyowo fè nyiìŋ yɛi le. Aŋ yè nyaŋ yaà hiile nyàŋ, aŋ nɔ̀ŋ mààŋ koɓɛ̀i e zɔlɔ̀ fè nyiìŋ yɛi le. Aŋ yè nyaŋ naŋ dènè nɛ̀ŋ nyaŋ, aŋ nɔ̀ŋ mààŋ koɓɛ̀i aŋ kanàŋ è nɛ̀ɛŋ àŋ naŋ yɛi dènè le.

1 Kɔliìŋ 7:30 ပူးပေါင်းရင်းမြစ်များ

Luù 16:25

Kɛɛ wo Eɓulɔhɛɛ̀ŋ nauŋ fasàì wààŋ, ‘Dàwi miɔ̀ŋ, kɛ̀ɛ̀nɛɛ̀ŋ ke jii jàa kɛ̀ mùŋ kuwa wa e tɛ̀ɛ̀tɛ̀ɛ̀ɛ gbiŋ e teengaà mùŋ yaà wa wɔŋ nyiiŋ gèeɔ̀ sùà lɛ, yèè mùŋ naŋ wa gè maŋhɛɛ wèè maŋ tɔ̀ɔ̀ ke nyowo koɓɛ̀ Lazɔlɔ̀i jòòpɛɛ wò yaà wa kùwìè e keì nyìngaà gbiŋ. Kɛɛ kòò wò yaà naàŋ ke jii fàa sùà, yèè muàŋ mùŋ yaà kùwìè e keì nyìnga.

Luù 6:21

“E zɔlɔ̀ yaà nyɛ̀iŋ nyàŋ e jìè yaà naàŋ sààmɛ nyàŋ. Wo Dayà doiŋ nàŋ kìɛ̀ŋ e yèɛ nìŋ manaŋ lɛ̀, e jèèsùà maŋ jii maiŋ fà.” “E zɔlɔ̀ è yaà nyɛ̀iŋ nyàŋ nìŋ yaà naàŋ gulie sààmɛ nyàŋ. Nìŋ do nàŋ hile.”

Luù 6:25

“E keì nyìnga do nàŋ nɔ̀ŋ nyɛ̀iŋ nyàŋ naŋ diè nyaŋ. Nìŋ do nàŋ kɔ̀ɔ̀ e jìè.” “E keì nyìnga do nàŋ nɔ̀ŋ nyɛ̀iŋ nyàŋ nìŋ yaà hiile sààmɛ nyàŋ. Nìŋ do nàŋ nɔ̀ŋ ke nyowo sùà e kìlà naŋ gòlà.

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

1 Kɔliìŋ 7:29

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀, e teengaà naŋ joo lɛ̀, e gò ɓɛìŋ jìwà nɛ̀ŋ, yèè e yìwìà e teenga lɛɛ̀ sùà naàŋ, anyuùŋ kɛ̀ɛ̀nɛ̀ŋ jɔùŋ ɔ̀ɔ̀ felaa, aŋ nɔ̀ŋ mààŋ koɓɛ̀i àŋ yaà yɛi aŋ kpào le.

1 Kɔliìŋ 7:31

Aŋ yè nyaŋ kuwa maŋ nɛ̀ŋ ɗuunyaŋ màŋ maŋjɛ̀wɛ màŋ aŋ nɔ̀ŋ mààŋ koɓɛ̀i maŋ gò nyiŋ yɛi dìà sìwè le, E ɗuunyaŋ lɛɛ̀, e ɗeweɛ̀ è yaà naàŋ lɛ, e naàŋ ɓɛìŋ kòlò.

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’

Maŋ kèì nyɛɛnɛŋ 7:17

esaɓù kɛ̀ wo Ɓaawaaà jaa ke kpùà kanaà tɛɛ tɛɛ wɔ̀, wuŋ nàŋ do nàŋ nɔ̀ŋ wo nyuùŋ yɛ̀mɛ̀ diɛŋ nyiŋ nɔɔ̀ŋ, e kìlà wò do nyiŋ nàŋ kɔ̀ɔ̀ koɓɛ̀ e wùìyè wɔŋ nyiiŋ gèe. Wo Dayà do nyiŋ nàŋ hààngè maŋ fɛɛ̀màì maŋ gbiŋ fɛ̀ɛ̀.”