1 Kɔliìŋ 7:17 - WƆŊ FƐ̀Ì EBÒ SÌÀŊ DAYÀA

¹⁷ Nyɛ̀iŋ nyɛɛ̀ŋ bà gbiŋ kuwa wèè naŋ nɔ̀ŋ wɔŋ nyiiŋ gèeɔ̀ sùà e yìwìà e kìɛum mɛ̀ wo Kanaà naum kiɛ̀ŋ lɛ sùà, màànààŋ nɔŋ mùŋ yaà wa paŋgàà wo Dayà naum nyààŋ lɛ. Ke sàwà yɛɛ̀ mìŋ kaà koɓɛ̀ ke gbòò anyuùŋ hààwe nyàŋ maŋ saaŋ zòòlò Dayà maŋ dìì.

1 Kɔliìŋ 7:17 ပူးပေါင်းရင်းမြစ်များ

Maafiù 19:12

Esaɓùɛ aŋ felaa nyàŋ bà nyiŋ aŋ fè ɓèmè aŋ jɔùŋ lɛ è naŋ gàŋ. Aŋ bà nyiŋ àŋ naŋ nyiŋ wa kòmò wèè kɛ̀ ɓɔ̀ àŋ ɓemè àŋ jɔùŋ. Aŋ bà nyiŋ zà è yaà esàɓù e yèɛ wo nyuùŋkpùuŋ dàwi nyiŋ nɔɔ̀ŋ naŋ nyiŋ nyɛ̀nɛ̀ŋ lɛ. Aŋ bà nyiŋ zà aŋ fè ɓèmè àŋ jɔùŋ esaɓù kɛ̀ àŋ manaŋ aŋ nɔ̀ŋ e Kànà àìjɛnɛ̀ɛŋ dìì. Tɔ̀ wo nyùnɔ̀ɔŋ do nàŋ jàà e kàa lɛɛ̀ kùàŋ dìì wɔ wo jàà niŋ kùàŋ dìì.”

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

1 Kɔliìŋ 16:1

Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 4:17

E wèè esaɓù lɛɛ̀, mìŋ yaà tùaŋ sùà wo Timetè ko nɛ̀ɛ̀ŋ niìŋ, wo yèɔ yaà wo jɔ̀à mànaŋ tùlìà jii miɔ̀ŋ e hààweɛ̀ sùà wɔ, ke gbòò anyuùŋ hààwè Dayà nyaŋ e tɛɛ. Wèè woo dè maŋ jiiiŋ màŋ koɓɛ̀ maŋ keì ɗì maŋ mìŋ naŋ dè maŋjɛ̀wɛ wɔŋ nyiiŋ jɛiɔ̀ ke gbòò Jisɛ̀ Kulaìɛ sùà lɛ, maŋ yè maŋ mìŋ naŋ kaà maŋ ke gbòò anyuùŋ hààwe nyàŋ gbiŋ sùà koɓɛ̀i gbiŋ mìŋ kɔ̀ lɛ.

1 Kɔliìŋ 7:18

Sèè wo felaaà àŋ naŋ jàà ke kpùa tɛ wɔ̀ jaa e nyàànè Dayàa kùàŋ dìì, ɓɔ̀ wò fɛ̀ɛ̀ wèè wo gè è fèè kè kpùà jàa lii wɔ̀ŋ kɔɔuŋ nɔɔ̀ŋ. Sèè wo felaa gò jàà kè kpùaà wò jaa e nyàànè Dayàa kùàŋ dìì, ɓɔ̀ àŋ jààuŋ ɓɛìŋ kè kpùa.

1 Kɔliìŋ 7:24

Nyɛ̀iŋ nààŋ wùìyaim nyàŋ, sɔɔ̀ naŋ nɔ̀ŋ è mìèsùàguùŋ sùà koɓɛ̀ Dayài, e nɔ̀ŋ kiiɛ̀ nɔŋ nìŋ yaà wa sùà wò naiŋ nyààŋ lɛ, nɔ̀ɔìŋ yɛi nɔŋ.

1 Kɔliìŋ 7:7

Tɔɔɓaa mìŋ naŋ weè mɔ̀nɔ̀ŋ wèè nyɛ̀iŋ nààŋ gbiŋ naŋ nɔ̀ŋ màànààŋ mìŋ yaà wo kpào lɛ̀, kɛɛ wo nyùùŋ gbiŋ kuwa e kìɛŋ titi e yìwìà wo Dayà sìwè, wo nyùùŋ guùŋ e kìɛŋ lɛɛ̀, wo bàa e kìɛŋ lii.

2 Kɔliìŋ 11:28

Kɛɛ eɓìèmàŋjɛ̀wɛ̀ tii gbiŋ, e niìsìa gbiŋ mìŋ yaà ke jii sɛ̀ɛ̀ sùà wèè ke gbòò anyuùŋ hààwe nyàŋ gbiŋ dìì.

2 Kɔliìŋ 8:18

Wo wùìya kùwìè e ɓɛ̀ɛ̀jàa gbeeɔ̀ bà guùŋ maŋ gbòò anyuùŋ hààwe nyàŋ gbiŋ sùà wèè ke mìè gbìàŋ Ebò Siaàŋ wò gboo lɛ̀, wuŋ yaà Taitɔ̀ nàŋ yaà hinie.

Gàla 1:22

E teenga lii sùà aŋ yè nyaŋ yaà wa aŋ bà nyiŋ bà wèè ke gbòò anyuùŋ hààwe nyàŋ wo Jisɛ̀ Kulaì sùà ko Jùdià lɛ, aŋ nyimààìm wa sengei.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.