1 Kɔliìŋ 6:20 - WƆŊ FƐ̀Ì EBÒ SÌÀŊ DAYÀA

²⁰ Wo Dayà naiŋ dìnìè e ɓaà gbee. Wèètii, tòòmoìŋ ke kpùnaiŋ nɛɛ̀ŋ wèè niŋ kiɛ̀uŋ e ɓɛ̀ɛ̀jàa.

1 Kɔliìŋ 6:20 ပူးပေါင်းရင်းမြစ်များ

Maafiù 5:16

E ɗèwè guùŋ lɛɛ̀ sùà, tɔ̀ e gbolòùŋ lɛ mùŋ do nàŋ tɔɔ̀ lɛ e nɔ̀ŋ mɛ̀iŋ niŋ mààŋ e gbòlòùŋ laumpòɛ, e mɛ̀ɛ̀ŋ anyùùŋ nyaŋ fɛɛ̀feìŋ wèè kɛ̀ aŋ yɛmɛ̀ e tòmo sìàaŋ mùŋ naŋ nyɛ̀nɛ̀ŋ lɛ, wèè kɛ̀ aŋ kìɛ̀ŋ wo Dèda mɔɔ̀ŋ e ɓɛ̀ɛ̀jàa ko àìjɛnɛ̀ŋ.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 6:19

Mìŋ toomàŋ maŋ mìè maŋ è gbòòìŋ ke ɗɔɔ gbiŋ maŋ nyiiŋ gèe wi màŋ sùà, esàɓù e zɔ̀kpɔ̀ɛ yaà e kɔɔiŋ nɛ̀ sùà e nyaàiŋ dè e yèɛ nìŋ naŋ nyìmè lɛ. E teenga guùŋ bà nìŋ naŋ wa kìlè nyɛ̀iŋ bi aŋ ɗo wèè naŋ nyɛ̀nɛ̀ŋ maŋ keì kùwà ninaŋ yaà maŋ keì naanààŋ maŋ kpùnaiŋ màŋ sùà, nààŋ maŋ gòngoiŋ màŋ naiŋ wa hiiyè wèè naŋ miŋ nyɛ̀nɛ̀ŋ lɛ. E ɗèwè guùŋ nɛɛ̀ sùà, nìŋ kuwa naŋ niŋ nyɛ̀nɛ̀ŋ e kpààŋ kɔɔiŋ wèè maŋ gòngoiŋ màŋ hiiyà maŋ kpùnaiŋ màŋ maŋ kìlà e tɔ̀ɔ̀nyaàŋ sùà, wèè kɛ̀ niŋ nɔ̀ŋ anyùùŋ nɛɛmaŋ koɓɛ̀ Dayài.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 7:23

Wo Dayà naiŋ bilɛ̀ŋ. Wèètii ɓɔ̀ nìŋ nɔ̀ŋ àŋ ɗo wèè nyùùŋ gbiŋ.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Hiɓu 9:12

Nààŋ wo Jisɛ̀ Kulaì naŋ jɔ̀ ko Nɛ̀nɛ̀ŋ Nɛɛmaŋ Gbeeì wèè Dayà e sùà guùŋ kpò yèè wèè anyùùŋ nyaŋ gbiŋ, wo gò wa kòà màŋ sɛ̀ìŋ àŋ diì wowo yaà àŋ dìi wowo wèè wo miŋ gììyà saaà. Wò naŋ wa gììyè maŋ sɛ̀ìŋ wuŋ bi màŋ saaà, yèè wò naŋ wi joeyè e yìwìà maŋ jùumù sùà wèè julɔfɔ.

1Pììlɛ 1:18

Nàŋ nyìmàŋ kɛ̀ kiìŋ wo Dayà naŋ paawà, wèè woiŋ dangè wèè foo e yìwìà maŋ nyiiŋ gèe foofòò maŋ aŋ nèwàènèweiŋ nyàŋ naiŋ jùùyè sùà maŋ. E fè wa è nɛ̀ŋ bà è yèɛ nyùùŋ naŋ ɓɛ̀nɛ̀ŋ pɔ̀ɔ lɛ̀, mààŋ è kaiŋ fua ɔ̀ɔ̀ è gòoò.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.