1 Kɔliìŋ 6:17 - WƆŊ FƐ̀Ì EBÒ SÌÀŊ DAYÀA

¹⁷ Kɛɛ wo nyùnɔ̀ɔŋ jàànè wuŋ bi koɓɛ̀ Kanaà wɔ, wuŋ yaà Kanaà àŋ nɔ̀ŋ ke kpùnàŋ guùŋ wo jinàaŋ sùà.

1 Kɔliìŋ 6:17 ပူးပေါင်းရင်းမြစ်များ

Jɔ̀ɔŋ 3:6

Anyuùŋ kpùuŋ komo aŋ jɔ̀à nyiŋ nyàŋ anyuùŋ kpùuŋ sùà, kɛɛ wo Jìnàŋ wo Kanaà Dayà nɔŋ nàŋ kile wo nyùùŋ wo nɔ̀ŋ wo jɔ̀à Dayà.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

1 Kɔliìŋ 6:15

Nàŋ nyìmàŋ kɛ̀ maŋ kpùnaiŋ màŋ, màŋ yaà maŋ bà miŋ bà koɓɛ̀ ke kpùnàŋ Jisɛ̀ Kulaìɛ. Miŋ ɓemè ke kpùnàŋ Jisɛ̀ Kulaìɛ bà miŋ nyinìàŋ nyiŋ ke kpùnàŋ jɔùŋ nyɛ̀nɛ̀ŋ e hmɔ̀ŋtù ke dòmaŋ diɛɔ̀ŋ bà? Tɛɛ̀ fè hɛɛnɛ̀ŋ.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.

Fèle 2:5

Kɛ̀ɛ̀nɛìŋ è gòngò guùŋ nɛ wo Jisɛ̀ Kulaì kuwa lɛ̀.