1 Kɔliìŋ 6:15 - WƆŊ FƐ̀Ì EBÒ SÌÀŊ DAYÀA

¹⁵ Nàŋ nyìmàŋ kɛ̀ maŋ kpùnaiŋ màŋ, màŋ yaà maŋ bà miŋ bà koɓɛ̀ ke kpùnàŋ Jisɛ̀ Kulaìɛ. Miŋ ɓemè ke kpùnàŋ Jisɛ̀ Kulaìɛ bà miŋ nyinìàŋ nyiŋ ke kpùnàŋ jɔùŋ nyɛ̀nɛ̀ŋ e hmɔ̀ŋtù ke dòmaŋ diɛɔ̀ŋ bà? Tɛɛ̀ fè hɛɛnɛ̀ŋ.

1 Kɔliìŋ 6:15 ပူးပေါင်းရင်းမြစ်များ

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Luùm 12:5

Yɛi nɔŋ yàwi pɛɛ è yààìŋ. È kùwàìŋ maŋ suono suono zimgbe maŋ kpùnaŋ wi màŋ sùà, kɛɛ è yààìŋ nɔŋ guùŋ ke kpùnàŋ Jisɛ̀ Kulaìɛ sùà, yèè ke kpùnàŋ guùŋ aŋ dàwi wi nyàŋ sùà.

Luùm 3:31

Tɛɛ̀ ɓɛ̀nɛ̀ŋ tɔ̀ɔ kɛ̀ esàɓù e hààwe lɛɛ̀ e jàaiŋ maŋ Sàwà Dayà maŋ ɓula? Kpele! E fè yɛi gbiŋ. Kɛɛ tɔɔɓaa è kuwo maŋ Sàwà maŋ kpaŋ e kìlà eiŋ miŋ jɔ̀ɔ̀lɔ̀ dìì tɛ̀ɛ̀.

Luùm 3:6

Ɓɔ̀ è haàiŋ è kiti dìàmaŋ kɛ̀ wo Dayà ɓɔ̀ wò gbaì wi. Sèè wo Dayà wo weè nɔ̀ŋ wo nyùùŋ kàaɓì, kɛ̀ dièsɔa wò naŋ weè ɓɛ̀nɛ̀ŋ gbàì anyùùŋ nyaŋ e ɗuunyaàŋ?

Luùm 6:15

Nààŋ miŋ fè naàŋ kè sàwàa dìì lɛ, kà ɓɛ̀nɛ̀ŋ nyɛ̀nɛ̀ŋ maŋ jùumù esaɓù kɛ̀ mìŋ yaà e gààŋ e tɛ̀ɛ̀tɛ̀ɛ̀ Dayàa dìì? Kpele!

Luùm 6:2

Kpele! Ɓɔ̀ è nyɛ̀nɛ̀iŋ yɛi! Maŋ kpèè naanààŋ maŋ yàwì sùà maŋ màŋ fà. Kpeiŋ dièsɔa è naiŋ ɓɛ̀nɛ̀ŋ nɔ̀ɔ̀ŋ nyìnìè màŋ keì naanààŋ tutùtuuŋ màŋ nyiiŋ gèe wi màŋ sùà?

Luùm 7:13

Tɛɛ̀ naŋ tɔɔ̀ kɛ̀ e tɛ̀ɛ̀tɛ̀ɛ̀ nyiŋ nɛ̀ naim nyɛ̀nɛ̀ŋ mìŋ naŋ fɔ̀? Ke sàwàa nààŋ gòim wa nyɛ̀nɛ̀ŋ mìŋ do fà. Kɛɛ e jùumù naŋ tòòmò ke sàwàa, yèè è naim nyɛ̀nɛ̀ŋ mìŋ naŋ fɔ̀, wèè kɛ̀ anyùùŋ naŋ ɓɛ̀nɛ̀ŋ nyìmaŋ janjai kɛ̀ kiìŋ nàŋ yaà e jùumù. E yìwìà esàɓù ke sàwàa, èiŋ naàŋ ɓɛ̀nɛ̀ŋ nyìmaŋ kɛ̀ e jùumù yaà e keì naanààŋ gbee.

Luùm 7:7

Èiŋ ɓɛ̀nɛ̀ŋ wòo wìà, ke sàwàa kiiŋ bi kè kuwa jùumù? Tɔɔɓaa ke sàwàa kuwà jùumù. Kɛɛ ke sàwàa naŋ nyɛ̀nɛ̀ŋ mìŋ naŋ nyìmè kɛ̀ e keì naanààŋ nyɛ̀nɛŋ è yaà e jùumù. Sèè ke sàwàa go weè woò wààŋ, “Ɓɔ̀ mùŋ jàà jii mɔɛ̀ŋ è nɛ̀ŋ kàmè dàwi mɔɔ̀ŋ màŋjɛ̀wɛ,” miŋ naàŋ weè nyìmè è keì mààŋ tii.

1 Kɔliìŋ 11:3

Kɛɛ mìŋ manaŋ wèè naŋ jàà jii kɛ̀ wo Jisɛ̀ Kulaì nàŋ yaà wo ɓɛ̀ è ɗì wèè felaa gbiŋ, wo felaa nàŋ yaà wo ɓɛ̀ è ɗì wèè wo jawèuŋ nɔɔ̀ŋ, yèè wo Dayà nàŋ yaà wo ɓɛ̀ è ɗì wèè wo Jisɛ̀ Kulaì.

1 Kɔliìŋ 12:27

Nyɛ̀iŋ nààŋ gbiŋ nàŋ yaà ke kpùnàŋ Kulaìɛ, yèè wo nyùùŋ gbiŋ yaà e bàumbà weè nyiŋ.

1 Kɔliìŋ 6:13

Wo nyuùŋ joo bà do nàŋ woò wààŋ, “E nɛ̀ŋje yaà wèè ko sùà, yèè ko sùà yaà wèè e nɛ̀ŋje.” Hɛ̀ɛɛ̀ŋ kɛɛ, wo Dayà do nàŋ hìɛ̀ŋ tiŋ tìyèe ko dìa. Ke kpùnaàŋ fè nɛ̀ŋ tòòmo wèè è hmɔŋtu nyìniaŋ, sɔɔ̀ e tòmo wèè Kanaà, yèè wo Kanaà do nàŋ kìɛ̀ŋ ke kpùnaàŋ.

1 Kɔliìŋ 6:17

Kɛɛ wo nyùnɔ̀ɔŋ jàànè wuŋ bi koɓɛ̀ Kanaà wɔ, wuŋ yaà Kanaà àŋ nɔ̀ŋ ke kpùnàŋ guùŋ wo jinàaŋ sùà.

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

1 Kɔliìŋ 6:3

Niŋ nyimààŋ kɛ̀ yàwi nàŋ do nàŋ gbààì àŋ màikà nyaŋ? Kɛ̀ kiìŋ nàŋ yaà naàŋ maŋ kèì nyiiŋ wɛɛ̀ŋ niŋ fè ɓɛ̀nɛ̀ŋ gbài?

Gàla 2:17

Nààŋ yàwi nààŋ Juùù nyaŋ naŋ wa tɔ̀ɔ̀tù e ɗewe kàme wèè e nɔ̀iŋ e tɔ̀ɔ̀nyaàŋ sùà koɓɛ̀ Dayài, è naŋ yɛmɛ̀ kɛ̀ è yààìŋ wa anyùùŋ maŋ jùumù. Tɛɛ̀ naŋ tɔɔ̀ kɛ̀ wo Jisɛ̀ Kulaì naŋ wa nyɛ̀nɛ̀ŋ wèè eiŋ nɔ̀ŋ anyùùŋ maŋ jùumù? Kpele, e fè yɛi!

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Gàla 6:14

Kɛɛ è gbio sùà, miàŋ bi, mìŋ do nɔŋ nàŋ kɛ̀ɛ̀ maŋ yòngà e nyaàiŋ dè wɔŋ vànèkpàà Kana wiɔ̀ Jisɛ̀ Kulaìɔ. Esàɓù wɔŋ vànèkpaauŋ nɔɔ̀ŋ sùà, e ɗuunyaàŋ gbiŋ naŋ fɔ̀ ko nɛ̀ɛ̀ŋ miìŋ yèè miàŋ bi pɛɛ mìŋ naŋ fɔ̀ koɓɛ̀ e ɗuunyaàŋ.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Ɛfesɔ̀ 5:23

Esaɓù kɛ̀ wo felaaà kuwa e gààŋ wo jàwè diɛŋ màànààŋ wo Jisɛ̀ Kulaì kuwa e gààŋ ke gbòò anyuùŋ hààwe nyàŋ diɛŋ lɛ̀. Yèè wo Jisɛ̀ Kulaì wuŋ bi nàŋ yaà wo Nyuùŋ Jòèyeɔ̀ wèè ke gbòò anyuùŋ hààwe nyàŋ, nyiŋ zà nàŋ yaà ke kpùnauŋ nɛɛ̀ŋ.

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.

Kòlo 2:19

Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.