1 Kɔliìŋ 6:12 - WƆŊ FƐ̀Ì EBÒ SÌÀŊ DAYÀA

¹² Wo nyùùŋ bà ɓɛ̀nɛ̀ŋ wòo wààŋ, “Wo Dayà naim gè nyààŋ diɛŋ wèè ka nyɛ̀nɛ̀ŋ nɛ̀ŋ gbiŋ.” Hɛ̀ɛɛ̀ŋ kɛɛ, e nɛ̀ɛŋ gbiŋ nààŋ fè tɛ̀ɛ̀ weèim.

1 Kɔliìŋ 6:12 ပူးပေါင်းရင်းမြစ်များ

Jɔ̀ɔŋ 5:10

Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Luùm 7:14

Èiŋ nyìmàŋ kɛ̀ maŋ Sàwà maŋ yewe wo Jìnàŋ Dayàa sìwè. Kɛɛ mìŋ yaà nɔŋ wo nyuùŋkpùuŋ, yèè mìŋ yaà wo ɗo koɓɛ̀ maŋ jùumù.

1 Kɔliìŋ 8:4

Wèètii, e kèè e nɛ̀ŋjè sààà aŋ dayà joo nyɛɛ̀ŋ jèe, èiŋ nyìmàŋ kɛ̀ wo dayà joo wò yaà e nɛ̀ŋ gò gè nyiiŋ. È naiŋ nyìmè kɛ̀ wo Dàyà guùŋ kpò nɔŋ nàŋ yaà.

1 Kɔliìŋ 9:12

Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.

1 Kɔliìŋ 9:27

Mìŋ banaŋ bànàŋ ke kpùnaŋ miɛ̀ŋ yèè ka nyiŋ yɛ̀mɛ̀ diɛŋ wèè miŋ go nàŋ go sèè mìŋ kpɛɛyɛ̀ gbòà kè mìè gbìàŋ Ebò Siaàŋ kòɓɛ̀ ànyùùŋ nyaŋ.

2Tɛsè 3:9

È naiŋ tɛɛ̀ nyɛ̀nɛ̀ŋ,e fè wa guùŋ kɛ̀ e kuwàìŋ wa è gààŋ wèè eiŋ jàà è kpòònaà wèè naŋ wi kìɛ̀ŋ wɔ̀ŋ kùàŋ kpùùmaŋ wiɔ̀, kɛɛ è naiŋ nyɛ̀nɛ̀ŋ wèè e nɔ̀ŋ e tɔ̀ɔ̀màŋseì naŋ niŋ fɔɔnɔ̀ŋ.

Juù 1:12

Aŋ kààmɔɔŋ kùwìè maŋ kàà kii naanààŋ nyɛɛ̀ŋ àŋ yaà anyuùŋ naanààŋ e tɛɛiŋ, àŋ yaà mààŋ le zààmàŋ naŋ sɛ̀ɛ̀ e nɛ̀ŋjeɛ̀ nìŋ jiiyà koɓɛ̀ guùŋ nɛ sùà. Àŋ naŋ nɔŋ kpɛɛ̀ŋ wèè nyiŋ bi. Àŋ yaà mààŋ ko fuùŋ kùwaì wɔŋ dùfòì miinyàŋ, yèè maŋ gɔ̀à fè sɔ̀à lɛ. Àŋ yaà mààŋ maŋ kuù gò kòmàŋ e pɛɛ nɔ̀ŋ sɛ̀ɛ̀ dìì, maŋ yè maŋ àŋ naŋ fie yèè màŋ naŋ fɔ̀ kpɛlɛmɛɛŋ lɛ̀.