1 Kɔliìŋ 5:5 - WƆŊ FƐ̀Ì EBÒ SÌÀŊ DAYÀA

⁵ nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

1 Kɔliìŋ 5:5 ပူးပေါင်းရင်းမြစ်များ

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

Luù 22:31

Wo Jisɛ̀ naŋ woò wààŋ, “Saimɔ̀ŋ, kùmiàim! Wo Sɛ̀tanàŋ dàwè wo Dayà wèè wouŋ gè nyààŋ diɛŋ wèè wo wàà nyɛ̀iŋ nààŋ gbiŋ, wèè wo gè aŋ siaŋ sìàŋ nyaŋ aŋ naanààŋ nyaŋ sùà, màànààŋ nɔŋ wo nyuùŋ tòmò ɓùɔ gè e kpàliuŋ nɛ̀ŋ maŋ kpàli dɛɛ màŋ sùà.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

1 Kɔliìŋ 11:32

Kɛɛ wo Kanaà gbaì wì, yèè wo wi nimilà wèè wo go wi nàŋ hèè kiti diɛŋ e kpùlìà anyùùŋ ɗuunyaŋ gbànaŋ nyàŋ.

2 Kɔliìŋ 10:6

Sèè mùŋ jɔɔlɔ̀ naàŋ è juo kpɛlɛmɛɛŋ, kɛ̀ è ngàìnɓù wo nyùùŋ gbiŋ wo yèɔ gangà wèè wo jɔɔlɔ̀ wɔ.

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

Fèle 1:6

Weètii mìŋ naŋ haawè kɛ̀ wo Dayà wo yèɔ naiŋ tɔ̀ɔ̀tù nyìnìàŋ e tòmo siaŋ sìàŋ lɛɛ̀ sùà wɔ, do niŋ nàŋ kɔ̀ɔ̀ feìŋ e jèèsùà e jùà ke ɗɔɔɛ̀ wo Jisɛ̀ Kulaì do nàŋ hnè lɛ diɛŋ.

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

2Time 1:18

Tɔ̀ wo Kanaà wo yɛmɛ̀uŋ wa nàwèè ke nyowo ke ɗɔɔ dìàmaàŋ diɛŋ! Màŋ nyìmàŋ kɛ̀ kiìŋ è kpùùmaŋ wò naŋ nyɛ̀nɛ̀ŋ weèim ko Ɛfesɔ̀.

2Pììlɛ 3:12

Nààŋ nìŋ yaà fùlìè ke ɗɔ̀ɔ̀ Dayàa wèè ke haì lɛ, nyɛ̀nɛìŋ e yèɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè ke zumò hnàaŋ ke ɗɔɔɛ̀ maŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, yèè e zùzù do nàŋ sàngèè manɛ̀ŋ sìàŋ sìàŋ àìjɛnɛ̀ŋ maŋ.

1Jɔ̀ɔŋ 5:16

Sèè maŋ yɛ̀mɛ̀ wo wùìya mɔɔ̀ŋ bà wò nyɛ̀nɛ̀ŋ e kèì jùumù e yèɛ fòuŋ wa nàwèè gè wɔ̀ŋ nyiiŋ gèe gò jùàa sùà lɛ, dàwè Dayà wèè wo kiɛ̀ŋ wo nyùùŋ wii wɔŋ nyiiŋ gèe gò jùà. Kɛɛ ɓɔ̀ è nɔ̀ŋ è jùumùɛ yèɛ do nàŋ nyɛ̀nɛ̀ŋ wò nyùùŋ wii nàwèè sòò wɔ̀ŋ nyiiŋ gèe gò jùà lɛ.