1 Kɔliìŋ 5:3 - WƆŊ FƐ̀Ì EBÒ SÌÀŊ DAYÀA

^3-4 Jòòpɛɛ miŋ gòiŋ gbɛ̀ɛ̀ kè kpùnaŋ miɛ̀ŋ sùà, kɛɛ è yààìŋ koɓɛ̀ guùŋ wo jinàaŋ sùà, yèè nààŋ nɔŋ mìŋ heo nàŋ nɔ̀ŋ lɛ, kà kpɛ̀ɛ̀yɛ̀ gbààì wo felaaà naŋ nyɛ̀nɛ̀ŋ e keì naanààŋ mààŋ tii wɔ̀ e dèè Kanaà Jisɛ̀ɛ sùà. Nààŋ nìŋ deenàŋ koɓɛ̀ guùŋ, yèè miàŋ pɛɛ mìŋ nɔ̀o wo jinàaŋ sùà, e kìlà e gààŋ Kana wiɔ̀ Jisɛ̀ɛ nɔ̀ŋ wì e tɛɛ lɛ̀,

1 Kɔliìŋ 5:3 ပူးပေါင်းရင်းမြစ်များ

1 Kɔliìŋ 5:12

E ɗewe gbiŋ sùà, e fè è kpàŋ è kɔɔim wèè ka gbààì ànyuùŋ joo bà aŋ yè nyaŋ fè kè gbòòɛ sùà nyaŋ. Wo Dayà nàŋ gbaaì nyiìŋ. Kɛɛ wèè kiìŋ muŋ fè ɓɛ̀nɛ̀ŋ gbààì wò nyùnɔ̀ɔŋ yèɔ yaà kè gboò mɔɛ̀ŋ sùà wɔ? Nààŋ wɔŋ fɛ̀ì Dayàa naŋ woò lɛ, “Gè wo nyuùŋ nàànààaŋ ke gboò mɔɛ̀ŋ sùà.”

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 10:11

Anyùùŋ mààŋ nyiiŋ aŋ nyìmàŋ kɛ̀ e nɛ̀ɛŋ è singe fɛi diɛŋ sèè è goiŋ noo nɔ̀ŋ lɛ, tiiŋ è nyɛnɛŋ sèè è nɔ̀ìŋ fɛɛ̀feìŋ.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

1Tɛsè 2:17

E wèè nyɛ̀iŋ nààŋ wùìya wi nyàŋ, e teenga kpàa bà sùà niŋ fè wi yɛ̀mɛ̀ màŋ kpùnaŋ wi màŋ sùà, kɛɛ e gòiŋ jòà màŋ gòngo wi màŋ sùà. È gongà kiiŋ yèè è naŋ fɛ̀ɛ̀ nyìnga wèè eiŋ yɛmɛ̀.