1 Kɔliìŋ 5:11 - WƆŊ FƐ̀Ì EBÒ SÌÀŊ DAYÀA

¹¹ Kɛɛ e nɛ̀ɛŋ mìŋ yaà wòo sùà lɛ nàŋ yaà kɛ̀, wo nyùnɔ̀ɔŋ naŋ nyààŋ wuŋ bi wo wùìya, è hààweɛ̀ sùà wɔ, kɛɛ wò yaà maŋ kpèè nàànààŋ hmɔŋtu sùà, ɔ̀ɔ̀ wò yaà e kèè nɛ̀ŋje ɔ̀ɔ̀ wò zoolà maŋ gòò, ɔ̀ɔ̀ wò yaà nyuùŋ nàànààŋ ko nyààŋ, ɔ̀ɔ̀ wo nyuùŋ tìà maŋ mùàŋ, ɔ̀ɔ̀ wò wuo, nyɛ̀iŋ nyùùŋ mààŋ wii ɓɔ̀ nìŋ mɔɔnɔ̀ŋ yèè ɓɔ̀ nìŋ jiiyà è nɛ̀ŋje kòɓɛ̀ guùŋ.

1 Kɔliìŋ 5:11 ပူးပေါင်းရင်းမြစ်များ

Maafiù 18:17

Sèè wo nyùnɔ̀ɔŋ naŋ nyɛ̀nɛ̀ŋ e keì naanààaŋ wɔ̀ gè maŋhɛɛ wèè wo nyiŋ kumiàŋ, kɛ̀ wòò niŋ koɓɛ̀ ke gbòò anyuùŋ hààwe nyàŋ. Sèè wò gè maŋhɛɛ wèè wo kùmìàŋ ke gbòò anyuùŋ hààwe nyàŋ, kɛ̀ tùwò ko nɛ̀ɛ̀uŋ niìŋ mààŋ wo nyuùŋ gò kɛ̀ɛ̀nɛŋ hààwe ɔ̀ɔ̀ mààŋ wo nyuùŋ kùwà nɛ̀ɛ̀nɛ̀ŋ fuɔŋ.

Maafiù 23:25

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà nyùùŋ fɛ̀ɛ̀ ɗòònààkeì. Nìŋ guo maŋ kpòò tììyaiŋ màŋ yèè maŋ tɛnyɛ̀iŋ màŋ jɛwɛ. Manɛ̀ŋ foo bi ko sùà nìŋ sie manɛ̀ŋ maŋ nìŋ gè anyùùŋ ko sìwè maŋ gàangàaŋ e mànàŋ nyɛ̀iŋ biɛ̀ sùà.

Luù 18:11

Wo Fɛlosiìɔ naŋ kɔ̀ wo sie fauŋ wɔŋ kùàŋ wùùŋ mauŋ yèè wò naŋ zoolò wààŋ, ‘Dayà, mìŋ naum gè sɛ̀, esaɓù kɛ̀ mìŋ fè nyɛ̀nɛ̀ŋ è wànàŋ gbiŋ, miŋ fè e kàaɓì, miŋ fè nyɛ̀nɛ̀ŋ hmɔŋtu mààŋ ànyuùŋ gbànaŋ nyàŋ nyɛnɛŋ lɛ̀. Mìŋ naum gè sɛ̀ miŋ fè mààŋ wò nyuùŋ kùwà è nɛ̀ɛ̀nɛ̀ŋ fuɔŋ gò kɛɛnɛ̀ŋ hààwe wii kuii.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 16:17

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

1 Kɔliìŋ 10:14

E wèètii nyɛ̀iŋ nààŋ wùìyaim nyàŋ, ɓɔ̀ nìŋ gbɛ̀ɛ̀ è kèè àŋ dayà joo zòòlo è kɔɔ.

1 Kɔliìŋ 11:21

Nìŋ tɔɔtù ngèè pɛɛ e nɛ̀ŋje jèe paŋgàà anyùùŋ nyaŋ kpɛ̀ɛ̀yɛ̀ dèèneɛ̀ hnàŋ sùà, yèè nyɛ̀iŋ nààŋ bà nyiŋ nìŋ kɔà e jìè, aŋ bà nyiŋ àŋ tie.

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

1 Kɔliìŋ 6:6

Kɛɛ wo wùìyaà bà kɔà wo wùìya ko zɛ̀mɛ̀ɛ̀ŋ keì aŋ dàngè anyuùŋ gò hààwè Dayà nyaŋ aŋ nyiŋ gbààì keì.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

1 Kɔliìŋ 7:12

Koɓɛ̀ anyuùŋ gbànaŋ nyàŋ mìàŋ, miàŋ bi naŋ tɛɛ̀ woò e fè è kèì wòò Kanaà bà, sèè wo wùìyaà Jisɛ̀ Kulaì sùà wo kùwìè wo jɔùŋ gò kùwìè è hààwe kɛɛ wo jɔùŋ bi nyimèè wèè aŋ nɔ̀ŋ ɓɛ̀ guùŋ, wo felaaà ɓɔ̀ wò dèmàuŋ.

1 Kɔliìŋ 7:15

E ɗewe gbiŋ sùà, sèè wo wùìya gò kùwìè è hààweɔ̀ ɔ̀ɔ̀ wo jaa gò kùwìè è hààweɔ̀ ɗewà wèè wo ka, wò ɓɛ̀nɛ̀ŋ kàa. Sèè tii kaaàŋ, wo wùìya kùwìè e hààweɔ̀ ɔ̀ɔ̀ wo jaa kùwìè e hààweɔ̀ wo Jisɛ̀ Kulaì sùà fè keì dìì. Wo Dayà naiŋ nyààŋ wèè naŋ nɔ̀ŋ wɔŋ nyììŋ gè jii fàa sùà.

1 Kɔliìŋ 8:11

Kpeiŋ kɛ̀ wo wùìya yɔ̀kpɔum wɛɛ̀, wo yèɔ Jisɛ̀ Kulaì naŋ fɔ̀ weèuŋ wɔ̀, wò fà esaɓù e jiikɛ̀ɛum mɔ̀ɛ̀ sùà,

Gàla 2:12

Wo Pììlɛ, yaà anyuùŋ hààwè Kanaà Jisɛ̀ Kulaì nyaŋ anyùùŋ nyaŋ fè àŋ Juùù nyaŋ, jiiyà wa e nɛ̀ŋje koɓɛ̀ guùŋ, e jèèsùà wo Jìiiŋ tùàŋ aŋ Juùù hààwe nyàŋ bà. Wo Pììlɛ duɔŋ wa aŋ Juùù jàà kpùa nyàŋ, yèè yaà anyùùŋ nyaŋ fè àŋ Juùù nyaŋ naŋ hɔ̀ànè jììyà e nɛ̀ŋjè koɓɛ̀ guùŋ.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

Ɛfesɔ̀ 5:5

Kùwieìŋ e hààwe lɛɛ̀ kɛ̀ wo nyuùŋ nyɛ̀nɛ̀ŋ ke yɛɛ̀ naanààŋ gbiŋ, ɔ̀ɔ̀ wo nyuùŋ kùwìè ke jii kùwà ninaŋ, ɔ̀ɔ̀ wo nyùnùɔŋ naŋ nyɛ̀nɛ̀ŋ e wùànàŋ keekèè wèè e nɛ̀ŋ gbiŋ wɔ̀, e yaà nɔŋ mààŋ maŋ goò zòòlo, wo naàŋ wa nàwèè nàŋ kɛ̀ɛ̀nɛ̀ŋ è nɛ̀ŋ bà gbiŋ è gààŋ Kànà Jisɛ̀ Kulaìɛ yaà Dayàa dìì.

Kòlo 3:5

Nìŋ kuwa naŋ jìwà maŋ kpèè ɗuunyaŋ màŋ, maŋ yè maŋ yaà toomo maŋ kpùnaiŋ màŋ sùà, maŋ nyɛ̀nɛŋ mààŋ maŋ yɛ̀ɛ̀ hmɔŋtu naanààŋ yaà maŋ gòngo naanààŋ. Wo nyùnɔ̀ɔŋ naŋ nyɛ̀nɛ̀ŋ e wànàŋ e nɛ̀ŋ keekèè wɔ, è yaà nɔŋ mààŋ maŋ goò zòòlo.

2Tɛsè 3:14

È ɓɛ̀nɛ̀ŋ hɛ̀ɛ̀nɛŋ kɛ̀ anyùuŋ bà kui, aŋ naàŋ jɔ̀ɔ̀lɔ̀ kè miè gbìaàŋ è naŋ tùɔ̀ŋ wɔ̀ŋ fɛi wɛɛ̀ŋ sùà yɛ dìì. Sèè tɛɛ̀ è kaaìŋ yɛi, jàaìŋ nyiŋ jii niŋ gè kii nyiŋ kùàŋ sùà wèè e sàngè nyɛ̀nɛ̀ŋ nyiŋ.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.

Maŋ kèì nyɛɛnɛŋ 2:20

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Niŋ gò gììyà wò Jɛ̀sebɛ̀ɛ̀ màŋhɛɛ. Wò naŋ ɓèmè wuŋ bi wèè wo nɔ̀ŋ wo kèèlà Dayà. E nɛ̀ɛŋ wò kaà lɛ è nyɛ̀nɛ̀ŋ aŋ ɓɔìjɔ̀àim nyàŋ àŋ yèwà ke dòmaŋ miɛ̀ŋ diɛŋ yèè àŋ kùùnò nyɛ̀nɛ̀ŋ maŋ yɛɛ̀ naanààŋ yèè e tèèngà guùŋ bi àŋ yaà jììyè manɛ̀ŋ jè saaà maŋ àŋ naŋ wa gììyè saaà maŋ koɓɛ̀ aŋ dayà joo nyàŋ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.