1 Kɔliìŋ 4:8 - WƆŊ FƐ̀Ì EBÒ SÌÀŊ DAYÀA

⁸ Kò nìŋ kuwa naàŋ e nɛ̀ɛŋ gbiŋ nìŋ manaŋ lɛ̀? Nàŋ naàŋ banè tɛ? Nàŋ naàŋ nɔ̀ŋ aŋ kana, jòòpɛɛ yàwi kòò è nɔ̀ìŋ yɛi? E ɗewe gbiŋ, è manaŋ weè nɔŋ naŋ nɔ̀ŋ aŋ kana wèè kɛ̀ yàwi pɛɛ eiŋ nɔ̀ŋ aŋ kana yàwi nààŋ gbiŋ koɓɛ̀ guùŋ.

1 Kɔliìŋ 4:8 ပူးပေါင်းရင်းမြစ်များ

Maafiù 5:1

Nààŋ wò Jisɛ̀ naŋ wa yɛ̀mɛ̀ e faaàŋ, wò naŋ kɔ̀ wo jòwà wɔŋ toò bà dìmɛ̀ yèè wò naŋ jɛi. Anyùùŋ màŋjɛ̀wɛ̀uŋ nyàŋ nauŋ kìlìè kɔɔ,

Luù 6:25

“E keì nyìnga do nàŋ nɔ̀ŋ nyɛ̀iŋ nyàŋ naŋ diè nyaŋ. Nìŋ do nàŋ kɔ̀ɔ̀ e jìè.” “E keì nyìnga do nàŋ nɔ̀ŋ nyɛ̀iŋ nyàŋ nìŋ yaà hiile sààmɛ nyàŋ. Nìŋ do nàŋ nɔ̀ŋ ke nyowo sùà e kìlà naŋ gòlà.

Nyɛ̀nɛ̀ŋ 26:29

Wo Pɔɔ̀ naŋ fasàì wààŋ, “Sèè pɛɛ e ɓèmè e teenga kpuu ɔ̀ɔ̀ e teenga mùŋlaŋ, mìŋ yaà zòòlò wo Dayà wèè nyɛ̀iŋ nyàŋ gbiŋ naim nàaŋ kumiè nyaŋ niŋ nɔ̀ŋ anyuùŋ hààwe mààŋ miàŋ bì. E kìlà ɓɔ̀ nìŋ nɔ̀ŋ àŋ pèesìnàŋ wèè aiŋ sìà màŋ jɔ̀ɔɔ mɛɛ̀ŋ, màànààŋ àŋ naim miŋ sìè lɛ.”

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

1 Kɔliìŋ 1:5

Esàɓù e nɔ̀iŋ aŋ bàiŋbà wo Jisɛ̀ Kulaì sùà, nìŋ naŋ nɔ̀ŋ anyuùŋ bàne manɛ̀ŋ maŋ gbiŋ sùà, e kpùlìà maŋ mìè gbòa yaà e jiikɛ̀ɛɛ̀ gbiŋ.

1 Kɔliìŋ 4:18

Nyɛ̀iŋ nààŋ bà nyiŋ nìŋ yaà gòngo sùà kɛ̀, miŋ naàŋ ɓɛìŋ hìɛ̀ŋ jààme kò nɛ̀ɛ̀ŋ niìŋ, weètii nìŋ yaà gbùùyè maŋ nyòngà.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

2 Kɔliìŋ 11:1

Kɔ̀nɛɛ̀ŋ gèim fɛ̀ɛ̀ diɛŋ sèè pɛɛ mìŋ nyɛnɛŋ e zùwo jɔa!

2 Kɔliìŋ 13:9

È gèìŋ zɔlɔ̀ sèè è yɔkpɔ̀ìŋ, kɛɛ nyɛ̀iŋ e gààŋ yààìŋ . Yèè e wèètii è zoolàìŋ ɓɛìŋ wèè naŋ zɛ̀nɛ̀ŋ.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.

Maŋ kèì nyɛɛnɛŋ 5:10

Mùŋ naŋ nyiŋ nyɛ̀nɛ̀ŋ aŋ nɔ̀ŋ aŋ kànà sìèfèìŋ zòòlo wèè aŋ zoolò Dayà, yèè àŋ do nàŋ nɔ̀ŋ aŋ kana e dììɛ diɛŋ.”