1 Kɔliìŋ 4:6 - WƆŊ FƐ̀Ì EBÒ SÌÀŊ DAYÀA

⁶ Nyɛ̀iŋ nààŋ wùìyaim nyàŋ, esaɓùiŋ nɛ̀ sùà kà kààìŋ maŋ keì mɛɛ̀ŋ gbiŋ sùà yàwi Àpolò, è yaà tòòmo sùà yàwi bi wèè eiŋ nɔ̀ŋ e tɔ̀ɔ̀màŋseì, wèè naŋ gbèè e fàsàìɛ yaà e wòo lɛɛ̀ sùà lɛ, “Dèeìŋ maŋ sàwà kɛnɛ màŋ maŋjɛ̀wɛ.” Nyɛ̀iŋ nyɛɛ̀ŋ bà gbiŋ, ɓɔ̀ mùŋ kuwìè è ɓɛ̀ɛ̀jàa wèè wo nyùùŋ guùŋ, maŋ kɔ̀ɔ̀yɛ̀ wò bàa fɛ̀ɛ̀ sùà.

1 Kɔliìŋ 4:6 ပူးပေါင်းရင်းမြစ်များ

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 1:19

Wɔŋ fɛ̀ì Dayàa wààŋ, “Mìŋ do nàŋ pɔ̀ɔ̀pɔ̀ɔ̀ e jììkɛ̀ɛ̀ anyuùŋ kɛ̀ɛ̀jii nyàŋ Ka gɔ̀àgɔ̀à e jììkɛ̀ɛ̀ anyùùŋ nyaŋ naŋ gongò kɛ̀ àŋ naŋ nyìmè zimgbe nyàŋ sùà.”

1 Kɔliìŋ 1:31

Nààŋ wɔŋ fɛ̀ì Dayàa naŋ woò lɛ, “Wo nyùnɔ̀ɔŋ gbiŋ manaŋ wèè wo kɛ̀ɛ̀ maŋ nyòngà wɔ, wo kɛ̀ɛ̀ maŋ nyòngà wèè e nɛ̀ɛŋ wo Kanaà naŋ nyɛ̀nɛ̀ŋ lɛ.”

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

1 Kɔliìŋ 3:19

E nɛ̀ɛŋ e ɗuunyaŋ lɛɛ̀ naŋ jàà kùàŋ dìì wèè e nɔ̀ŋ e jiikɛ̀ɛ lɛ̀, è yaà e ɓàaɓàa ko fɛ̀ɛ̀fèìŋ Dayài. Nààŋ wɔŋ fɛ̀ì Dayàa naŋ woò lɛ, “Wo Dayà kuwìà wo nyuùŋ kɛ̀ɛ̀jiiɔ̀ ke gbaù e jiikɛ̀ɛ̀uŋ nɛ̀ sùà”,

1 Kɔliìŋ 3:21

Kpeiŋ kɛ̀ wo nyùùŋ gbiŋ ɓɔ̀ wò kɛ̀ɛ̀ màŋ nyòngà wèè è nɛ̀ŋ nyɛ̀nɛ̀ŋ nyuùŋkpùuŋ. Tɔɔɓaa tiŋ nyɛ̀iŋ nàŋ kanaŋ e nɛ̀ɛŋ gbiŋ.

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

1 Kɔliìŋ 9:23

Mìŋ nyɛnɛŋ tɛɛ̀ gbiŋ esàɓù ke mìè gbìàŋ Ebò Siaàŋ sùà, wèè ka nɔ̀ŋ wo bà nyiŋ bà e kpùùmaŋ nyiŋ nɛ̀ sùà.

2 Kɔliìŋ 10:12

E fèiŋ gbɛ̀ɛ̀nɛ̀ŋ yàwi bi kòɓɛ̀ ànyùùŋ nyaŋ yè nyaŋ gongà tiwìtiwì wèè nyiŋ bi nyàŋ. Kɛɛ àŋ naŋ zuwò wèè aŋ gbɛ̀ɛ̀nɛ̀ŋ nyiŋ bi koɓɛ̀ nyiŋ biì.

2 Kɔliìŋ 10:15

E wèètii e fèiŋ kɛ̀ɛ̀ màŋ nyòngà wèè è tòmoɛ̀ è yèɛ anyùuŋ bà naŋ nyɛ̀nɛ̀ŋ è naŋ gɛ̀ɛ̀ kò dìaì wo Dayà naŋ tɔɔ̀ weè wilɛ̀. Kɛɛ è kuwa jii tùlia kɛ̀ e hààweiŋ nɛ̀ do nàŋ dɛɛ̀, wèè eiŋ ɓɛ̀nɛ̀ŋ nyɛ̀nɛ̀ŋ e tòmo gbee e tɛɛiŋ, e teenga gbiŋ eiŋ tòòmò ko dìa wiì wo Dayà naŋ tɔɔ̀ lɛ.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

2 Kɔliìŋ 12:6

Sèè ka weè mànàŋ wèè ka kɛ̀ɛ̀ maŋ nyòngà, miŋ naàŋ weè nɔ̀ŋ wò nyuùŋ zùwo, e fèfoo mìŋ henàŋ nɔ̀ŋ ko wòò e tɔɔɓaaà. Kɛɛ miŋ naàŋ kɛ̀ɛ̀ màŋ nyòngà, esaɓù kɛ̀ miŋ manàŋ wèè nyɛ̀iŋ nyɛɛ̀ŋ bà gbiŋ naŋ gongò zimgbe weèim, èsàɓù è yèɛ nìŋ naŋ yɛmɛ̀ mìŋ yaà sùà lɛ ɔ̀ɔ̀ nìŋ naŋ kòmò mìŋ naŋ woò lɛ.

2 Kɔliìŋ 4:15

Tɛɛ̀ gbiŋ yaà wèè esaɓùiŋ nɛ̀ sùà, yèè nààŋ e tɛ̀ɛ̀tɛ̀ɛ̀ Dayàa yaà hài sùà anyuùŋ zimgbe, àŋ do nàŋ fè e zòòlò ke sɛ̀ gèe zimgbe koɓɛ̀ e jòòwo Dayàa.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.