1 Kɔliìŋ 4:5 - WƆŊ FƐ̀Ì EBÒ SÌÀŊ DAYÀA

⁵ E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

1 Kɔliìŋ 4:5 ပူးပေါင်းရင်းမြစ်များ

Maafiù 10:26

“Weètii ɓɔ̀ nìŋ dùàŋ ànyùùŋ. E nɛ̀ɛŋ gbiŋ yaà naàŋ ko nyɛɛnɛŋ lɛ̀, è do nàŋ fòlò ke fòolà, e kìlà anyùùŋ do nàŋ nyìmè e nɛ̀ɛŋ gbiŋ yaà ke gbùnuo sùà lɛ janjai.

Maafiù 24:30

Kpeiŋ nìŋ do nàŋ yɛ̀mɛ̀ e tɔ̀ɔ̀màŋsèì e keì e nyaàiŋ dè miàim wo Jɔ̀àfèlàà Nyuùŋ Kpùnɔɔ̀ŋ ko àìjɛnɛ̀ŋ. Yèè maŋ ziì maŋ gbiŋ e ɗuunyaàŋ dò nàŋ nɔ̀ŋ ke nyowo sùà, yèè àŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ yaà hìnìè wɔŋ ɗùkpù ke nyiliɛ̀ diɛŋ e yìwìà e gaàŋ gbee yèè e jòòwo sùà.

Maafiù 24:46

Aŋ ɓɔìjɔ̀à do nàŋ nɔ̀ŋ e zɔlɔ̀ sùà sèè wo kààmɔɔŋ nyiŋ nɔɔ̀ŋ wo hnàŋ wo nyiŋ mɛɛ̀ŋ àŋ yaà nyìnìè e tòmo nyiŋ nɛ̀.

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Luù 6:37

“Ɓɔ̀ nìŋ kilià è kiti ànyùùŋ diɛŋ wèè màŋ jùumù nyiŋ màŋ, kpeiŋ kɛ̀ wo Dayà naìŋ kìlìè kiti diɛŋ wèè màŋ jùumùiŋ màŋ nyɛ̀iŋ pɛɛ. Jùùyaìŋ aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, kpeiŋ kɛ̀ wo Dayà wòiŋ jùùyà hakɛ̀ nyɛ̀iŋ pɛɛ.

Jɔ̀ɔŋ 21:22

Wo Jisɛ̀ nauŋ fasàì wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ? Mùŋ kuwa maim dè maŋjɛ̀wɛ.”

Jɔ̀ɔŋ 21:23

Yèè ebò naŋ ɓààyè anyùùŋ màŋjɛ̀wɛ̀ Jisɛ̀ nyaŋ e fèemàŋ kɛ̀ wo nyùùŋ màŋjɛ̀wɛ̀ wɛɛ̀ wo naàŋ wa nàwèè fɔ̀. Kɛɛ wo Jisɛ̀ gò wa woò wààŋ wo naàŋ fɔ̀. Wò naŋ wa nɔŋ woò wààŋ, “Sèè ka mànàŋ wèè wo jèè wɔŋ nyiiŋ gèeɔ̀ sùà e jèèsùà ka wa nàwèè kɛ̀ɛ̀ maŋjɛ̀wɛ, kiìŋ tii kuwa eum nyinìàŋ?”

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Luùm 14:4

Kiìŋ è tɔ̀ɔ̀nyaàŋ mùŋ kuwa wèè maŋ gbàì wo ɓɔìjɔ̀àa jè nyuùŋ joo? Wo kààmɔɔŋ nyiŋ nɔɔ̀ŋ nàŋ kɛɛ kiti sèè mààŋ àŋ yaà nyìnìè tɔ̀ɔ̀nyaàŋ, e kìlà wo Kanaà Dayà naŋ ɓɛ̀nɛ̀ŋ kɛ̀ɛ̀ e kiti nyiŋ nɛ̀ sèè mààŋ àŋ yaà nyinie tɛ̀ɛ̀ ɔ̀ɔ̀ àŋ fè nyinie tɛ̀ɛ̀.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 1:7

yèè esàɓù tɛɛ̀, kòò nìŋ ɓà è kìɛɛ̀ŋ bà guùŋ pɛɛ, nààŋ nìŋ yaà fùlìè wo kààmɔɔɔ̀ŋ Jisɛ̀ Kulaì wèè wo hnàŋ lɛ.

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

1 Kɔliìŋ 11:26

Tɛɛ̀ naŋ tɔɔ̀ kɛ̀ e teenga gbiŋ sùà nìŋ naŋ gbìlè ke gbɔ̀uɛ̀ yèè nìŋ naŋ tììyè wɔŋ kpòò wɛɛ̀ŋ sùà, nìŋ yaà wòo sùà e kèè e fà Kanaà e jèèsùà wo wa nàwèè hnàŋ.

1 Kɔliìŋ 15:23

Wo nyùùŋ gbiŋ do nàŋ yèwè e fàaà dìì e ɗewe kii titi bà sùà, wo Jisɛ̀ Kulaì, wuŋ jiɛ̀, kpeiŋ e tèèngà hnàuŋ nɛ̀ sùà, aŋ yè nyaŋ yaà weèuŋ nyàŋ wo nyiŋ hiàŋ.

1 Kɔliìŋ 3:13

Yèè àŋ do nàŋ tùɔ̀ŋ e tòmò nyùùŋ gbiŋ maŋ nɔnɔŋ e teengaà ke Ɗɔ̀ɔ̀ Jisɛ̀ Kulaìɛ do niŋ nàŋ tɔɔ̀ lɛ. Ke ɗɔɔ yii e hmɔ̀ɔ̀ŋ nàŋ do nàŋ gɔ̀ì e tòmò nyùùŋ gbiŋ sùà, e hmɔ̀ɔ̀ɛŋ do nàŋ wɔ̀ɔ̀ e tòmò nyùùŋ gbiŋ yèè e tɔ̀ɔ̀ e nɔ̀ŋ kii kɛnɛ niŋ nɛ̀.

1 Kɔliìŋ 3:14

Sèè e nɛ̀ɛŋ àŋ naŋ nyìlìè ko tɔ̀ɔ̀tù ke saaàŋ lɛ è folo e hmɔ̀ɔ̀ɛŋ dìì, wo nyuùŋ nyɛ̀lɛɔ̀ do nàŋ yɛ̀mɛ̀ e pààwa.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

2 Kɔliìŋ 10:9

Miŋ fè fɛ̀ɛ sùà wèè ka nyɛ̀nɛ̀ŋ wɔ̀ŋ fɛi miɔ̀ŋ wɔiŋ sìà è jùù.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

1Tɛsè 5:2

Nyɛ̀iŋ bi nàŋ nyìmàŋ kɛ̀ ke ɗɔ̀ɔ̀ e hnàŋ Kanaà Jisɛ̀ do nàŋ nɔ̀ŋ màànààŋ e ɗeweɛ̀ wo nyuùŋ wùa hnàŋ e fòòno sùà lɛ.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

Jìiiŋ 5:7

Kùwaìŋ jii, nyɛ̀iŋ nààŋ wùìyaim nyàŋ, e jèèsùà wo Kanaà Jisɛ̀ Kulaì wo hnàŋ. Yɛ̀mɛìŋ e ɗeweɛ̀ anyuùŋ tòmò ɓù nyaŋ kuwo maŋ jii aŋ fòlà e teengaà wèè maŋ nɛ̀ŋjè jii nyiŋ màŋ kòmàŋ maŋ nɛ̀ŋje kɛnɛ maŋ diì nyiŋ màŋ diɛŋ. Àŋ kuwo maŋ jii nyiŋ màŋ aŋ fòlà maŋ gɔ̀àà e fèèmàŋ koɓɛ̀ doa nàŋ yaà e sɛ̀ɛ̀ɛ dìì maŋ.

Jìiiŋ 5:9

Ɓɔ̀ nìŋ tɔɔ̀ zàwè nyɛ̀iŋ wouwòù è fèemàŋ, nyɛ̀iŋ nààŋ wùìyaim nyàŋ, e wèè wo Dayà goiŋ nàŋ gbààì è keì. Wo nyuùŋ hàà kitiɔ̀ wò kià gbɛ̀ɛ̀, wò yaà e bànèbaneuŋ wèè wo hnàŋ.

1Pììlɛ 1:7

Esaɓù miŋ nɛ̀ nàŋ yaà wèè e tɔɔ̀ kɛ̀ e hààweiŋ nɛ̀ è yaà e hààwe kɛnɛ. E gòoòɛ pɛɛ, e yèɛ è pɔ̀ɔ lɛ, àŋ tùɔ̀ŋ niìŋ maŋ nɔnɔŋ ko hmɔ̀ɔ̀ŋ. Weètii e hààweiŋ nɛ̀, e yèɛ kuwa e zùlù zimgbe e nìàŋ e gòoò lɛ, tiŋ pɛɛ sɔɔ̀ aŋ niŋ tùàŋ màŋ nɔnɔŋ wèè e hààwe bi kà feìŋ. Kpeiŋ kɛ̀ nàŋ yɛ̀mɛ̀ e tɛ̀nɛŋ yèè e dɛ̀ɛ̀kɛ yaà e jòòwo ke ɗɔɔɛ̀ wo Jisɛ̀ Kulaì hnàŋ wa nàwèè lɛ.

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

2Pììlɛ 3:12

Nààŋ nìŋ yaà fùlìè ke ɗɔ̀ɔ̀ Dayàa wèè ke haì lɛ, nyɛ̀nɛìŋ e yèɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè ke zumò hnàaŋ ke ɗɔɔɛ̀ maŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, yèè e zùzù do nàŋ sàngèè manɛ̀ŋ sìàŋ sìàŋ àìjɛnɛ̀ŋ maŋ.

2Pììlɛ 3:4

yèè aiŋ dawè nyààŋ, “Wò naŋ wa ɓèmè e ɗààhiì wààŋ wò yaà hinie, wo gò yɛi wa woò? Kòò wò yaà? Aŋ nèwàènèwe wi nyàŋ naàŋ kpɛ̀ɛ̀yɛ̀ fàa tɛ. Kɛɛ maŋ keì maŋ gbiŋ kòò màŋ yaà nɔŋ e ɗèwè guùŋ nɛ màànààŋ nɔŋ è yaà wa e yìwìà ko tɔ̀ɔ̀tù bàànè e ɗuunyaàŋ.”

Juù 1:14

Wo Inɔ̀ nàŋ yaà maŋ kpoo sùònò suono dìà nɔɔnɔŋ le tìyèeɛ̀ e yìwìà wo Adamàŋ. Wuŋ naŋ wi wa wòò e kèì anyùùŋ nyɛɛ̀ŋ e gɔuo sùà wààŋ, “Wo Kanaà do nàŋ hnè yaà aŋ màìkà nɛɛmaŋ taasùùŋ jika zimgbe,

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!

Maŋ kèì nyɛɛnɛŋ 20:12

Mìŋ naŋ yɛ̀mɛ̀ anyuùŋ fàa nyàŋ, wo gbeeɔ̀ yèè tòloòɔ, àŋ sia ke kpùà Kanaà feìŋ. Maŋ fɛi naŋ nɔ̀ŋ yìle miŋ. Wɔŋ fɛi joo bà naŋ wa ɓɛìŋ nɔ̀ŋ yìle wuŋ, wɔŋ fɛ̀ì anyuùŋ gè nyiiŋ nyàŋ. Àŋ naŋ gbàì anyuùŋ fàa nyàŋ e nyaàiŋ dè maŋ keì maŋ àŋ naŋ wa nyɛ̀nɛ̀ŋ maŋ, nààŋ è yaà sìnga niŋ maŋ fɛi màŋ sùà lɛ kɛ̀,