1 Kɔliìŋ 4:21 - WƆŊ FƐ̀Ì EBÒ SÌÀŊ DAYÀA

²¹ Kòòiŋ nìŋ manaŋ? Sèè mìŋ nɔ̀ŋ hinie miŋ hiàŋ ke sele ko diɛiŋ, ɔ̀ɔ̀ wo jìnàŋ mànaŋ yaà ke jii siaŋ?

1 Kɔliìŋ 4:21 ပူးပေါင်းရင်းမြစ်များ

1 Kɔliìŋ 4:18

Nyɛ̀iŋ nààŋ bà nyiŋ nìŋ yaà gòngo sùà kɛ̀, miŋ naàŋ ɓɛìŋ hìɛ̀ŋ jààme kò nɛ̀ɛ̀ŋ niìŋ, weètii nìŋ yaà gbùùyè maŋ nyòngà.

1 Kɔliìŋ 5:5

nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 10:6

Sèè mùŋ jɔɔlɔ̀ naàŋ è juo kpɛlɛmɛɛŋ, kɛ̀ è ngàìnɓù wo nyùùŋ gbiŋ wo yèɔ gangà wèè wo jɔɔlɔ̀ wɔ.

2 Kɔliìŋ 10:8

Sèè weè pɛɛ eiŋ kɛ̀ɛ̀ maŋ nyòngà e mààŋ nyààŋ tòloò e nyaàiŋ dè e gààaŋ wo Kanaà naŋ wi kiɛ̀ŋ wèè eiŋ nyɛ̀nɛ̀ŋ naŋ nyìngà sùà lɛ, e yèɛ e fè wèè eiŋ pɔɔpɔ̀ɔ̀ gbiŋ lɛ̀, e sàngè fèiŋ nyɛ̀nɛ̀ŋ.

2 Kɔliìŋ 12:18

Mìŋ naŋ pɔ̀wɔ̀ wo Taitɔ̀ wèè wo ka, yèè mìŋ nauŋ dè wo wùìyaà bà maŋjɛ̀wɛ yaà nyaàuŋ naŋ kɔ̀. Nìŋ do nàŋ woò nààŋ wo Taitɔ̀ naiŋ nyìnìè kàaɓì? Yàwi Taitɔ̀ gò tòòmò è gòngò guùŋ nɛ yèè maŋ nyɛ̀nɛŋ wi màŋ naŋ nɔ̀ŋ è ɗèwè guùŋ nɛ?

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.

2 Kɔliìŋ 2:1

Wèètii mìŋ naŋ ɗewè wèè ɓɔ̀ mìŋ hnàŋ ɓɛìŋ kò nɛ̀ɛ̀ŋ niìŋ wèè ka nyɛ̀nɛ̀ŋ màŋ jiiiŋ màŋ mɔɔnɛ̀ŋ.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 3:10

Èiŋ wɛ̀i ɓɛ̀nɛ̀ŋ wòo kɛ̀ esàɓù e jòòwo gbolòùŋ gbeeɛ̀ yaà e ɗààhiì jɛ̀ìɛ sùà lɛ, è nɔ̀ŋ saɓù e jòòwo gbolòùŋ nɛ yaà wa wèè ke sàwàa sùà lɛ̀ è jùà.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

1Tɛsè 2:7

jòòpɛɛ è yaà aŋ keela tàeɗùù wèè Jisɛ̀ Kulaì, yèè èiŋ weè ɓɛ̀nɛ̀ŋ jàà e kpònaà wèè naŋ wi nyìnìàŋ keì sìàŋ. Kɛɛ è naŋ gɔ̀àà kɔɔ dìì e teengaà è yààìŋ gòlò lɛ, mààŋ wo nìèjɔ̀à nàŋ yaà yɛ̀ɛ̀mɛ̀ e kèè aŋ jɔ̀àuŋ nyàŋ dììo sùà.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.