1 Kɔliìŋ 4:12 - WƆŊ FƐ̀Ì EBÒ SÌÀŊ DAYÀA

¹² è yɔkpɔ̀ìŋ yàwi bi wèè e tòmo nyìnga. Sèè àŋ gboà wì, e nyiŋ gbìàŋ zòòlo maŋjɛ̀wɛ. Sèè àŋ fè wì e ngàìnɓu, e niŋ kà dìì.

1 Kɔliìŋ 4:12 ပူးပေါင်းရင်းမြစ်များ

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Luù 23:34

Wo Jisɛ̀ naŋ woò wààŋ, “Jùùyaà anyùùŋ nyɛɛ̀ŋ hakɛ̀, Dèda! Esaɓù kɛ̀ aŋ nyimààŋ kɛ̀ kiìŋ àŋ yaà nyinie.” Kɛɛ sɔɔ̀ àŋ naŋ wa dàà ke kpɔlɔ wèè aŋ goonò maŋ deèuŋ màŋ e fèemàŋ nyiŋ nɛ̀.

Luù 6:28

Zòòloìŋ wo Dayà wèè wo kpuumàŋ anyùùŋ nyaŋ gboàìŋ nyaŋ, e kìlà niŋ zoolò wèè anyùùŋ nyaŋ nimilàìŋ nyaŋ.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Nyɛ̀nɛ̀ŋ 20:34

Nyɛ̀iŋ bi nàŋ nyìmàŋ kɛ̀ mìŋ naŋ tomo nyìnga wèè ka nyɛ̀nɛ̀ŋ wɔŋ nyiiŋ gèe miɔ̀ŋ yàwi nààŋ dàwim nyàŋ.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

Luùm 12:14

Zòòloò wo Dayà wèè wo kpuumàŋ anyùùŋ nyaŋ jààùm e nànàŋ nyaŋ. Dàwè wo Dayà wo kpuumàŋ nyiŋ, kɛ̀ɛ̀ ɓɔ̀ wò gboò nyiŋ.

Luùm 12:20

Wɔŋ fɛ̀ì Dayàa naŋ ɓɛìŋ woò wààŋ, “Sèè e jìè è nɔ̀ŋ aŋ jooum nyàŋ, kìɛ̀ŋ nyiŋ e nɛ̀ŋje aŋ jè. Sèè ke jòòmàì nɔ̀ŋ nyiìŋ, kìɛ̀ŋ nyiŋ maŋ màì aŋ tìà. Sèè nìŋ nyɛnɛŋ tɛɛ̀, nìŋ do nàŋ nyɛ̀nɛ̀ŋ e sàngè mààŋ e hmɔɔ̀ŋ jɛi e nyiŋ jɛ̀ì maŋ ɗì.”

Luùm 8:35

Ɓòò naàŋ naŋ wi ɓɛ̀nɛ̀ŋ gè è mànàŋ Jisɛ̀ Kulaìɛ sùà? È ɓɛ̀nɛ̀ŋ nɔ̀ŋ e keì nyìnga, ɔ̀ɔ̀ e mɔ̀ɔ̀nɛŋ, ɔ̀ɔ̀ wo nyùùŋ wo wi nimilà, ɔ̀ɔ̀ sèè è goiŋ kɛ̀ɛ̀nɛ̀ŋ nɛ̀ŋje, è goiŋ kɛ̀ɛ̀nɛ̀ŋ màŋ dèè wèè eiŋ kpàà, maŋ nyiiŋ wi màŋ nɔ̀ŋ e keì nyìnga dìì ɔ̀ɔ̀ e fàa?

1 Kɔliìŋ 9:6

Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

2 Kɔliìŋ 11:8

E teengaà mìŋ yààìŋ tòòmò e tɛɛiŋ lɛ̀, ke gbòò anyuùŋ hààwe nyàŋ nàŋ paawàìm wa. È yaà mààŋ mìŋ he nyiŋ wa wùà ke gbòò anyuùŋ hààwe joo sìwè, esaɓù kɛ̀ mìŋ he nyiŋ wa gè e nɛɛnɛŋ sìwè wèè kaiŋ kpuumàŋ.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

2Tɛsè 3:8

E gòiŋ jàà è kpùùmàŋ nyùùŋ gbiŋ kùàŋ dìì wèè foo. Kɛɛ è naiŋ tomo nyìnga, e naiŋ nɔ̀ŋ toomo dùùm yaà maŋ gɔɛ wèè e goiŋ nàŋ gbìɛ̀ŋ è kèè nɛ̀ŋ màaŋ sùà.

1Time 4:10

È fɛ̀ɛ̀ìŋ e kìlà eiŋ tomo nyìnga, esaɓù kɛ̀ èiŋ sìà ke jii tùlia wiɛ̀ wo Dàyà nyiiŋ gèeɔ̀ sùà, wo Nyuùŋ Jòèyeɔ̀ wèè anyùùŋ nyaŋ gbiŋ, ɓɔɔɓɔɔ ngèè anyuùŋ hààwe nyàŋ.

1Pììlɛ 2:23

E teengaà àŋ yàaùŋ wa pɔ̀ɔ sùà ɓɛ̀ɛ lɛ̀, wo gò kɛ̀lɛ̀ɛ̀ è ɓɛ̀ɛ̀pɔ̀ɔ koɓɛ̀ nyùùŋ, e teengaà wò yaà kɔ̀ɔ̀yɛ̀ keì nyìnga dìì lɛ, wo gò sìà nyùùŋ gbiŋ è jùù, kɛɛ wò kùwìè ke jii tùlia wo Dayà sùà, wo Dayàa gbaì e tɔ̀ɔ̀nyaàaŋ wɔ̀.

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.

1Pììlɛ 4:19

Weètii, anyuùŋ hààwe nyàŋ kɔ̀à e keì nyìnga dìì esaɓù kɛ̀ tii wo Dayà manaŋ weè nyiŋ, aŋ nyɛ̀nɛ̀ŋ e tòmo siaŋ yèè aŋ kiɛ̀ŋ ke jii nyiŋ nɛɛ̀ŋ wo nyuùŋ bàne nyiŋ nɔɔ̀ŋ wo yèɔ nyɛnɛŋ e yèɛ wò naŋ ɓèmè e ɗààhiì wèè wo nyɛ̀nɛ̀ŋ lɛ.

Juù 1:9

E teengaà wo Dɛwìɔ yaà wo kànà aŋ màikà nyaŋ wo Maikɔ̀ àŋ yaà wa kpàànè kpaane sùà nyààŋ e nyaàiŋ dè kɛ̀ ɓòò nàŋ ɓemàŋ e dìè wɛ̀ijìɔ Mòòzeɛ̀ wèè aŋ niŋ sìà lɛ, wo Maikɔ̀ gò wa nyìnìàŋ wò Dɛwìɔ è tɛɛmànaŋ wèè wouŋ wòò è keì naanààŋ, kɛɛ wò naŋ woò wààŋ, “Wo Kanaà Dayà nàŋ doum nàŋ hèè e kiti diɛ̀ŋ.”