1 Kɔliìŋ 4:11 - WƆŊ FƐ̀Ì EBÒ SÌÀŊ DAYÀA

¹¹ Sààngɛ lɛɛ̀ pɛɛ, è yààìŋ kùwìè e jìyè yèè ke jòòmàì yàà wì, è yààìŋ maŋ deè bila sùà, àŋ yàà wì ɓùla sùà, è yààìŋ maŋ gòlò diɛŋ e fèiŋ jɛ̀ì koɓɛ̀ guùŋ,

1 Kɔliìŋ 4:11 ပူးပေါင်းရင်းမြစ်များ

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 16:23

Yèè nààŋ àŋ naŋ nyiŋ ɓùlò yèè e kɔɔ nyiŋ nɛ̀ gbiŋ naŋ nɔ̀ŋ manɛ̀ŋjèla, àŋ naŋ nyiŋ gbìɛ̀ŋ ko sààŋ nyìwì, yèè àŋ naŋ wòò wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ wèè wo yìlà nyiŋ kpaŋ kpaŋ.

Nyɛ̀nɛ̀ŋ 23:2

Wo Kànà Sìèfèìŋ Zòòlo Gbeeɔ̀ Ananaayà naŋ wòò anyùùŋ nyaŋ sia wa wo Pɔɔ̀ kɔɔ nyàŋ kɛ̀ aŋ haà wo Pɔɔ̀ fɛ̀ɛ̀ nyààŋ.

Luùm 8:35

Ɓòò naàŋ naŋ wi ɓɛ̀nɛ̀ŋ gè è mànàŋ Jisɛ̀ Kulaìɛ sùà? È ɓɛ̀nɛ̀ŋ nɔ̀ŋ e keì nyìnga, ɔ̀ɔ̀ e mɔ̀ɔ̀nɛŋ, ɔ̀ɔ̀ wo nyùùŋ wo wi nimilà, ɔ̀ɔ̀ sèè è goiŋ kɛ̀ɛ̀nɛ̀ŋ nɛ̀ŋje, è goiŋ kɛ̀ɛ̀nɛ̀ŋ màŋ dèè wèè eiŋ kpàà, maŋ nyiiŋ wi màŋ nɔ̀ŋ e keì nyìnga dìì ɔ̀ɔ̀ e fàa?

1 Kɔliìŋ 9:4

Mìŋ dawà nyiìŋ sèè mààŋ miŋ kuwà è gààŋ wèè ka jènɛ̀ŋ yèè ka tìà nɛ̀ŋ?

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

2 Kɔliìŋ 4:8

È kùwòìŋ keì nyìnga kɛɛ aŋ fè wì hike hìkè. E teenga bà è nɔ̀ìŋ jii die sùà kɛɛ e fè niŋ gè ɗì dìì.

Fèle 4:12

Kà nyìmàŋ kɛ̀ kiìŋ è naŋ tɔɔ̀ wèè maŋ nɔ̀ŋ wo nyuùŋ pɔ̀ɔ, ɔ̀ɔ̀ wèè maŋ kɛ̀ɛ̀nɛ̀ŋ e zimgbe niŋ. Yèè kà gbeè, e kìlà kà nyìmàŋ ke gbùnuɛ̀ wèè maŋ keì mɛɛ̀ŋ gbiŋ.

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.