1 Kɔliìŋ 4:10 - WƆŊ FƐ̀Ì EBÒ SÌÀŊ DAYÀA

¹⁰ Esàɓù Jisɛ̀ Kulaì sùà, è yààìŋ anyuùŋ zùwo, kɛɛ nìŋ gongà kɛ̀ nìŋ naŋ kɛ̀ɛ̀jii nààŋ nìŋ yaà aŋ bàiŋbà Jisɛ̀ Kulaì sùà lɛ. È naiŋ yɔkpɔ̀, kɛɛ nìŋ gongà kɛ̀ nìŋ yaà e gààŋ. Àŋ naŋ wi kɔ̀ɔ̀yɛ̀ fɛ̀ɛ̀ sùà, kɛɛ nìŋ gongà kɛ̀ àŋ kiɛ̀ìŋ e ɓɛ̀ɛ̀jàa.

1 Kɔliìŋ 4:10 ပူးပေါင်းရင်းမြစ်များ

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 18:9

Wo Jisɛ̀ naŋ ɓɛìŋ wòò ke kàɓanè koɓɛ̀ anyùùŋ bà aŋ yè nyaŋ naŋ tùlìè e tɔ̀ɔ̀nyaàŋ nyiŋ nɛ̀ jii yèè àŋ naŋ kɔ̀ɔ̀yɛ̀ anyuùŋ gbànaŋ nyàŋ gbiŋ fɛ̀ɛ̀ diɛŋ nyàŋ.

Luù 6:22

“E zɔlɔ̀ e nɔ̀iŋ sèè anyùùŋ aiŋ wùàŋ, aiŋ gbàŋ, aiŋ diɛ̀ŋ, e kìlà aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, esaɓù kɛ̀ nìŋ yaà anyùùŋ màŋjɛ̀wɛ̀ miàim wo Jɔ̀àfèlàà Nyuùŋ Kpùnɔɔ̀ŋ.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Nyɛ̀nɛ̀ŋ 26:24

Wèè paŋ wo Pɔɔ̀ kpɛɛyɛ̀ wa gbòa wèè wuŋ bi, wò Fɛtɔ̀ nauŋ kpiinyɛ̀ŋ wààŋ, “Pɔɔ̀, mùŋ naŋ sààŋ ke gbòà! E nɛ̀ŋ nyìmaŋ zimgbe è nyɛ̀nɛ̀ŋ ke jii komaŋ mɔɛ̀ŋ kè gbaaì.”

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 1:25

E nɛ̀ɛŋ yaà mààŋ e ɓààɓàà Dayà lɛ̀, è kɛ̀ɛ̀jii è nìàŋ e jììkɛ̀ɛ̀ nyuùŋkpùuŋ, yèè e nɛ̀ɛŋ yàà mààŋ e zɔ̀kpɔ̀ Dayà lɛ, è nyìngà sùà è nìàŋ e gààŋ nyuùŋkpùuŋ.

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

1 Kɔliìŋ 3:2

Mìŋ kuwa wa nɔŋ wèè kaiŋ tìè e meekì, kɛɛ e fè nɔ̀ŋ è nɛ̀ŋje nyìnga, esaɓù kɛ̀ niŋ gò wa banebànè wèè naŋ jè nɛ̀ŋje nyìnga. Yèè sààngɛ pɛɛ kòò nìŋ bànèbànè wèè è nɛ̀ŋje nyìnga jèe,

1 Kɔliìŋ 4:8

Kò nìŋ kuwa naàŋ e nɛ̀ɛŋ gbiŋ nìŋ manaŋ lɛ̀? Nàŋ naàŋ banè tɛ? Nàŋ naàŋ nɔ̀ŋ aŋ kana, jòòpɛɛ yàwi kòò è nɔ̀ìŋ yɛi? E ɗewe gbiŋ, è manaŋ weè nɔŋ naŋ nɔ̀ŋ aŋ kana wèè kɛ̀ yàwi pɛɛ eiŋ nɔ̀ŋ aŋ kana yàwi nààŋ gbiŋ koɓɛ̀ guùŋ.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

2 Kɔliìŋ 11:19

Nààŋ nyɛ̀iŋ bi nìŋ naŋ kɛ̀ɛ̀jii lɛ̀, nìŋ giiyà wo nyuùŋ zùwoɔ̀ e kɛ̀ɛ e zɔlɔ̀ diɛŋ!

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

2 Kɔliìŋ 13:9

È gèìŋ zɔlɔ̀ sèè è yɔkpɔ̀ìŋ, kɛɛ nyɛ̀iŋ e gààŋ yààìŋ . Yèè e wèètii è zoolàìŋ ɓɛìŋ wèè naŋ zɛ̀nɛ̀ŋ.

2 Kɔliìŋ 4:12

Tɛɛ̀ naŋ tɔɔ̀ kɛ̀ e fàa yaà wì sùà è yaà toomo, kɛɛ wɔŋ nyiiŋ yààìŋ sùà wɔ̀ŋ yaà toomo.

2 Kɔliìŋ 6:8

Àŋ joowà wì, e kìlà aŋ wi pɔ̀ɔ̀ɓɛ̀ɛ. Àŋ diɛ̀ŋ wì e kìlà aŋ wi tɛnɛ̀ŋ. Àŋ nyɛ̀nɛ̀ŋ wì mààŋ anyuùŋ tòa, kɛɛ è gbaì tɔ̀ɔ̀nyaàŋ.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

1Pììlɛ 4:14

Sèè aiŋ diɛ̀ŋ esaɓù kɛ̀ nìŋ yaà anyùùŋ màŋjɛ̀wɛ̀ Jisɛ̀ Kulaì wo Dayà doiŋ nàŋ kpuumò. Tɛɛ̀ naŋ tɔɔ̀ kɛ̀ wo Jinàŋ kùwìè jòòwo gbeeɔ̀, tèènè mààŋ wò Jìnàŋ Dayàa, wò yààìŋ maŋjɛ̀wɛ.