1 Kɔliìŋ 3:9 - WƆŊ FƐ̀Ì EBÒ SÌÀŊ DAYÀA

⁹ Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

1 Kɔliìŋ 3:9 ပူးပေါင်းရင်းမြစ်များ

Maafiù 15:13

Wo Jisɛ̀ naŋ nyiŋ fasàì yèè wò naŋ woò wààŋ, “Ke kùù gbiŋ ke yèɛ wo Dèda miɔ̀ŋ ko àìjɛnɛ̀ŋ wo gò nyùàŋ yɛ, kè do nàŋ nɔ̀ŋ fìa nyiŋ.

Maafiù 16:18

Tɔ̀ miŋ woòum Piilɛ̀, muàŋ naŋ yaà wo Piilɛ̀, ke dùòɛ, yèè ke dùò yɛɛ̀ diɛŋ mìŋ do nàŋ nyɛ̀lɛ̀ ke sààŋ zòòlò ke gbòò anyuùŋ hààwe nyàŋ, e kìlà e ɗùùnyàŋ anyuùŋ fàa nyàŋ e naàŋ kɛ̀ɛ̀nɛ̀ŋ è gààŋ kò diɛŋ nyiŋ.

Maafiù 9:37

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ.

Nyɛ̀nɛ̀ŋ 4:11

Wo Kanaà Jisɛ̀ nàŋ yaà e kèè wo nyùnɔ̀ɔŋ wɔŋ fɛ̀ì Dayàa naŋ woò wààŋ, ‘Ke dùòɛ aŋ nyùuŋ nyɛ̀lɛ nyàŋ naŋ wa gììyè maŋhɛɛ yɛ̀ naŋ nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.’

1 Kɔliìŋ 3:16

Tɔɔɓaa nàŋ nyìmàŋ kɛ̀ nyɛ̀iŋ nàŋ yaà ke saaŋ zòòlò Dayàa, yèè wo Jìnàŋ Dayàa yààìŋ sùà.

1 Kɔliìŋ 3:6

Miàŋ naŋ nyùɔ̀ŋ ke kuù kòmàaŋ, wo Àpolò naŋ gɔ̀àà ke kuù wùìyèɛ maŋ màì, kɛɛ wo Dayà naŋ nyɛ̀nɛ̀ŋ ke kuù kòmàaŋ naŋ wùìyè.

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

2 Kɔliìŋ 6:16

Kiìŋ ke saaŋ zòòlò Dayàa kuwa wèè ke nyìnìàŋ aŋ dayà joo? Yàwi nàŋ yaà ke saaŋ zòòlò Dayàa wo yèɔ yaà wɔŋ nyiiŋ gèeɔ̀ sùà wɔ, mààŋ wo Dayà wuŋ bi naŋ woò lɛ, “Ko gboo miìŋ nàŋ do nàŋ nɔ̀ŋ anyunùim nyàŋ yèè ka nyiŋ nɔ̀ŋ e tɛɛ. Mìŋ do nàŋ nɔŋ wo Dayà nyiŋ nɔɔ̀ŋ, yèè àŋ do nàŋ nɔ̀ŋ anyunùim nyàŋ.”

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

3Jɔ̀ɔŋ 1:8

Wèètii, yaà wi nààŋ nyuùŋ hààwe nyàŋ, sɔɔ̀ eiŋ kpùùmàŋ anyùùŋ nyɛɛ̀ŋ, wèè eiŋ nɔ̀ŋ anyuùŋ tòmo dàwi nyiŋ wèè e tɔ̀ɔ̀nyaàaŋ.