1 Kɔliìŋ 3:8 - WƆŊ FƐ̀Ì EBÒ SÌÀŊ DAYÀA

⁸ Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

1 Kɔliìŋ 3:8 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Luù 19:19

Wo kanaà naŋ wòò wo yè wɛɛ̀ wààŋ, ‘Mùŋ do nàŋ nɔ̀ŋ wo sìèfèìŋ maŋ jàwà gbèègbèè nɔɔnɔŋ.’

Luùm 2:6

Wo Dayà do wi nàŋ kìɛ̀ŋ e jìwààjɛ̀wɛ̀ e yèɛ naŋ wi tɛɛwɛ̀ wèè e tòmoɛ̀ yàwi nyɛɛ̀ŋ bà gbiŋ è naiŋ nyɛ̀nɛ̀ŋ lɛ.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

1 Kɔliìŋ 3:14

Sèè e nɛ̀ɛŋ àŋ naŋ nyìlìè ko tɔ̀ɔ̀tù ke saaàŋ lɛ è folo e hmɔ̀ɔ̀ɛŋ dìì, wo nyuùŋ nyɛ̀lɛɔ̀ do nàŋ yɛ̀mɛ̀ e pààwa.

1 Kɔliìŋ 3:7

Wo nyùnɔ̀ɔŋ nyuɔŋ wɔ̀ yaà wo nyùnɔ̀ɔŋ gɔàà maŋ màì wɔ, nààŋ fè nɛ̀ɛŋ, sɔɔ̀ wo Dayà esaɓù kɛ̀ wuŋ nàŋ nyɛnɛŋ ke kùù kòmàaŋ ke wùìyà.

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

1 Kɔliìŋ 4:15

Sèè weè pɛɛ naŋ kùwìè anyuùŋ yɛ̀mɛ̀ e kiiŋ dììo sùà e sɔ̀ngɔ̀ tààsùùŋ zììyà maŋ nyììŋ gè anyuùŋ hààwe nyàŋ sùà, nìŋ kuwa nɔ̀ŋ wo dèda guùŋ. Maŋ nyiiŋ gèeiŋ màŋ e nɔ̀iŋ aŋ bàiŋbà Jisɛ̀ Kulaì sùà, mìŋ naŋ nɔ̀ŋ wo dèdaiŋ esaɓù kɛ̀ miàŋ naŋ hìɛ̀ŋ ke mìè gbìàŋ Ebò Siaàŋ ko nɛ̀ɛ̀ŋ niìŋ.

1 Kɔliìŋ 9:7

Ɓòò nàŋ tomàŋ mààŋ wo kààlò ɗùà e yìwìà e nɛ̀ŋ mààŋ wuŋ bi lɛ̀ sùà? Ɓòò nàŋ tomàŋ wɔŋ ɓù maŋ nɛ̀ŋje wo fè jè màŋ nɛ̀ŋjèò ɓù bi bà? Ɓòò nàŋ kɛɛnɛ̀ŋ ke gbòò aŋ dìi wo fè nyiŋ gè màŋ yaà màì nyiŋ màŋ bà?

Gàla 6:4

Nyɛ̀iŋ nyɛɛ̀ŋ bà gbiŋ tuàŋ e tòmò muàŋ biɛ̀ maŋ nɔnɔŋ tɛ̀ɛ̀ kaiŋ. Sèè e tòmo bi naŋ nɔ̀ŋ tɛ̀ɛ̀, kɛ̀ màŋ ɓɛ̀nɛ̀ŋ kɛ̀ɛ̀ maŋ yòngà nyààìŋ dè e tòmoɛ̀ mùŋ naŋ nyɛ̀nɛ̀ŋ lɛ, kɛɛ muŋ naàŋ niìŋ ɓɛ̀nɛ̀ŋ gbɛ̀ɛ̀nɛ̀ŋ è tòmò nyùùŋ joo bà gbiŋ.

Gàla 6:5

Nyɛ̀iŋ nyɛɛ̀ŋ bà gbiŋ, kuwa wèè wo kɔ̀à wɔŋ nɛ̀ŋfòò wuŋ biɔ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 5:4

Kpeiŋ sèè wo kànà anyuùŋ yɛ̀mɛ̀ aŋ ɓaawaa diɛɔ̀ŋ tèènè mààŋ wò Jisɛ̀ Kulaì wò hnàŋ, nìŋ do nàŋ yɛ̀mɛ̀ ke ɓɔ̀ɗì e jòòwo ke yèɛ e zɛ̀nɛŋ nyiŋ nɛ̀ fè go lɛ̀.

2Jɔ̀ɔŋ 1:8

Yɛ̀mɛìŋ nyɛ̀ìŋ bi diɛŋ, wèè niŋ go nàŋ gbɛ̀nɛ̀ŋ è yèɛ è naìŋ wa tomo wèè niŋ lɛ̀, yèè nìŋ do nàŋ yɛ̀mɛ̀ e jìwààjɛ̀wɛ̀ niŋ nɛ̀ e dìa niŋ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 22:12

Wo Jisɛ̀ naŋ woò wààŋ, “Kùmiàŋ nìim! Mìŋ yaà hinie e teenga kpuu! Mìŋ do nàŋ hìɛ̀ŋ e jìwààjɛ̀wɛ̀ mɛ̀ wèè ka niŋ kìɛ̀ŋ wo nyùùŋ gbiŋ e nyaàiŋ dèe nɛ̀ɛŋ wò naŋ nyɛ̀nɛ̀ŋ lɛ.