1 Kɔliìŋ 3:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ sèè e tòmo mɔ̀ɛ̀ e hèwà, kɛ̀ maŋ niŋ gbɛ̀nɛ̀ŋ, kɛɛ muàŋ bi wo Dayà doum nàŋ joeyè, mààŋ koɓɛ̀i mùŋ folo e hmɔ̀ɔ̀ŋ sùà le.

1 Kɔliìŋ 3:15 ပူးပေါင်းရင်းမြစ်များ

Nyɛ̀nɛ̀ŋ 27:21

Maŋ ɗɔɔ bà naŋ mààŋ e yèɛ anyùùŋ nyɛɛ̀ŋ bà gbiŋ gò ɓɛ̀nɛ̀ŋ è nɛ̀ŋje jèe, yèè wo Pɔɔ̀ naŋ sie yèè wò naŋ wòò aŋ felaa nyàŋ wààŋ, “Sèè naim dài weè kumiàŋ yèè eiŋ dài jèè ke tiɛ̀ɛŋ sùà ko Kiliì, nìŋ he weè naŋ yɛ̀mɛ̀ manɛ̀ŋ mɛɛ̀ŋ diɛŋ yèè maŋ naàŋ weè pɔɔpɔ̀ɔ̀.

Nyɛ̀nɛ̀ŋ 27:44

Wò naŋ wòò anyuùŋ gbànaŋ nyàŋ wààŋ aŋ kamè maŋ kuùfàà wɔŋ meeèɔ sùà aŋ kùwà kpaŋ kpaŋ. Eɓìèmàŋjɛ̀wɛ̀ tii aŋ gbiŋ naŋ wa jòwò ko tiwiì bòìbòì.

1Pììlɛ 4:18

Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”

2Jɔ̀ɔŋ 1:8

Yɛ̀mɛìŋ nyɛ̀ìŋ bi diɛŋ, wèè niŋ go nàŋ gbɛ̀nɛ̀ŋ è yèɛ è naìŋ wa tomo wèè niŋ lɛ̀, yèè nìŋ do nàŋ yɛ̀mɛ̀ e jìwààjɛ̀wɛ̀ niŋ nɛ̀ e dìa niŋ.

Juù 1:23

Jòèyeìŋ nyùùŋ gbiŋ wo yèɔ manaŋ wo jòèyà wɔ màànààŋ nìŋ henàŋ zòkpò wo nyùùŋ bà e yìwìà e hmɔ̀ɔ̀ŋ sùà lɛ. E jùù kpùlìà ke nyowo nɔ̀ŋ jiiiŋ màŋ diɛŋ wèè wo nyùnɔ̀ɔŋ manaŋ ke nyowo wɔ̀. Kɛɛ wùaìŋ anyùùŋ nyaŋ naŋ kùwò ninaŋ esàɓù maŋ kpèè kùwà ninaŋ nyiŋ màŋ sùà nyaŋ, e pɛɛ nɔ̀ŋ maŋ dèè kɔɔ nyiŋ màŋ.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.