1 Kɔliìŋ 3:12 - WƆŊ FƐ̀Ì EBÒ SÌÀŊ DAYÀA

¹² Anyuùŋ nyɛ̀lɛ nyàŋ bà nyiŋ do nàŋ tòòmò e gòoò ɔ̀ɔ̀ e kaiŋfua ɔ̀ɔ̀ le duò kùwìè ɓaà ko tɔ̀ɔ̀tù e nyɛ̀lɛɛ̀, aŋ bà nyiŋ do nàŋ tòòmò e kùù ɔ̀ɔ̀ maŋ dɛɛ ɔ̀ɔ̀ maŋ saŋ.

1 Kɔliìŋ 3:12 ပူးပေါင်းရင်းမြစ်များ

Nyɛ̀nɛ̀ŋ 20:30

Anyùùŋ nyɛ̀iŋ bi nyàŋ bà do nàŋ hnè aŋ wòò e tòa wèè kàìsa aŋ gè anyùùŋ màŋjɛ̀wɛ̀ Kanaà maŋ jiio sùà wèè aŋ kìlà wɔŋ faà nyiŋ nɔɔ̀ŋ.

Luùm 16:17

Mìŋ yààìŋ dàwè sùà, nyɛ̀iŋ nààŋ wùìyaim nyàŋ kɛ̀, jàaìŋ fɛ̀ɛ̀ dìì wèè anyùùŋ nyaŋ nyɛnɛŋ anyùùŋ aŋ gòònò e tɛɛ, yèè aŋ sùmìàŋ aŋ dàwi wèè e hààweɛ̀ nìŋ naŋ jàà kùàŋ dìì lɛ. Ɓɔ̀ nìŋ ka nyiŋ è tɛɛ!

1 Kɔliìŋ 3:11

Wo Dayà kpɛ̀ɛ̀yɛ̀ jàà wo Jisɛ̀ Kulaì wuŋ guùŋ wèè wo nɔ̀ŋ ko tɔ̀ɔ̀tù nyɛ̀lɛɛ̀, ko tɔɔtu joo fè ɓɛìŋ ɓɛ̀nɛ̀ŋ nɔ̀ɔŋ.

1 Kɔliìŋ 3:13

Yèè àŋ do nàŋ tùɔ̀ŋ e tòmò nyùùŋ gbiŋ maŋ nɔnɔŋ e teengaà ke Ɗɔ̀ɔ̀ Jisɛ̀ Kulaìɛ do niŋ nàŋ tɔɔ̀ lɛ. Ke ɗɔɔ yii e hmɔ̀ɔ̀ŋ nàŋ do nàŋ gɔ̀ì e tòmò nyùùŋ gbiŋ sùà, e hmɔ̀ɔ̀ɛŋ do nàŋ wɔ̀ɔ̀ e tòmò nyùùŋ gbiŋ yèè e tɔ̀ɔ̀ e nɔ̀ŋ kii kɛnɛ niŋ nɛ̀.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

2Time 2:20

Ke saaŋ gbee dìì kuŋ maŋ nɛ̀ŋfoo yèè maŋ jàgbà gɛ̀wɛɛ̀ màŋ nɔ̀ŋ. Àŋ naŋ bàànè maŋ bà miŋ e kaiŋ fua yèè e gòoò, aŋ bàànè maŋ bà miŋ maŋ kuù gɛ̀i yèè e ɓoo, maŋ bà miŋ màŋ yaà wèè maŋ keì titi, yèè maŋ gbànaŋ mɛɛ̀ŋ màŋ yaà wèè maŋ saɓù joo.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

2Time 3:7

Aŋ jɔ̀ùŋ nyaŋ kamàŋ ɗewe wèè aŋ gbeè kɛɛ aŋ fè ɓɛ̀nɛ̀ŋ hnàaŋ wèè aŋ nyìmàŋ è tɔ̀ɔ̀nyaàaŋ.

2Time 4:3

E teenga do nàŋ hnè, anyùùŋ naàŋ mɔ̀nɔ̀ŋ àŋ do kùmìàŋ è kàà tɔ̀ɔ̀nyaàŋ, kɛɛ àŋ do nàŋ dè e ɗèwè nyiŋ biɛ̀ maŋjɛ̀wɛ, àŋ do nàŋ kàmè aŋ kààmɔɔŋ wèè aŋ nyiŋ wòò e yèɛ do nyiŋ kai nàŋ fɔ̀ɔ̀yɛ̀ jii lɛ̀.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

1Pììlɛ 1:7

Esaɓù miŋ nɛ̀ nàŋ yaà wèè e tɔɔ̀ kɛ̀ e hààweiŋ nɛ̀ è yaà e hààwe kɛnɛ. E gòoòɛ pɛɛ, e yèɛ è pɔ̀ɔ lɛ, àŋ tùɔ̀ŋ niìŋ maŋ nɔnɔŋ ko hmɔ̀ɔ̀ŋ. Weètii e hààweiŋ nɛ̀, e yèɛ kuwa e zùlù zimgbe e nìàŋ e gòoò lɛ, tiŋ pɛɛ sɔɔ̀ aŋ niŋ tùàŋ màŋ nɔnɔŋ wèè e hààwe bi kà feìŋ. Kpeiŋ kɛ̀ nàŋ yɛ̀mɛ̀ e tɛ̀nɛŋ yèè e dɛ̀ɛ̀kɛ yaà e jòòwo ke ɗɔɔɛ̀ wo Jisɛ̀ Kulaì hnàŋ wa nàwèè lɛ.

Maŋ kèì nyɛɛnɛŋ 2:14

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Nyɛ̀iŋ nààŋ bà nyiŋ naŋ dè e kàà Bàlaàŋ maŋjɛ̀wɛ, wo yèɔ naŋ kàà wo Balà, wo yèɔ naŋ dè wɔŋ duò tàà anyùùŋ Ezɔ̀ɛ̀ nyaŋ feìŋ, wo nyiŋ nyɛ̀nɛ̀ŋ aŋ nyɛ̀nɛ̀ŋ maŋ kèì jùumù, nààŋ wò naŋ nyiŋ nyɛ̀nɛ̀ŋ àŋ naŋ jè manɛ̀ŋ je saaà maŋ àŋ naŋ wa gììyè saaà koɓɛ̀ aŋ dayà joo, yèè àŋ naŋ gbèè e ɗèwè maŋ yɛɛ̀ naanààŋ nyɛ̀nɛŋ.

Maŋ kèì nyɛɛnɛŋ 21:18

Àŋ naŋ wa nyìlìè wɔŋ gɔ̀ɔ̀ŋ jawa gbeeɛ̀ e dàamàŋ, manɛ̀ŋ nyìlia maŋ gbiŋ wèè ko jawaì yaà wa e gòoò, màŋ zɛnɛŋ wa mààŋ wɔŋ mɛ̀ɛ̀mɛ̀ɛ̀ŋ.

Maŋ kèì nyɛɛnɛŋ 3:18

Tɔ̀ miŋ woòum naàŋ, denàim e gòoò sìwè, e gòoò kɛnɛ, wèè e nyɛ̀nɛ̀um muŋ banè. Denàŋ ɓɛìŋ maŋ deè fùà wèè muŋ kpàà muàŋ bi e kìlà muŋ ɓùwà ke kpànjà sàngè mɔɛ̀ŋ. Denàŋ ɓɛìŋ e bù wèè muŋ kpalèè le fɛɛ̀ mɔ̀ɛ̀, wèè muŋ yɛmɛ̀ dìì tɛ̀ɛ̀.