1 Kɔliìŋ 3:11 - WƆŊ FƐ̀Ì EBÒ SÌÀŊ DAYÀA

¹¹ Wo Dayà kpɛ̀ɛ̀yɛ̀ jàà wo Jisɛ̀ Kulaì wuŋ guùŋ wèè wo nɔ̀ŋ ko tɔ̀ɔ̀tù nyɛ̀lɛɛ̀, ko tɔɔtu joo fè ɓɛìŋ ɓɛ̀nɛ̀ŋ nɔ̀ɔŋ.

1 Kɔliìŋ 3:11 ပူးပေါင်းရင်းမြစ်များ

Maafiù 16:18

Tɔ̀ miŋ woòum Piilɛ̀, muàŋ naŋ yaà wo Piilɛ̀, ke dùòɛ, yèè ke dùò yɛɛ̀ diɛŋ mìŋ do nàŋ nyɛ̀lɛ̀ ke sààŋ zòòlò ke gbòò anyuùŋ hààwe nyàŋ, e kìlà e ɗùùnyàŋ anyuùŋ fàa nyàŋ e naàŋ kɛ̀ɛ̀nɛ̀ŋ è gààŋ kò diɛŋ nyiŋ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

1 Kɔliìŋ 3:12

Anyuùŋ nyɛ̀lɛ nyàŋ bà nyiŋ do nàŋ tòòmò e gòoò ɔ̀ɔ̀ e kaiŋfua ɔ̀ɔ̀ le duò kùwìè ɓaà ko tɔ̀ɔ̀tù e nyɛ̀lɛɛ̀, aŋ bà nyiŋ do nàŋ tòòmò e kùù ɔ̀ɔ̀ maŋ dɛɛ ɔ̀ɔ̀ maŋ saŋ.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.