1 Kɔliìŋ 2:7 - WƆŊ FƐ̀Ì EBÒ SÌÀŊ DAYÀA

⁷ E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1 Kɔliìŋ 2:7 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Maafiù 13:35

Wo Jisɛ̀ naŋ wa tɛɛ̀ nyɛ̀nɛ̀ŋ wèè e nyɛ̀nɛ̀ŋ e yèɛ wo Dayà naŋ wa woò lɛ e hɛɛnɛ̀ŋ, màànààŋ nɔŋ wo wɛ̀ijìɔ naŋ wa woò lɛ wààŋ, “Mìŋ do nàŋ gbòò ko nɛ̀ɛ̀ŋ nyiŋ niìŋ maŋ kàɓanè sùà. Mìŋ do nyiŋ nàŋ kpìnìè maŋ kèì ko nyɛɛnɛŋ e yìwìà e teengaà e ɗuunyaàŋ naŋ wa nɔ̀ŋ bàne niŋ nɛ̀.”

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

Luùm 8:30

Anyùùŋ nyaŋ wo Dayà naŋ jàà e ɓula nyàŋ, nyiŋ wò naŋ nyààŋ. Anyùùŋ nyaŋ wò naŋ nyààŋ nyaŋ, nyiŋ wò naŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ, yèè wò naŋ nyiŋ nyɛ̀nɛ̀ŋ wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà.

1 Kɔliìŋ 2:1

Nyɛ̀iŋ nààŋ wùìyaim nyàŋ, e teengaà mìŋ naŋ hnè ko nɛ̀ɛ̀ŋ nyiìŋ wèè ka wòò ke mìè gbìàŋ gbùnù tɔ̀ɔ̀nyàŋ Dayàa lɛ̀, miŋ gò tòòmò màŋ miè gbeegbèè ɔ̀ɔ̀ è nɛ̀ŋ nyìmaŋ zimgbe.

Ɛfesɔ̀ 1:4

Wèè paŋ wo Dayà wa bànè e ɗuunyaŋ lɛɛ̀, wò wi wa kpɛ̀ɛ̀yɛ̀ tàeɗùù gɔu wèè eiŋ nɔ̀ŋ anyunùuŋ esàɓù e nɔ̀ŋ wilɛ̀ ke gbòò anyuùŋ hààwè Jisɛ̀ Kulaì nyaŋ sùà, wèè kɛ̀ eiŋ nɔ̀ŋ anyùùŋ nɛɛmaŋ gò kùwìè è tɔ̀mɛ kò fɛɛ̀ fenìuŋ. Esàɓù e mànauŋ nɛ̀ sùà,

Ɛfesɔ̀ 3:10

Wo Dayà do nàŋ tòòmò ke gbòò anyuùŋ hààwe nyàŋ, wèè wo tɔ̀ɔ̀ anyùùŋ gbèègbèè fuɔŋ nyàŋ, yèè anyùùŋ gààŋ nyaŋ ko àìjɛnɛ̀ɛŋ aŋ nyìmàŋ e kèè maŋ jiikɛ̀ɛ gɛ̀wɛɛ̀ maŋ gbiŋ wò kuwa màŋ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

Hiɓu 1:2

kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.