1 Kɔliìŋ 2:14 - WƆŊ FƐ̀Ì EBÒ SÌÀŊ DAYÀA

¹⁴ Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

1 Kɔliìŋ 2:14 ပူးပေါင်းရင်းမြစ်များ

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Jɔ̀ɔŋ 10:20

Aŋ Juùù nyaŋ zimgbe nyiŋ naŋ wa woò nyààŋ, “Wo jinàŋ naanààŋ yàaùŋ maŋjɛ̀wɛ! Wò naŋ sààŋ ke gbòà! Wèè kiìŋ nìŋ kumìàŋ e nɛ̀ɛŋ wò yaà woo lɛ̀?”

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 14:17

Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 15:26

“Kpeiŋ mìŋ doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ yewe koɓɛ̀ wo Dèdaà wɔ yèè wò doiŋ nàŋ wòò e tɔ̀ɔ̀nyaàaŋ. Yèè wò doiŋ nàŋ kpuumò woiŋ wòò e tɔ̀ɔ̀nyaàaŋ e nyaàiŋ eim dè.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Nyɛ̀nɛ̀ŋ 18:15

Kɛɛ sèè è nɔ̀ŋ e kèì maŋhɛɛ ge e nyaàiŋ dè e nɛ̀ɛŋ wo nyùùŋ bà naŋ woò lɛ yèè maŋ dèè anyùùŋ bà, yèè e làngì maŋ sàwàiŋ màŋ, kɛ̀ nyɛ̀iŋ bi bàneìŋ niŋ sùà. Miŋ naàŋ nɔ̀ŋ wò nyuùŋ gbài wèè màŋ keì mààŋ mɛɛ̀ŋ.”

Nyɛ̀nɛ̀ŋ 25:19

E yèɛ gbiŋ nɔŋ àŋ kuwa dài aŋ woò lɛ nàŋ yaà e keì kpàànè kpaane e nyaàiŋ dè maŋ langi nyiŋ màŋ bà yèè e kèè wo felaa bà naŋ wa fɔ̀ àŋ nyaaŋ wo Jisɛ̀. Wo Pɔɔ̀ naŋ woò wààŋ wo Jisɛ̀ bi naŋ yèwè e fàaà dìì yèè kòò wò yaà wɔŋ nyiiŋ gèeɔ̀ sùà.

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 1:25

E nɛ̀ɛŋ yaà mààŋ e ɓààɓàà Dayà lɛ̀, è kɛ̀ɛ̀jii è nìàŋ e jììkɛ̀ɛ̀ nyuùŋkpùuŋ, yèè e nɛ̀ɛŋ yàà mààŋ e zɔ̀kpɔ̀ Dayà lɛ, è nyìngà sùà è nìàŋ e gààŋ nyuùŋkpùuŋ.

1 Kɔliìŋ 15:44

Àŋ nɔ̀ŋ yɛ̀ɛ̀mɛ̀ ke kpùnaàŋ aŋ nyiŋ sìà, sèè wo Dayà gè nyiìŋ naàŋ e fàa dìì, wo Jìnàŋ Dayàa nàŋ nɔ̀ŋ naàŋ ke kpùnaŋ yii sùà. Ke kpùnàŋ ke fòolà kè yaà wèètii, ke kpùnaŋ e kɔ̀ɔ̀ Jinàaŋ sùà kuwa wèè ke nɔ̀ŋ.

1 Kɔliìŋ 15:46

Wo nyuùŋkpùuŋ jiɛ̀ nàŋ hnàŋ, yèèngàà wo nyuùŋ kpùnɔɔ̀ŋ wo Jinàaŋ yaà sùà wɔ wò hnàŋ.

1 Kɔliìŋ 2:12

Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

1 Kɔliìŋ 3:1

Tɔɔɓaa tiŋ, nyɛ̀iŋ nààŋ wùìyaim nyàŋ, miŋ fèiŋ wa ɓɛ̀nɛ̀ŋ gbòà kɔɔ mààŋ anyuùŋ kùwìè Jìnàŋ Dayàa, mìŋ kuwa wa nɔ̀ŋ wèè kaiŋ gbòà kɔɔ mààŋ anyùùŋ nyaŋ yaà maŋ kpèè ɗuunyaŋ màŋ maŋjɛ̀wɛ nyàŋ, mààŋ aŋ jɔaa wo Jisɛ̀ Kulaì sìwè.

Jìiiŋ 3:15

E jiikɛ̀ɛ mààŋ tɛɛ̀ e fè è yèɛ yewe wò Dayà sìwè lɛ, e jè ke fòolàa e ɗuunyaŋ lɛɛ̀ tii, wo Jìnàŋ Dayàa fè niìŋ sùà e jè Sɛ̀tanàaŋ wuŋ bi tii.

1Jɔ̀ɔŋ 2:20

Kɛɛ wèè nyɛ̀iŋ wo Jisɛ̀ Kulaì naiŋ sìè wo Jìnàŋ Nɛɛmaàŋ sùà, yèè nyɛ̀iŋ gbiŋ nàŋ nyìmàŋ e tɔ̀ɔ̀nyaàaŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Juù 1:19

Ànyùùŋ nyɛɛ̀ŋ nàŋ hiàŋ e fèemàŋ gòòno, aŋ yè nyaŋ gongà kɛ̀ e kèì wɔŋ nyiiŋ wɛɛ̀ŋ nɔŋ ke fòolà yɛɛ̀ nàŋ kùwà nyiìŋ e gààŋ diɛŋ, yèè aŋ kuwà wò Jìnàŋ Dayàa màŋ jii nyiŋ màŋ sùà.