1 Kɔliìŋ 2:12 - WƆŊ FƐ̀Ì EBÒ SÌÀŊ DAYÀA

¹² Kòò è kùwìèìŋ wò jinàŋ wèè è ɗuunyaŋ lɛɛ̀, kɛɛ è kùwàìŋ wo Jìnàŋ Dayàa wò naŋ tùɔ̀ŋ wɔ, wèè eiŋ nyìmàŋ maŋ kìɛŋ màŋ gbiŋ wo Dayà naŋ wi kiɛ̀ŋ maŋ.

1 Kɔliìŋ 2:12 ပူးပေါင်းရင်းမြစ်များ

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

1 Kɔliìŋ 1:27

E nɛ̀ɛŋ e ɗuunyaàŋ naŋ nyààŋ e ɓàaɓàa lɛ̀, tiŋ wo Dayà naŋ tàeɗùù titi wèè esaɓù, tiŋ nàŋ yaà wèè wo sìà anyuùŋ kɛ̀ɛ̀jii nyàŋ e sàngè, yèè wò naŋ ɓèmè e nɛ̀ɛŋ e ɗuunyaàŋ nyaaŋ e zɔ̀kpɔ̀ lɛ wèè wo sìà anyùùŋ gààŋ nyaŋ e sàngè.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

1 Kɔliìŋ 3:22

E wèètii, ɓɔ̀ nìŋ kɛ̀ɛ̀ màŋ nyòùngà wèè Pɔɔ̀, ɔ̀ɔ̀ Àpolò, ɔ̀ɔ̀ Sifɔ̀, nyìmaìŋ kɛ̀ e ɗuunyaŋ lɛɛ̀, wɔŋ nyiiŋ, e fàa, e jàmaìŋ lɛɛ̀, yèè ko dòmàŋ fenìiŋ, manɛ̀ŋ mɛɛ̀ŋ gbiŋ màŋ yaà weèiŋ,

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”

1Jɔ̀ɔŋ 2:20

Kɛɛ wèè nyɛ̀iŋ wo Jisɛ̀ Kulaì naiŋ sìè wo Jìnàŋ Nɛɛmaàŋ sùà, yèè nyɛ̀iŋ gbiŋ nàŋ nyìmàŋ e tɔ̀ɔ̀nyaàaŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 22:6

Wo màikàa naim ɓɛìŋ woò wààŋ, “Maŋ miè gbòaim mɛɛ̀ŋ màŋ yaà tɔ̀ɔ̀nyaàŋ yèè mùŋ kuwa maŋ miŋ hààwè. Wo Kanaà Dayà, wo yèɔ kiɛ̀ŋ wo Jinàuŋ nɔɔ̀ŋ koɓɛ̀ aŋ wɛ̀ijì nyaŋ wɔ̀, naŋ tùɔ̀ŋ wo màikàuŋ nɔɔ̀ŋ wèè wo tɔɔ̀ aŋ ɓɔìjɔ̀àuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà.”