1 Kɔliìŋ 2:10 - WƆŊ FƐ̀Ì EBÒ SÌÀŊ DAYÀA

¹⁰ Kɛɛ wo Dayà naŋ nyɛ̀nɛ̀ŋ è naiŋ nyìmè ke gbùnùuŋ nɛɛ̀ŋ esàɓù wo Jinàuŋ nɔɔ̀ŋ sùà. Wo Jinàaŋ fɛlɛfɛ̀lɛ̀ e nɛ̀ɛŋ gbiŋ, e kpùlìà e yèɛ gbiŋ yaà Dayà jiio sùà lɛ.

1 Kɔliìŋ 2:10 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Luù 10:21

E teenga lii sùà, e zɔlɔ̀ naŋ wa dìè Jisɛ̀ e yìwìà wo Jìnàŋ Nɛɛmaàŋ sùà. Kpeiŋ wò naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ. Hɛ̀ɛɛ̀ŋ Dèda, tɛɛ̀ naum wa fɔ̀ɔ̀yɛ̀ ke jii.”

Luù 2:26

wo Dayà nauŋ wa woò e yìwìà wo Jìnàŋ Nɛɛmaàŋ sùà wààŋ kɛ̀, wo naàŋ fɔ̀ e jèèsùà wo yɛ̀mɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

1 Kɔliìŋ 14:30

Kɛɛ sèè wo nyùuŋ bà nɔ̀ŋ e dèèneɛ̀ sùà wo kòmàŋ ke miè gbìàŋ e yìwìà Dayà sìwè, kɛ̀ wo nyùnɔ̀ɔŋ yaà gbuuye wɔ̀ wo huànè gbòa, wo dangè wo nyuùŋ kùwìè ke miè gbìaàŋ gbòà.

1 Kɔliìŋ 2:11

Wo jìnàŋ yàwi biɔ̀ nɔŋ yaà wì sùà wɔ, wuŋ nɔŋ naŋ nyìmè e kii wi, yɛi nɔŋ è yaà wèè Dayà, wo Jinàuŋ nɔɔ̀ŋ nɔŋ naŋ nyìmè e kiiuŋ.

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

Ɛfesɔ̀ 3:5

Wo nyùùŋ gbiŋ nyimààŋ wa kè gbùnu yɛɛ̀, e jèèsùà wo Jìnàŋ Nɛɛmaàŋ naŋ ɓàà ke gbùnu bi koɓɛ̀ aŋ keela tàeɗùù nɛɛmauŋ nyàŋ yaà aŋ wɛ̀ijìuŋ nyàŋ.

1Time 4:1

Wo Jìnàŋ Nɛɛmaàŋ naŋ woò janjai wààŋ anyuùŋ nyaŋ bà nyiŋ do naŋ fè e hààweɛ̀ jɛwɛ teenga kpuu sùà, àŋ do naŋ jɔ̀ɔ̀lɔ̀ aŋ jinàŋ tòa dìì, e kìlà aŋ dè e kàà aŋ jinàŋ naanààŋ maŋjɛ̀wɛ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Jɔ̀ɔŋ 2:20

Kɛɛ wèè nyɛ̀iŋ wo Jisɛ̀ Kulaì naiŋ sìè wo Jìnàŋ Nɛɛmaàŋ sùà, yèè nyɛ̀iŋ gbiŋ nàŋ nyìmàŋ e tɔ̀ɔ̀nyaàaŋ.

1Jɔ̀ɔŋ 2:27

Kɛɛ nyɛ̀iŋ nyɛɛ̀ŋ, wo Jisɛ̀ naiŋ wa gbìɛ̀ŋ wo Jinàuŋ nɔɔ̀ŋ maŋ jiio sùà. Yèè e teengaà wo Jinààŋ yààìŋ maŋ jiio sùà lɛ, niŋ naàŋ ɓɛìŋ mɔ̀nɔ̀ŋ wèè wò nyùùŋ ba doiŋ kaà. Efèfoo wo Jinàaŋ wòiŋ kàà e nɛ̀ɛŋ gbiŋ, yèè e yèɛ gbiŋ wò naìŋ kaà lɛ, è yaà tɔɔɓaaà, e fè tòa. Jɔ̀ɔ̀lɔìŋ e kàà wo Jinàaŋ dìì, yèè niŋ jeeè aŋ bàiŋbà nɔ̀ɔŋ wo Jisɛ̀ Kulaìɛ sùà.

Maŋ kèì nyɛɛnɛŋ 1:1

Wɔŋ fɛi wɛɛ̀ŋ nàŋ yaà maŋ keì maŋ yaà wa ko nyɛɛnɛŋ maŋ yè maŋ wo Jisɛ̀ Kulaì naŋ wa gɔ̀àì sùà maŋ. Wo Dayà nauŋ wa tɔ̀ɔ̀ maŋ kèì ko nyɛɛnɛŋ mɛɛ̀ŋ wèè wo woò anyuùŋ hààweuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà. Kpeiŋ wo Jisɛ̀ Kulaì naŋ kìɛ̀ŋ ke miè gbìaàŋ koɓɛ̀ wo màikàuŋ nɔɔ̀ŋ wèè wo koà nyiŋ koɓɛ̀ wo ɓɔìjɔ̀àuŋ nɔɔ̀ŋ Jɔ̀ɔŋ.

Maŋ kèì nyɛɛnɛŋ 2:24

“Kɛɛ nyɛ̀iŋ nààŋ gbànaŋ nyàŋ ko Tàyatilà kòò nìŋ dè è kàa naanààŋ lɛɛ̀ màŋjɛ̀wɛ. Kòò nìŋ gbèè è nɛ̀ɛŋ ànyuùŋ gbànaŋ nyàŋ nyaaŋ nyààŋ, ‘ke gbùnù zutùùɛŋ wèè wo Sɛ̀tanàŋ.’ Tɔ̀ miŋ woòiŋ kɛ̀ miŋ naàiŋ gbùwò wɔ̀ŋ nɛ̀ŋfoo mùnga bà gbiŋ ɗi.