1 Kɔliìŋ 16:9 - WƆŊ FƐ̀Ì EBÒ SÌÀŊ DAYÀA

⁹ Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

1 Kɔliìŋ 16:9 ပူးပေါင်းရင်းမြစ်များ

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

2 Kɔliìŋ 1:6

Sèè è mɔɔnɛ̀ìŋ, è yaà wèè e kpùùmaiŋ nɛ̀, yèè e jòèyeiŋ nɛ̀, sèè eiŋ yɛmɛ̀ìŋ e kpùùmaŋ, kɛ̀ nyɛ̀iŋ pɛɛ nàŋ yɛ̀mɛ̀ kpùùmaŋ, yèè e gààŋ wèè naŋ kɔ̀ɛ̀ maŋ kèì nyìngà guùŋ maŋ ke jii nyingè diɛŋ màànààŋ è naŋ miŋ kɔ̀ dìì yàwi pɛɛ lɛ̀.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

Fèle 3:18

Kàiŋ tɛɛ̀ woò e teenga zimgbe, yèè mìŋ yààìŋ niìŋ ɓɛìŋ woo e sɔ̀ngɔ̀ kà weè ɓɛ̀nɛ̀ŋ gòla. Anyuùŋ zimgbe kòò àŋ yaào aŋ yè nyaŋ esàɓù maŋ keì nyɛ̀nɛŋ nyiŋ màŋ maŋ nyiiŋ gèe nyiŋ màŋ sùà, nyɛnɛŋ aŋ kìlà aŋ joo nyiŋ e nyaàiŋ dè e fà Jisɛ̀ Kulaì lɛ wɔŋ vànèkpaa diɛŋ lɛ̀.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.