1 Kɔliìŋ 16:22 - WƆŊ FƐ̀Ì EBÒ SÌÀŊ DAYÀA

²² Wo nyùnɔ̀ɔŋ gbiŋ gò mànàŋ Kanaà wɔ, e gbòòno yaàùŋ maŋjɛ̀wɛ. Kana wiɔ̀ Jisɛ̀, hnaàŋ!

1 Kɔliìŋ 16:22 ပူးပေါင်းရင်းမြစ်များ

Maafiù 10:37

“Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im.

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 14:21

“Wo nyùnɔ̀ɔŋ yèɔ gbiŋ mànàìm wɔ, wò do nàŋ nyɛ̀nɛ̀ŋ e yèɛ mìŋ nauŋ woò wèè wo nyɛ̀nɛ̀ŋ lɛ. Yèè wo Dèda miɔ̀ŋ douŋ nàŋ mɔ̀nɔ̀ŋ. Mìŋ do nàŋ mɔ̀nɔ̀ŋ wo nyùùŋ wii miàŋ pɛɛ, yèè mìŋ do nàŋ hnè koɓɛ̀ wo nyùùŋ wii màànààŋ nɔŋ mìŋ yaà lɛ.”

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 16:14

Wo Jinàŋ Dayàa doim nàŋ dɛɛkɛ̀ nààŋ wò doiŋ nàŋ wòò ke miè gbìaŋ miɛ̀ŋ lɛ.

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

Nyɛ̀nɛ̀ŋ 23:14

Aŋ bà nyiŋ naŋ kɔ̀ koɓɛ̀ aŋ kànà sìèfèìŋ zòòlo gbee nyàŋ yaà aŋ màmànkùmɛ̀ŋ fuɔŋ nyàŋ yèè àŋ naŋ nyiŋ woò nyààŋ, “Èiŋ jɔ̀àà ɗààhiì koɓɛ̀ Dayài kɛ̀ e naàiŋ jè è nɛ̀ŋje gbiŋ e jèèsùà eiŋ jìwà wo Pɔɔ̀.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

1 Kɔliìŋ 12:3

Wèètii, mìŋ manaŋ wèè naŋ nyìmàŋ kɛ̀ wo nyùnɔ̀ɔŋ gbiŋ wo Jìnàŋ Dayàa yaà maŋjɛ̀wɛ wɔ̀ wo fè woò wààŋ, “E gbòòno yaà wo Jisɛ̀ Kulaì màŋjɛ̀wɛ!” Wo nyùùŋ gbiŋ fè ɓɛ̀nɛ̀ŋ wòo wààŋ, “Jisɛ̀ Kulaì yaà Kana,” è yèɛ wo Jìnàŋ Dayàa fèeùŋ màŋjɛ̀wɛ lɛ̀.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 6:24

Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Fèle 4:5

Tɔ̀ɔ̀ ke kpèè ɓɛ̀ɛ̀jàa koɓɛ̀ anyùùŋ nyaŋ e teenga gbiŋ. Wo Kanaà kòò wò yaà hinie e teenga kpuu sùà.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Pììlɛ 2:7

E sɛmɛmaàŋ yaà ke dùò bi sùà lɛ è naŋ dɛɛ̀ wèè nyɛ̀iŋ nyàŋ nìŋ nauŋ hààwè sùà nyaŋ, kɛɛ wèè anyùùŋ nyaŋ aŋ yè nyaŋ kuwà hààwe nyàŋ, “Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.”

1Jɔ̀ɔŋ 4:19

È mànàìŋ aŋ dàwi wi nyàŋ esaɓù kɛ̀ wo Dayà, jiɛ̀ naŋ wi mɔ̀nɔ̀ŋ.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

Maŋ kèì nyɛɛnɛŋ 22:20

Wo nyùnɔ̀ɔŋ kiɛ̀ŋ ke mìè seìuŋ nɛɛ̀ŋ koɓɛ̀ e keì wòo lɛɛ̀ gbiŋ wɔ̀ wo woò wààŋ, “Hɛ̀ɛɛ̀ŋ, tɔɔɓaa, kòò mìŋ yaà hinie e teenga kpuu sùà!” Weètii, Kanaà Jisɛ̀, kɔ̀nɛɛ̀ŋ hnaàŋ e teenga kpuu sùà!