1 Kɔliìŋ 16:2 - WƆŊ FƐ̀Ì EBÒ SÌÀŊ DAYÀA

² Ke ɗɔɔ jiɛ̀jiɛ̀ɛ ke wikì gbiŋ sùà, nyùùŋ gbiŋ maŋ hàà e nɛɛnɛŋ bà e ɓula, e yìwìà e yèɛ gbiŋ mùŋ naŋ yɛmɛ̀ lɛ sùà, wèè niŋ go nàŋ nyɛ̀nɛ̀ŋ màŋ kuàŋ gbònògbono kè ɗɔɔɛ̀ mìŋ hnàŋ lɛ diɛŋ.

1 Kɔliìŋ 16:2 ပူးပေါင်းရင်းမြစ်များ

Luù 16:10

Wo nyùnɔ̀ɔŋ gbiŋ nyɛnɛŋ tɔ̀ɔ̀nyaàŋ maŋ keì jɔ̀à sùà wɔ, àŋ douŋ nàŋ haawè maŋ keì gbeegbèè sùà. Wo nyùnɔ̀ɔŋ gbiŋ nyɛnɛŋ kàaɓì maŋ keì nyɛɛnyɛ̀ɛ̀ sùà wɔ, wò do nàŋ nyɛ̀nɛ̀ŋ kàaɓì maŋ keì gbeegbèè sùà.

Luù 24:1

Ke ɗɔ̀ɔ̀ Sɔnèɛ, ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀, aŋ jɔùŋ nyaŋ naŋ kɔ̀ koɓɛ̀ ke hùaàŋ, àŋ naŋ kɔ̀ɔ̀ manɛ̀ŋ dò siaŋ màŋ àŋ naŋ wa banebànè maŋ.

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Nyɛ̀nɛ̀ŋ 20:7

Ke ɗɔ̀ɔ̀ jiɛ̀jiɛ̀ɛ ke wikìɛ sùà e koya, è naiŋ wa gbonò wèè eiŋ jììyà e nɛ̀ŋje koɓɛ̀ guùŋ. Yèè nààŋ wo Pɔɔ̀ naŋ wa ɗewè wèè wo nyiŋ jòà wo ka wɔŋ niìsìaà bàa, wò naŋ nɔ̀ɔ̀ŋ gbùùyè ko nɛ̀ɛ̀ŋ nyiŋ niìŋ e jèèsùà wɔŋ dùmɔ̀ɔŋ hàì tɛɛ.

2 Kɔliìŋ 8:10

Kpeiŋ e keì lɛɛ̀ sùà, ke mìè gòo miɛ̀ŋ kɛɛ̀, è yaà tɛ̀ɛ̀ wèè naŋ kpɛ̀ɛ̀yɛ̀ e nɛ̀ɛŋ nìŋ naŋ tɔɔtù doa bà mɛ̀iŋ nɛ̀. Nyɛ̀iŋ nàŋ yaà mɛ̀iŋ aŋ jiɛ̀jiɛ̀ nyaŋ, e fè guùŋ nɔŋ wèè naŋ kiɛ̀ŋ, kɛɛ naŋ kùwìè e ɗèweɛ̀ wèè naiŋ nyɛ̀nɛ̀ŋ.

Maŋ kèì nyɛɛnɛŋ 1:10

Ke ɗɔ̀ɔ̀ Dayà zòòloɛ̀ diɛŋ, wo Jìnàŋ Kanaà Dayà naim wa dèyè diɛŋ, yèè mìŋ naŋ kòmò ke mìè gbòa ko jɛ̀wɛ̀ miìŋ mààŋ e pòtanàŋ àŋ yaà fuunyɛŋ.