1 Kɔliìŋ 16:13 - WƆŊ FƐ̀Ì EBÒ SÌÀŊ DAYÀA

¹³ Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

1 Kɔliìŋ 16:13 ပူးပေါင်းရင်းမြစ်များ

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Maafiù 26:41

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Ɛfesɔ̀ 3:16

Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 6:10

E gbio sùà, tòòyaìŋ e kɔɔ nyingèiŋ nɛ̀ nààŋ nìŋ yaà aŋ bàiŋbà Kanaà Jisɛ̀ Kulaì sùà esàɓù e gààŋ zùlù gbeeuŋ nɛ̀ sùà lɛ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

1Tɛsè 3:8

esaɓù tɛɛ̀ èiŋ naàŋ ɓɛ̀nɛ̀ŋ nɔ̀ŋ nyiiŋ gèeɔ̀ sùà sèè nìŋ nɔ̀ŋ aŋ bàiŋbà maŋ nyɛ̀nɛ̀ŋ Kanaà Jisɛ̀ maŋ sùà.

1Tɛsè 5:6

Wèètii, ɓɔ̀ è nɔ̀iŋ màŋjàwè mààŋ ànyuùŋ gbànaŋ nyàŋ, jèè wiìŋ e fɛɛ̀ wòwò, yèè maŋ gòngo wi màŋ jilɛ̀ŋ.

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 2:1

Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

2Time 4:7

Kà nyɛ̀nɛ̀ŋ e yèɛ gbiŋ mìŋ naŋ ɓɛnɛ̀ŋ e dùaŋ lɛɛ̀ sùà lɛ, kà dùàŋ ke dòmaàŋ ke jùà, yèè kà jàà e hààweɛ̀ kùàŋ dìì.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

Maŋ kèì nyɛɛnɛŋ 16:15

Jàaìŋ jii kɛ̀ wo Kanaà Jisɛ̀ Kulaì naŋ woò wààŋ, “Mìŋ do nàŋ hnè mààŋ wo nyuùŋ wùa! E zɔlɔ̀ do nàŋ nɔ̀ŋ wo nyùnɔ̀ɔŋ wo Dayà do nàŋ kpuumò wèè wo nɔ̀ŋ fɛɛ̀ wòwò wɔ, yèè wo yɛ̀mɛ̀ maŋ dèè kɔɔuŋ màŋ diɛŋ, wèè wo go nàŋ kààìŋ ke kpanja e kìlà e sàngè euŋ kùwà ko ɓài!”