1 Kɔliìŋ 16:12 - WƆŊ FƐ̀Ì EBÒ SÌÀŊ DAYÀA

¹² Wèè e nyaàiŋ dè, wo wùìya wiɔ̀ wo Àpolò. E teenga bà sùà mìŋ gbòoùŋ kɔɔ wèè woiŋ jaamè e kpùlìà aŋ wùìya nyàŋ bà nyiŋ, kɛɛ wo Dayà kòò nyìmèè wèè wo naàŋ hnàŋ, e ɗewe gbiŋ sùà, wò do nàŋ hnè sèè e ɗeweɛ̀ nɔ̀ŋ.

1 Kɔliìŋ 16:12 ပူးပေါင်းရင်းမြစ်များ

Nyɛ̀nɛ̀ŋ 15:34

Kɛɛ wo Silà naŋ wa ɗewè wèè wo jòò ko Aŋtiɔ̀.]

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 24:25

Kɛɛ e jùù naŋ wa nyɛ̀nɛ̀ŋ wo Kanaà Filɛ̀ nààŋ wo Pɔɔ̀ naŋ wòò e kèè e tùwo siaŋ, yèè wo nyùùŋ yɛmɛ̀ wuŋ bi diɛŋ wèè ke kpèèuŋ nɛɛ̀ŋ, yèè ke ɗɔ̀ɔ̀ e gbàiɛ̀ do nàŋ hnè yɛ. Wo Kanaà Filɛ̀ naŋ wòò wo Pɔɔ̀ wààŋ, “E keì wòoɛ̀ yaà naàŋ tɛ̀ɛ̀. Màŋ naàŋ ɓɛ̀nɛ̀ŋ kàa. Kɛɛ sèè mìŋ kɛɛnɛ̀ŋ ɓɛìŋ e ɗewe mìŋ do nàŋ tùɔ̀ŋ weèum.”

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 3:22

E wèètii, ɓɔ̀ nìŋ kɛ̀ɛ̀ màŋ nyòùngà wèè Pɔɔ̀, ɔ̀ɔ̀ Àpolò, ɔ̀ɔ̀ Sifɔ̀, nyìmaìŋ kɛ̀ e ɗuunyaŋ lɛɛ̀, wɔŋ nyiiŋ, e fàa, e jàmaìŋ lɛɛ̀, yèè ko dòmàŋ fenìiŋ, manɛ̀ŋ mɛɛ̀ŋ gbiŋ màŋ yaà weèiŋ,

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

Taitɔ̀ 3:13

Kàmè ɗewe muŋ kpuumàŋ Zinà wo kààmɔɔŋ gɔ̀àì maŋ sàwà sùàa yaà wo Àpolò wèè aŋ tɔɔtù e kàaiŋ nyiŋ nɛ̀, yèè muŋ yɛmɛ̀ kɛ̀ àŋ kuwa e nɛ̀ɛŋ gbiŋ àŋ naŋ kpɛɛ̀ŋ weè niŋ lɛ̀.

Taitɔ̀ 3:4

Kɛɛ nààŋ e tɛ̀ɛ̀tɛ̀ɛ̀ yaà e mànàŋ Dayàa, wo Nyuùŋ Jòèye wiɔ̀ naŋ nɔ̀ŋ tɔ̀ɔ̀ niŋ ko nɛ̀ɛ̀ŋ wiì lɛ,