1 Kɔliìŋ 16:11 - WƆŊ FƐ̀Ì EBÒ SÌÀŊ DAYÀA

¹¹ Wo nyùùŋ gbiŋ ɓɔ̀ wò kɔɔyɛ̀uŋ fɛ̀ɛ̀ sùà, kɛɛ kpùùmaŋ nìuŋ e kàaiuŋ nɛ̀ sùà ke jii fàa diɛŋ, wèè wo kɛɛ̀ maŋjɛ̀wɛ ko nɛ̀ɛ̀ŋ miìŋ. Mìŋ yàaùŋ yɛ̀ɛ̀mɛ̀ dòmaŋ wèè wo kɛɛ̀ yaà aŋ wùìya nyàŋ.

1 Kɔliìŋ 16:11 ပူးပေါင်းရင်းမြစ်များ

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 15:33

Aŋ wùìyà tìyèe nyàŋ e yìwìà ko Jùlusɛ̀làm naŋ nɔ̀ŋ ko Aŋtiɔ̀ wèè e teenga kpàa bà koɓɛ̀ anyuùŋ hààwe nyàŋ. Yèè nààŋ àŋ yaà wa naàŋ kɛ̀ɛ̀ sùà maŋjɛ̀wɛ koɓɛ̀ anyùùŋ nyaŋ naŋ nyiŋ tùɔ̀ŋ nyaŋ, anyuùŋ hààwe nyàŋ naŋ nyiŋ gè nyààŋ diɛŋ wèè aŋ ka ke jii fàa sùà. [

1 Kɔliìŋ 16:10

Sèè wo Timetè hnàŋ wɔŋ faàiŋ nɔɔ̀ŋ, nyɛ̀nɛìŋ niŋ e kpàŋ è kɔɔiŋ niŋ jààuŋ kùàŋ dìì, e fèfoo, wò yaà toomo wèè Kanaà màànààŋ nɔŋ mìŋ yaà toomo lɛ̀.

1 Kɔliìŋ 16:6

Ɗɔɔ bà mìŋ doiŋ nàŋ nɔ̀ŋ gòlò e sɛ̀ɛ̀ɛ gbiŋ mààŋ, wèè naim kpuumàŋ e kàiŋ mɛ̀ sùà, wèè koɓɛ̀i gbiŋ mìŋ do ɓɛìŋ nàŋ nɔ̀ŋ kɔɔyɛ lɛ̀.

2 Kɔliìŋ 1:16

Mìŋ naŋ ɗewè wèè kaiŋ hìàŋ e jààme sèè mìŋ nɔ̀ŋ kɔ̀ɔ̀yɛ̀ ko Mɛ̀sèdonià, yèè sèè mìŋ nɔ̀ŋ ɓɛìŋ kɛ̀ɛ sùà, e wèè naim fè kpùùmaŋ wèè e kààiŋ mɛ̀ ko Jùdià.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

Taitɔ̀ 2:15

Kàà nyiŋ maŋ keì mɛɛ̀ŋ e gaàŋ mɔ̀ɛ̀ sùà, màànààŋ nɔŋ mùŋ fè anyùùŋ nyaŋ kumìàùm nyaŋ maŋ jii nyingè, e kìlà mùŋ dè nyiìŋ dòmaŋ diɛŋ lɛ̀. Ɓɔ̀ mùŋ dangè wò bà gbiŋ doum nììngè fɛ̀ɛ̀.

3Jɔ̀ɔŋ 1:6

Àŋ naŋ fè ke mìè seì koɓɛ̀ ke gbòò anyuùŋ hààwe nyàŋ e nyaàìŋ dè e mànaàŋ mùŋ kuwa lɛ̀. Kɔ̀nɛɛ̀ŋ kpùùmàŋ nyiŋ aŋ nyɛ̀nɛ̀ŋ e kààiŋ nyiŋ nɛ̀ wèè e fɔɔyɛ̀ wo Dayà jii.