1 Kɔliìŋ 16:1 - WƆŊ FƐ̀Ì EBÒ SÌÀŊ DAYÀA

¹ Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 16:1 ပူးပေါင်းရင်းမြစ်များ

Nyɛ̀nɛ̀ŋ 11:28

Wo bà guùŋ, e deèuŋ nɛ̀ nàŋ yaà wa wo Àgaɓɔ̀. E yìwìà e gààŋ Jinàaŋ sùà wo Àgaɓɔ̀ naŋ wa sie yèè wò naŋ woò kɛ̀ e jiè gbee do nàŋ sɔ̀ɔ̀ e ɗuunyaàŋ gbiŋ sùà ko dòmàŋfeìŋ. E jìè bi zà naŋ wa sɔ̀ɔ̀ e teengaà wo Kulɔdiɔ̀ yaà wa wo Kana wèè wɔŋ fùɔ̀ŋ anyùùŋ Luùm nyaŋ lɛ̀.

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 18:23

Wò naŋ kuii nɔ̀ŋ wèè e teenga kpàa bà, yèè wò nao yèwè wo jààmè maŋ kpàlàùŋ kpàlàùŋ zimgbe wɔŋ fùɔ̀ŋ anyùùŋ Gàlatìà nyaŋ yaà wɔŋ fùɔ̀ŋ Fɛgìàa sùà. Wò naŋ wa kpùùmò anyuùŋ hààwe nyàŋ koɓɛ̀ bi wèè aŋ kɛɛnɛ̀ŋ gààŋ e hààwe nyiŋ nɛ̀ sùà.

Nyɛ̀nɛ̀ŋ 24:17

“Nààŋ mìŋ naŋ kɔ̀ maŋ fuɔŋ joo sùà wèè maŋ doa jika, mìŋ naŋ kɛɛ̀ wèè ka hìàŋ manɛ̀ŋ kìɛŋ koɓɛ̀ anyuùŋ pɔ̀ɔ nyàŋ yèè koɓɛ̀ wɔŋ fuɔŋ miɔ̀ŋ yèè wèè ka gè maŋ saàà.

Nyɛ̀nɛ̀ŋ 9:13

Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Luùm 12:13

Kìɛìŋ kpùùmaŋ koɓɛ̀ anyùùŋ nɛ̀ɛ̀màŋ Dayà dàwiiŋ nyàŋ kuwà nɛ̀ŋ nyaŋ, e kìlà niŋ jaà aŋ nyùùnèènyɛiŋ kùàŋ dìì tɛ̀ɛ̀ maŋ gbooiŋ màŋ sùà.

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

1 Kɔliìŋ 4:17

E wèè esaɓù lɛɛ̀, mìŋ yaà tùaŋ sùà wo Timetè ko nɛ̀ɛ̀ŋ niìŋ, wo yèɔ yaà wo jɔ̀à mànaŋ tùlìà jii miɔ̀ŋ e hààweɛ̀ sùà wɔ, ke gbòò anyuùŋ hààwè Dayà nyaŋ e tɛɛ. Wèè woo dè maŋ jiiiŋ màŋ koɓɛ̀ maŋ keì ɗì maŋ mìŋ naŋ dè maŋjɛ̀wɛ wɔŋ nyiiŋ jɛiɔ̀ ke gbòò Jisɛ̀ Kulaìɛ sùà lɛ, maŋ yè maŋ mìŋ naŋ kaà maŋ ke gbòò anyuùŋ hààwe nyàŋ gbiŋ sùà koɓɛ̀i gbiŋ mìŋ kɔ̀ lɛ.

Gàla 1:2

Anyuùŋ hààwe nyàŋ gbiŋ yaà kià nyaŋ naim sìè jɛwɛ wèè ka tùàŋ e zùùmo koɓɛ̀ anyuùŋ hààwe nyaŋ maŋ sààŋ Dayàa màŋ dìì ko Gàlatìà.

Gàla 2:10

Àŋ naŋ wi wa nɔŋ dawè wèè eiŋ jàà anyùùŋ pɔ̀ɔ nyàŋ jii ke gboò nyiŋ nɛɛ̀ŋ sùà, yèè tɛɛ̀ nàŋ yaà e keìɛ è naŋ wa gongò wèè eiŋ nyɛ̀nɛ̀ŋ lɛ̀.

Felemɔ̀ŋ - PHM 1:5

Mìŋ naŋ kòmò e kèè e hààweɛ̀ mùŋ kuwa wo Kana wiɔ̀ wo Jisɛ̀ Kulaì sùà lɛ, yaà e mànaŋ mɔ̀ɛ̀ koɓɛ̀ anyùùŋ nɛɛmaŋ nyàŋ gbiŋ wèè wo Dayà.

Felemɔ̀ŋ - PHM 1:7

Wùìya miɔ̀ŋ, esàɓù e mànaŋ mɔ̀ɛ̀, mìŋ kuwa e zɔlɔ̀ gbee, yèè è naim kìɛ̀ŋ ke jii nyingè. È naŋ ɓɛìŋ dììyè e zɔlɔ̀ maŋ jìì anyùùŋ nyaŋ kuwa e mànaŋ wèè anyùùŋ nɛɛmaŋ nyàŋ koɓɛ̀ Dayài.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?