1 Kɔliìŋ 15:56 - WƆŊ FƐ̀Ì EBÒ SÌÀŊ DAYÀA

⁵⁶ E fàa gè e gààŋ e jèla niŋ nɛ̀ e yìwìà maŋ jùumù sùà, yèè maŋ jùumù gè e jeiŋ gààaŋ ke sàwàa sùà.

1 Kɔliìŋ 15:56 ပူးပေါင်းရင်းမြစ်များ

Jɔ̀ɔŋ 8:21

Wo Jisɛ̀ naŋ nyiŋ ɓɛìŋ woò wààŋ, “Mìŋ do nàŋ kɔ̀ koɓɛ̀ bà, yèè nìŋ doim nàŋ kamè. Kɛɛ niŋ naàŋ ɓɛ̀nɛ̀ŋ kà koɓɛ̀i mìŋ yaà kɔɔyɛ̀ lɛ̀, yèè nìŋ do nàŋ fɔ̀ɔ̀yɛ̀ maŋ jùumùiŋ màŋ gbiŋ sùà.”

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:15

Kɛɛ nyiŋ tìyèe àŋ yaà gbàgbà, esaɓù kɛ̀ e nɛ̀ɛŋ wo Dayà naŋ wa kiɛ̀ŋ lɛ e fè mààŋ è jùùmù Adamàaŋ. È yaà tɔɔɓaa kɛ̀ anyuùŋ zimgbe naŋ fɔ̀ esàɓù e jùùmù wo nyùùŋ guùŋ wii. Kɛɛ e tɛ̀ɛ̀tɛ̀ɛ̀ Dayàa naŋ dɛɛ̀ zimgbe, yèè yɛi nɔŋ wo Dayà naŋ niŋ kiɛ̀ŋ foo koɓɛ̀ anyuùŋ zimgbe esàɓù e tɛ̀ɛ̀tɛ̀ɛ̀ɛ wo Jisɛ̀ Kulaì naŋ nyɛ̀nɛ̀ŋ lɛ.

Luùm 5:17

È yaà tɔɔɓaa kɛ̀ esàɓù maŋ jùùmù wo anyùùŋ guùŋ sùà, e fàa naŋ kɛ̀ɛ̀nɛ̀ŋ gààŋ. Kɛɛ e sɛmɛ kɛnɛɛ̀ nàŋ yaà kɛ̀, anyùùŋ nyaŋ gbiŋ naŋ kɛ̀ɛ̀nɛ̀ŋ wɔŋ nyiiŋ gèe esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ wa nyɛ̀nɛ̀ŋ lɛ. Wo Dayà naŋ nyiŋ kìɛ̀ŋ e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dìa e yèɛ e gò tomo weè niŋ lɛ̀, yèè wò naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Hiɓu 9:27

Anyùùŋ nyaŋ gbiŋ do nàŋ fɔ̀ e sùà guùŋ kpò, eɓìèmàŋjɛ̀wɛ̀ tii wo Dayà do wi nàŋ gbaì wo wi hàà kiti diɛŋ.