1 Kɔliìŋ 15:54 - WƆŊ FƐ̀Ì EBÒ SÌÀŊ DAYÀA

⁵⁴ Sèè tii kaaàŋ, maŋ kpùnaŋ wi màŋ è kuwa màŋ naŋ yɔkpɔ̀ yèè màŋ fà lɛ, màŋ do nàŋ vɔɔnɔ̀ŋ koɓɛ̀ maŋ kpùnaŋ gò fà wèè julɔfɔ. Kpeiŋ kɛ̀ e mìè sùà fɛ̀ì Dayàa è nɔ̀ŋ tɔ̀ɔ̀nyaàŋ, “E fàa è nɔ̀ŋ pɔ̀ɔ̀pɔɔ niŋ, wo Dayà ɓùlà ke gùnɛɛ̀ŋ è jùà jɛ̀wɛ̀ kpɔ̀.”

1 Kɔliìŋ 15:54 ပူးပေါင်းရင်းမြစ်များ

Luù 20:36

Àŋ do nàŋ nɔ̀ŋ mààŋ aŋ màikà nyaŋ yèè aŋ fè ɓɛ̀nɛ̀ŋ fàa. Nyiŋ nàŋ yaà aŋ jɔ̀à Dayà nyaŋ, esaɓù kɛ̀ àŋ yèwà e fàaà dìì.

Luùm 1:23

Aŋ fè zòòlò wò Dayàa naŋ tɛ̀ɛ̀wɛ̀ jòòwo yèè wò yaà wɔŋ nyiiŋ gèeɔ̀ sùà wèè julɔfɔ wɔ̀. Kɛɛ àŋ zoolà aŋ dayà nyaŋ àŋ naŋ banè yèè àŋ naŋ tèènè nyuùŋkpùuŋ nyàŋ, aŋ yè nyaŋ fè wɔŋ nyiiŋ gèeɔ̀ sùà wèè julɔfɔ nyàŋ. Aŋ bà nyiŋ yaà mààŋ aŋ wòì, aŋ yìlì, yèè aŋ yilì gɔ̀ɛ̀ɛ̀ dìì.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Luùm 6:12

Ɓɔ̀ nìŋ dangè ɓɛìŋ e jùumù do kɛ̀ɛ̀nɛ̀ŋ gààŋ màŋ kpùnaiŋ màŋ diɛŋ, wèè e goiŋ nàŋ nyɛ̀nɛ̀ŋ naŋ jɔ̀ɔ̀lɔ̀ e ɗèweɛ̀ nìŋ kuwa lɛ̀ ke kpèè maŋ keì naanààiŋ nɛɛ̀ŋ dìì.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

2 Kɔliìŋ 4:11

Wɔŋ nyiiŋ gè wiɔ̀ gbiŋ sùà è sìàìŋ e kèì nyìngà fàa fɛɛ̀feìŋ esàɓù Jisɛ̀ɛ sùà e wèè kɛ̀ aŋ yɛmɛ̀ wɔŋ nyiiuŋ nɔɔ̀ŋ maŋ kpùnaŋ wi màŋ sùà.

2 Kɔliìŋ 5:4

È yaà tɔɔɓaa maŋ kpùnaŋ màŋ è yààìŋ sùà maŋ, maŋ fè wèè julɔfɔ, esaɓù kɛ̀ è gulìàìŋ ɗìòsùà e kìlà è yààìŋ e wùànàŋ sùà wèè eiŋ miŋ fòlà dìì, eiŋ kɛ̀ɛ̀nɛ̀ŋ maŋ kpùnaŋ jɛi ko àìjɛnɛ̀ŋ.

2Tɛsè 1:10

sèè wò hnàŋ wa nàwèè e nɛɛmauŋ nɛ̀ sùà ke ɗɔɔ yii diɛŋ wèè wo jàà e jòòwouŋ nɛ̀ kùàŋ dìì e yìwìà anyunùuŋ nyàŋ gbiŋ sìwè, yaà e ɓɛ̀ɛ̀jàauŋ nɛ̀ e yìwìà anyùùŋ nyaŋ nauŋ haawè nyaŋ sìwè. Nyɛ̀iŋ pɛɛ nìŋ do nyiŋ nàŋ nɔ̀ŋ e tɛɛ, esaɓù kɛ̀ nìŋ naŋ hààwè ke miè gbìaàŋ è naiŋ woò yɛ.

Maŋ kèì nyɛɛnɛŋ 20:14

Wo Dayà naŋ gbìɛ̀ŋ e fàa e ɗùùnyàŋ anyuùŋ fàa nyàŋ e hmɔɔ̀ŋ kùwa gbee sùà. E hmɔɔ̀ŋ kùwa gbee lɛɛ̀ nàŋ yaà e fàa dìà tìyèeɛ̀.

Maŋ kèì nyɛɛnɛŋ 21:4

Wo Dayà do nyiŋ nàŋ hààngè maŋ fɛɛ̀màì maŋ fɛ̀ɛ̀. Wo nyùùŋ gbiŋ naàŋ ɓɛìŋ fɔ̀, wo nyùùŋ gbiŋ naàŋ ɓɛìŋ kɛ̀ɛ̀nɛ̀ŋ kè jii mɔ̀ɔ̀nɛŋ ɔ̀ɔ̀ wo gòlà ɔ̀ɔ̀ wo kɛ̀ɛ̀nɛ̀ŋ è sàaŋ è kɔɔuŋ nɛ̀ sùà. Maŋ keì gɔu mɛɛ̀ŋ gbiŋ màŋ naàŋ mààŋ.”