1 Kɔliìŋ 15:44 - WƆŊ FƐ̀Ì EBÒ SÌÀŊ DAYÀA

⁴⁴ Àŋ nɔ̀ŋ yɛ̀ɛ̀mɛ̀ ke kpùnaàŋ aŋ nyiŋ sìà, sèè wo Dayà gè nyiìŋ naàŋ e fàa dìì, wo Jìnàŋ Dayàa nàŋ nɔ̀ŋ naàŋ ke kpùnaŋ yii sùà. Ke kpùnàŋ ke fòolà kè yaà wèètii, ke kpùnaŋ e kɔ̀ɔ̀ Jinàaŋ sùà kuwa wèè ke nɔ̀ŋ.

1 Kɔliìŋ 15:44 ပူးပေါင်းရင်းမြစ်များ

Luù 24:31

Kpeiŋ e fɛɛ̀ nyiŋ nɛ̀ naŋ gbaì yèè àŋ nauŋ jàà jii, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 20:19

Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

Jɔ̀ɔŋ 20:26

Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.”

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.