1 Kɔliìŋ 15:3 - WƆŊ FƐ̀Ì EBÒ SÌÀŊ DAYÀA

³ E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

1 Kɔliìŋ 15:3 ပူးပေါင်းရင်းမြစ်များ

Maafiù 26:24

Miàim wo Jɔ̀àfèlàà Nyuùŋ Kpùnɔɔ̀ŋ do nàŋ fɔ̀ màànààŋ nɔŋ è yaà sìnga niŋ wɔŋ fɛ̀ì Dayàa sùà e nyaàiŋ eim dè. Kɛɛ diè e keì nyìnga do yɛi nàŋ nɔ̀ŋ wèè wo nyùnɔ̀ɔŋ do nàŋ mààŋ miàim wo Jɔ̀àfèlàà Nyuùŋ Kpùnɔɔ̀ŋ le! È hewa weè nàŋ nɔŋ tɛ̀ɛ̀ weèuŋ sèè wo nààŋ gouŋ wa weè komàŋ gbiŋ!”

Maafiù 26:28

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

Luù 24:25

Kpeiŋ wo Jisɛ̀ naŋ woò wààŋ, “Wèè kiìŋ nìŋ yaà yɛi e ɓàaɓàa e kìlà nìŋ naŋ yɛi gbɔ̀mgbɔ̀ɔ̀ maŋ jii wèè naŋ hààwè maŋ keì maŋ aŋ wɛ̀ijì nyaŋ naiŋ wa woò maŋ, e nyaàiŋ dè wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ?

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Nyɛ̀nɛ̀ŋ 17:2

Yèè wo Pɔɔ̀, màànààŋ nɔŋ wò nyɛnɛŋ lɛ̀, wò naŋ kɔ̀ ko sààŋ zòòlò aŋ Juùù nyaŋ wèè wo zoolò. E ɗɔ̀ɔ̀ taai maŋ Ɗɔ̀ɔ̀ Zòòlò aŋ Juùù nyaŋ diɛŋ wò naŋ gbòò koɓɛ̀ anyùùŋ nyaŋ e yìwìà e mìè nyààŋ wɔŋ fɛ̀ì Dayàa sùà,

Nyɛ̀nɛ̀ŋ 3:18

Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ.

Nyɛ̀nɛ̀ŋ 8:32

Kià naŋ yaà wa koɓɛ̀i wo kenàaŋ yaà wa kpinie wɔŋ fɛ̀ì Dayàa sùà lɛ, “Wò yaà mààŋ wo ɓaawaa wo yèɔ àŋ yaà kòasùà wèè auŋ jìwà, ɔ̀ɔ̀ mààŋ wo ɓaawaa bɔwɔ gò ɓɛ̀nɛ̀ŋ gòla sèè àŋ nɔ̀ùŋ hɛ̀nɛŋ sùà maŋ duum ko fɛ̀ɛ̀fèìŋ wo nyuùŋ kɛ̀ɛ̀uŋ nɔɔ̀ŋ. Yèè wo gò wa gbòà.

Luùm 3:25

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

Luùm 4:25

Wèè esàɓù maŋ jùumù wi màŋ, wo Dayà naŋ wa kìɛ̀ŋ wo Jisɛ̀ koɓɛ̀ anyuùŋ naanààŋ wèè auŋ jìwà, yèè wò nauŋ gè e fàaà dìì wɔŋ nyiiŋ gèeo sùà, wèè e nyɛ̀nɛ̀ŋ wo Dayà wo wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 11:23

E kàaà mìŋ naŋ gè wo Kanaà Jisɛ̀ Kulaì sìwè lɛ, kàiŋ niŋ kpɛ̀ɛ̀yɛ̀ fèe. Tiŋ nàŋ yaà kɛ̀ wɔŋ dùmɔ̀ɔŋ àŋ nauŋ maàŋ wɔŋ, wò naŋ ɓèmè ke gbɔ̀u,

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Hiɓu 5:1

Wo kànà sìèfèìŋ zòòlo gbee gbiŋ, wo Dayà nauŋ tàeɗùù wèè wo tomo wèè anyuùŋ joo, yèè wèè wo hiàŋ manɛ̀ŋ kìɛŋ e saaà gèe sùà wèè wo Dayà juuyà maŋ jùùmù anyunùuŋ nyàŋ hakɛ̀.

Hiɓu 5:3

Nààŋ wuŋ bi kuwa e zɔ̀kpɔ̀ e kɔɔuŋ nɛ̀ sùà, esaɓùɛ lɛɛ̀ wò kuwa wo hìàŋ e nɛ̀ŋ saaà koɓɛ̀ Dayài wèè maŋ jùùmù wuŋ bi màŋ yèè maŋ jùùmù anyuùŋ joo.

1Pììlɛ 1:11

Àŋ naŋ fɛ̀ɛ̀ wèè aŋ nyìmàŋ kɛ̀ kiìŋ nàŋ do nàŋ nɔ̀ŋ e teengaà, yèè dièsɔa è do nàŋ hnè. Tɛɛ̀ nàŋ yaà wa e teengaà, e yèɛ wo Jìnàŋ Jisɛ̀ Kulaìɔ yàà nyiìŋ sùà wɔ, yaà wa tɔ̀ɔ sùà kiiyò, nààŋ wò yaà nyiìŋ wa wòò e kèì ko dòmàŋfeìŋ e nyaàiŋ dè e keì nyìngaà wo Jisɛ̀ Kulaì kuwa wèè wo kà dìì yèè e jòòwo gbeeɛ̀ doiŋ nàŋ dè maŋjɛ̀wɛ lɛ̀.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,